ବ୍ରହ୍ମଗିରି : ଅଲାରନାଥଙ୍କୁ ଦର୍ଶନ କଲେ ରାଜ୍ୟପାଳ । ଅଲାରନାଥଙ୍କୁ ଦର୍ଶନ କଲେ ରାଜ୍ୟପାଳ ହରିବାବୁ କମ୍ଭମପାଟି। ବ୍ରହ୍ମଗିରି ଅଲାରନାଥ ମନ୍ଦିରରେ ପହଞ୍ଚିବା ପରେ ଜିଲ୍ଲାପ୍ରଶାସନ ତରଫରୁ ଫୁଲତୋଡ଼ା ଦେଇ ସ୍ୱାଗତ କରାଯାଇଥିଲା । ସିଂହଦ୍ୱାର ସମ୍ମୁଖରେ ସେବାୟତ ନିଯୋଗ ତରଫରୁ ଖଣ୍ଡୁଆ, ନାମାବଳୀ ଓ ଉତ୍ତରୀୟ ଦିଆଯାଇ ସ୍ୱାଗତ କରାଯାଇଛି । ରାଜ୍ୟପାଳ ପ୍ରଥମେ ପ୍ରଭୁ ଅଲାରନାଥଙ୍କୁ ଦର୍ଶନ କରିବା ପରେ ମହାଲକ୍ଷ୍ମୀ, ଶ୍ରୀଚୈତନ୍ୟ ଓ ମହାବୀରଙ୍କୁ ଦର୍ଶନ କରି ଫେରି ଆସିଥିଲେ । ଅଲାରନାଥ ମନ୍ଦିରରେ ଅଣବସର ମାହାତ୍ମ୍ୟ ସମ୍ପର୍କରେ ସେବାୟତ ମାନଙ୍କ ସହିତ ରାଜ୍ୟପାଳ ଆଲୋଚନା କରିଥିଲେ । ରାଜ୍ୟପାଳଙ୍କ ଗସ୍ତ ପାଇଁ ସର୍ବସାଧାରଣ ଦର୍ଶନ ୧୫ ମିନିଟ ପାଇଁ ବନ୍ଦ କରାଯାଇଥିଲା ।
