ବିଜେଡି ର ପଦବୀ ଛାଡ଼ ଟିକେଟ ନିଅ ନୀତି : ଖଲ୍ଲିକୋଟ ଓ ଆସିକା ବିଧାୟିକା ଟିକେଟ ଆଣିଲେ ..!

ବ୍ରହ୍ମପୁର: ଖଲ୍ଲିକୋଟ ଓ କବିସୂର୍ଯ୍ୟନଗର ଦୁଇଟି ବ୍ଲକ ର ଅଧକ୍ଷ ପଦବୀ ଛାଡିଲା ପରେ ଆସିକା ଖଲ୍ଲିକୋଟ ଦୁଇ ବିଧାୟିକା ଙ୍କୁ ଟିକେଟ ଦେଲା ଦଳ। ଗଞ୍ଜାମ ଜିଲ୍ଲାର ଖଲ୍ଲିକୋଟ ଓ ଆସିକା ବିଧାନସଭା ନିର୍ବାଚନ ମଣ୍ଡଳୀ ରେ ଗୋଷ୍ଟି କନ୍ଦଳ ତୀବ୍ରତର ହୋଇଥିଲା। ଶେଷରେ ଦଳ ମୁଖିଆ ଙ୍କୁ ମଧ୍ୟ ନାକେଦମ ହେବାକୁ ପଡିଥିଲା। ଏହି ଦୁଇଟି ନିର୍ବାଚନ ମଣ୍ଡଳୀ ରେ ରିପିଟ କରିବା ପରେ ବିଦ୍ରହ ର ସ୍ୱର ଜୋର ଧରିଥିଲା। ଶେଷରେ କୁଆଡ଼େ ଚୁକ୍ତି କରି ଆସିଥିଲେ ଏହି ଦୁଇଟି ବ୍ଲକ ର ଅଧକ୍ଷ ଅଧକ୍ଷା ପଦବୀ ଛାଡିବା ପରେ ଟିକେଟ ଦିଆଯାଇଛି। ଖଲ୍ଲିକୋଟ ଓ ଆସିକା ବିଧାନସଭା ନିର୍ବାଚନ ମଣ୍ଡଳୀ ରେ ଟିକେଟ ହାତେଇବାରେ ସଫଳ ହୋଇଥିଲେ ବି ଉଭୟ ପ୍ରାର୍ଥୀନୀ ଙ୍କ ନିକଟରେ ଆଗ ଧାଡ଼ିର ନେତା ମାନେ ଧରା ଛୁଆ ଦେଉନଥିବା ଦେଖିବାକୁ ମୁଳୁଛି। ଖଲ୍ଲିକୋଟ, ଆସିକା, ପୋଲସରା ଓ କବିସୂର୍ଯ୍ୟନଗର ବିଧାନସଭା ନିର୍ବାଚନ ମଣ୍ଡଳୀ ରେ ବିଜେଡ଼ି କୁ ଏବେ ଠାରୁ ନାକେ ଦମ ହେବାର ଦେଖିବାକୁ ମିଳୁଛି ଏବଂ ବିଜେଡି ଏହିମାନଙ୍କ ପାଇଁ ଝୁଣ୍ଟିବା ବି ସମ୍ଭାବନା ଅଧିକା । ଆସିକା ସଂସଦୀୟ କ୍ଷେତ୍ରରେ ହର ସାହୁ ବାଜି ମାରିଦେବାର ଯେଉଁ ସ୍ବପ୍ନ ଦେଖିଥିଲେ ଏବେ ଝାଳ ନାଳ ହୋଇ ଏହି ସବୁ ନିର୍ବାଚନ ମଣ୍ଡଳୀ ନେତା ଓ କର୍ମୀ ମାନଙ୍କ ମନକିଣିବାକୁ ବସିଛନ୍ତି ଏବଂ ଅନେକ କ୍ଷେତ୍ର ରେ ସାଲିସ ହେବାକୁ ବାଧ୍ୟ ହେଉଛନ୍ତି। ଏମପି ଙ୍କ ମଙ୍ଗ ଧରିଥିବା ହର ଙ୍କୁ ସନ୍ତୁଷ୍ଟ ଅସନ୍ତୁଷ୍ଟ ଙ୍କୁ ମେଳି କରିବାକୁ ବହୁ କଷ୍ଟ କରିବାକୁ ପଡ଼ୁଥିବା ଚର୍ଚ୍ଚା ହେଉଛି। ଏପଟେ ଆସିକା ସାଂସଦ ଯଦି ବିଜୟ ହେଲେ କୋରାପୁଟ ନା କୋଦଳା ରେ ରହିବେ ବୋଲି କିଛି ଲେଖା ସୋସିଆଲ ମିଡ଼ିଆ ରେ ଭାଇରଲ ହେଉଛି। ପୁଣି ରିପିଟ ପାଇଁ ଗଞ୍ଜାମ ଦାୟିତ୍ୱ ରେ ଥିବା ନେତା ମାନେ ବଡ଼ ଡ଼ିଲ କରିଥିବା ନେଇ ଚର୍ଚ୍ଚା ହେଉଛି। ଏହି ବଡ଼ ଡ଼ିଲ ପାଇଁ ଦଳ ଏବେ ଅସୁବିଧାର ସମ୍ମୁଖୀନ ହେଉଛି ବୋଲି ରାଜନୈତିକ ମହଲ ରେ ଚର୍ଚ୍ଚା ହେଉଛି। ଏବଂ ଏହି ଡିଲ ଓ ଫିକ୍ସଙ୍ଗ ପାଇଁ ବିଜେଡି ଦଳ କୁ ବହୁମୂଲ୍ୟ ଦେବାକୁ ପଡିପାରେ ବୋଲି ବୁଦ୍ଧିଜୀବୀ ଓ ସାଧାରଣ ରେ ଚର୍ଚ୍ଚା ହେଉଛି l ମୁଖ୍ୟତଃ ପୋଲସରା, ଖଲ୍ଲିକୋଟ ଓ ଆସିକା ନିର୍ବାଚନ ମଣ୍ଡଳୀ ରେ ବିଜେଡି ଝୁଣ୍ଟିବା ନିଶ୍ଚୟ ବୋଲି ସମୀକ୍ଷକ ମାନେ ମତ ଦେଲେଣି l ଏହି କ୍ଷେତ୍ର ର ବିଧାୟକ ମାନଙ୍କ ନାମରେ ଅନେକ ଅଭିଯୋଗ, ଅଞ୍ଚଳ ରେ ବିରୋଧ ଏବଂ ଦଳ ରେ ଗୋଷ୍ଠୀ କନ୍ଦଳ ଥାଇ ବି କିପରି ଦଳ ଟିକଟ ଦେଲା ତାହା ସନ୍ଦେହ ଘେରକୁ ଆଙ୍ଗୁଠି ଉଠୁଛି l ଏବଂ ଦଳ ସମାଲୋଚନା ର ବି ଶିକାର ହେଲାଣି, କୁଆଡେ ଏମାନଙ୍କ ଟିକଟ ଦେବାରେ ବଡ଼ ଧରଣ ର ଡିଲ ହୋଇଥିବା କୁ ନେଇ ଚର୍ଚ୍ଚା ହେଲାଣି l ତେଣୁ ନିର୍ବାଚନ ରେ ହୁଏତ ଏହାର ପ୍ରଭାବ ପଡିବ ବୋଲି ଅଞ୍ଚଳ ର ବୁଦ୍ଧିଜୀବୀ ଓ ସାଧାରଣ ରେ ଚର୍ଚ୍ଚା ହେଉଛି l