ବ୍ରହ୍ମପୁର,୨୬/୪/୨୪:ଆଜି ସକାଳୁ ପ୍ରାୟ ୫ ଟା ସମୟରେ କୌଣସି ବିଶେଷ ସୂତ୍ରରୁ ଖବର ପାଇଁ ଗୋଳନ୍ଥରା ପୋଲିସ ହଳିଆପଦର ବସଷ୍ଟାଣ୍ଡ ନିକଟରେ ଡକାୟତି ଯୋଜନା କରୁଥିବା ୩ ଦୁର୍ଦାନ୍ତ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନା ଥାଉକି ବର୍ତ୍ତମାନ କନିସି ନକଟସ୍ତ ହଳଦିଆ ପଦର ବସ ଷ୍ଟାଣ୍ଡ ବର୍ତ୍ତମାନ ଅସାମାଜିକ ଯୁବକ ମାନଙ୍କ ଚରାଭୂଇ ପାଲୋଟିଛି, ଏଠାରେ ରାତ୍ର ସମୟରେ ବିଭିନ୍ନ ଯୋଜନା ଅପରାଧୀ ମାନେ କରୁଥିବା ନଜିର ବି ରହିଛି l ତେଣୁ ନିକଟସ୍ଥ ଗୋଳନ୍ଥରା ପୋଲିସ ର ସର୍ବଦା ନଜର ବି ରୁହେ ତେଣୁ ଖବର ପାଇବା ସଙ୍ଗେ ସଙ୍ଗେ ପୋଲିସ ଚଢ଼ାଉ କରି ୩ ଦୁର୍ଦାନ୍ତ ଅପରାଧୀ କାବୁ କରିଛି l ଗିରଫ ଅଭିଯୁକ୍ତମାନେ ଗୋଶାଣୀନୂଆ ଗାଁର ଶିବରାମ ପାଳ(୩୬),ଲାଠି ଗ୍ରାମର ଶ୍ୟାମସୁନ୍ଦର ଗୌଡ଼ ଓରଫ ଚେରୁ ଓ ପିଣ୍ଟୁ ଓରଫ ପଣ୍ଡା ଗୌଡ଼ । ଗିରଫ ଅଭିଯୁକ୍ତ ଶିବରାମ ପାଳଙ୍କ ନିକଟରୁ ଗୋଟିଏ ବନ୍ଧୁକ, ଦୁଇଟି ମୋବାଇଲ, ଚେରୁଙ୍କ ନିକଟରୁ ଗୋଟିଏ ଖଣ୍ଡା ଓ ଗୋଟିଏ ମୋବାଇଲ ଓ ପିଣ୍ଟୁଙ୍କ ନିକଟରୁ ଗୋଟିଏ ଖଣ୍ଡା ଓ ଗୋଟିଏ ମୋବାଇଲ ଜବତ କରିଛି ପୁଲିସ ।ଏହାସହ ଘଟଣା ସ୍ଥଳରୁ ଦୁଇଟି ଜୀବନ୍ତ ବୋମା, ମଦ ବୋତଲ ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଥିବା ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି । ଗିରଫ ଅଭିଯୁକ୍ତମାନଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଛି ବୋଲି ପୋଲିସ ସୂତ୍ରରୁ ପ୍ରକାଶ l ଗୋଳନ୍ଥରା ଥାନାରେ କେଶ ନୁମ୍ବର 198/26 ରେ ଏକ ମାମଲା ପଞ୍ଜିକରଣ ହେବା ସହିତ ଅପରାଧୀ ମାନଙ୍କ ବିରୋଧ ରେ U/S 399 /402 ଆଇ. ପି. ସି / ସେକ୍ସସନ (1-B) A ଆର୍ମ ଆକ୍ଟ / 4&5 ଇ ସି ଆକ୍ଟ ରେ କୋର୍ଟ ଚାଲାଣ କରାଯାଇଛି l