ଆସନ୍ତା୨୮ ତାରିଖରେ ବ୍ରହ୍ମପୁର ଗସ୍ତରେ ଆସୁଛନ୍ତି ଭାରତୀୟ ଜନତା ପାର୍ଟି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା

ବ୍ରହ୍ମପୁର : ଜେ ପି ନଡ୍ଡାଙ୍କ ବ୍ରହ୍ମପୁର ଗସ୍ତ ନେଇ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି ବ୍ରହ୍ମପୁର ଲୋକସଭା ପ୍ରାର୍ଥୀ ଡ଼ଃ. ପ୍ରଦୀପ କୁମାର ପାଣିଗ୍ରାହୀ। ସେ ଆମ୍ବପୁଆ ବିବେକ ବିହାର ଠାରେ ଆୟୋଜିତ ହେବାକୁ ଥିବା ସାଧାରଣ ସଭାକୁ ଉଦ୍ବୋଧନ ଦେବା ସହିତ କର୍ମକର୍ତ୍ତା ଙ୍କୁ ଆଗାମୀ ନିର୍ବାଚନ ନେଇ ଗୁରୁମନ୍ତ୍ର ଦେବାର କାର୍ଯ୍ୟକ୍ରମ ରହିଛି ବୋଲି ଶ୍ରୀ ପାଣିଗ୍ରାହୀ ସୂଚନା ଦେଇଛନ୍ତି।ଏଥି ସହିତ ଆଜି ଓଡିଶା ପ୍ରଦେଶ ଗଠନ ର ବିନ୍ଧାଣି ତଥା ଓଡ଼ିଶାର ପ୍ରଥମ ପ୍ରଧାନମନ୍ତ୍ରୀ ରାଜା କୃଷ୍ଣଚନ୍ଦ୍ର ଗଜପତି ଙ୍କ ଜୟନ୍ତୀ ଅବସରରେ ବହୁ ମହାପୁରୁଷ ଙ୍କ ସ୍ମୃତି ଚାରଣ କରିଥିଲେ।

ଏଥିସହିତ ବିଜେଡି ସରକାର ମହାପୁରୁଷ ଙ୍କୁ ଉପେକ୍ଷା କରୁଛି।ସେମାନଙ୍କୁ ଉଚିତ ସଂମ୍ମାନ ଦେବାରେ ବିଫଲ ହୋଇଥିବା କହିଛନ୍ତି।ଶିକ୍ଷା କ୍ଷେତ୍ରରେ ରାଜ୍ୟ ସରକାର କୌଣସି ଆବଶ୍ୟକୀୟ ପଦକ୍ଷେପ ଗ୍ରହଣ କରିନାହାଁନ୍ତି।ଏଥିସହିତ ରାଜ୍ୟ ସରକାରଙ୍କ ବିରୁଦ୍ଧରେ ଏକ ଚାର୍ଜସିଟ ଦାଖଲ କରିଛନ୍ତି। ଜଙ୍ଗଲ ଜମି ର ବିକାଶ ସହିତ ୩୩% ଜମିରେ ଜଳସେଚନ କରିବା ରେ ସମ୍ପୁର୍ଣ୍ଣ ବିଫଳ ହୋଇଛନ୍ତି ସରକାର।୩୧୪ବ୍ଲକ ରେ ଚାଷ ର ଉନ୍ନତି ଚାଷୀ ଙ୍କ ବିକାଶ ପାଇଁ ଶୀତଳ ଭଣ୍ଡାର ପ୍ରତିଶୃତି ଶୀତଳ ହୋଇ ପଡିଛି। ସରକାରୀ ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟ ରେ ୪୩୦୦ ଅଧ୍ୟାପକ ପଦବୀ ଖାଲି ରହିଛି।ତେବେ କିଭଳି ବିଦ୍ୟାର୍ଥୀ ଙ୍କୁ ଗୁଣାମତକ ଶିକ୍ଷା ପାଇ ପରିବେ ବୋଲି ଶ୍ରୀ ପାଣିଗ୍ରାହୀ ପ୍ରଶ୍ନ କରିଛନ୍ତି।ଛାତ୍ର ସଂସଦ ନିର୍ବାଚନ କୁ ବନ୍ଦ କରିବା ସରକାରଙ୍କ ଚକ୍ରାନ୍ତ।କ୍ରୀତଦାସ ନେତା ଗଠନ କରିବା ପାଇଁ ଛାତ୍ର ସଂସଦ ନିର୍ବାଚନକୁ ବନ୍ଦ କରିବା ମୁଖ କାରଣ ବୋଲି ସେ କହିଛନ୍ତି।ନୂଆଁ ଓ କାର୍ଯ୍ୟକ୍ରମ ମାଧ୍ୟମରେ ଛାତ୍ରଛାତ୍ରୀ ଙ୍କୁ ଅପଙ୍ଗ କରିବା ଏକ ମାଧ୍ୟମ ବୋଲି କହିଛନ୍ତି।ଏଥି ସହିତ ଓଡ଼ିଶାରେ ଆତ୍ମହତ୍ୟା ୬ଶହ ପ୍ରତିଶତ ରହିଛି।୬୧୨୪ ଗ୍ରାମାଞ୍ଚଳରେ ରାସ୍ତା ନାହିଁ।ଜଳ ଯୋଗାଣ କରିବାରେ ବିଫଳ ହୋଇଛନ୍ତି ସରକାର।ଅଘୋଷିତ ବିଦ୍ୟୁତ କାଟ ସହିତ ଅନ୍ୟରାଜ୍ୟ ତୁଳନାରେ ବିଦ୍ୟୁତ ବିଲ ୟୁନିଟ ପିଛା ଅଧିକା ଲୁଟୁଛନ୍ତି ସରକାର।ଓଡ଼ିଶାର ଅର୍ଥନୀତି କୁ ସରକାର ସମ୍ପୂର୍ଣ୍ଣ ଭାବେ ନଷ୍ଟ କରିଛନ୍ତି ସରକାର ଏଭଳି ବହୁ ସମସ୍ୟା କୁ ନେଇ ରାଜ୍ୟ ସରକାର ଙ୍କ ଉପରେ ବର୍ଷି ଛନ୍ତି ଶ୍ରୀ ପାଣିଗ୍ରାହୀ।ଆସନ୍ତା ନିର୍ବାଚନ ରେ ରାଜ୍ୟବାସୀ ଏହାର ଜବାବ ଦେବେ ବୋଲି ଶ୍ରୀ ପାଣିଗ୍ରାହୀ କହିଛନ୍ତି। ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ସଭାପତି ଡ଼ା.ସୁବାସ ସାହୁଙ୍କ ସମେତ ବ୍ରହ୍ମପୁର ସାଂସଦ ପ୍ରାର୍ଥୀ ଡ଼ଃ ପ୍ରଦୀପ ପାଣିଗ୍ରାହୀ,ବ୍ରହ୍ମପୁର ଲୋକସଭା କ୍ଷେତ୍ର ସଂଯୋଜକ ସରୋଜ ସାବତ,ବ୍ରହ୍ମପୁର ବିଧାନସଭା ପ୍ରାର୍ଥୀ କେ.ଅନିଲ କୁମାର,,ଦିଗପହଣ୍ଡି ବିଧାନସଭା ପ୍ରାର୍ଥୀ ସିଦ୍ଧାନ୍ତ ମହାପାତ୍ର,ଛତ୍ରପୁର ବିଧାନସଭା ପ୍ରାର୍ଥୀ କୃଷ୍ଣ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହିଥିଲେ।