ଚିକିଟୀ : କେ. ନୂଆଗାଁ ଥାନା ଅଧିନସ୍ଥ କଳବାଡ ପଞ୍ଚାୟତ ଅଫିସ ରେ ଚୋରି l ସୂଚନା ମୁତାବକ ଗତ କାଲି ବିଳମ୍ବିତ ରାତିରେ କଳବାଡ଼ ପଞ୍ଚାୟତ ଅଫିସ କୁ ଲୁଟେରା ମାନେ ଟାର୍ଗେଟ କରି ପ୍ରଥମେ ଗ୍ରିଲ ଚାବି ଭାଙ୍ଗି ଅଫିସ ଭିତରେ ପଶିଥିଲେ l ପରେ ପରେ ଅଫିସ ଭିତରେ ଥିବା ଗଡ଼ରେଜ ଚାବି ମଧ୍ୟ ଭାଙ୍ଗି ଏଣେ ତେଣେ ଖୋଜା ଖୋଜି କରି ଉଭାନ ହୋଇଯାଇଥିଲେ l ଆଜି ଅର୍ଥାତ ବୁଧବାର ସକାଳୁ ସରପଞ୍ଚ ମିନତୀ ପଣ୍ଡା ଅଫିସ ଖୋଲିବାକୁ ଯାଇ ଦେଖିଲା ବେଳେ ଏଭଳି ଅଘଟଣ ଘଟିଛି l ଏନେଇ ଏକ ଲିଖିତ ଅଭିଯୋଗ ଥାନରେ ପ୍ରଦାନ କରିଥିଲେ l ଅଭିଯୋଗ ପାଇ ପୋଲିସ ପହଂଚି ତଦନ୍ତ କରିଥିଲା l ପରେ ପରେ ସନ୍ଧାନୀ କୁକୁର ଆଣି ତଦନ୍ତ କରିଥିଲେ l ଏଭଳି ଚୋରି ଘଟଣା କେ. ନୂଆଗାଁ ଥାନା ଇଲାକାରେ ଚରାଚରିତ ପଦ୍ଧତି ହୋଇଥିବା ବେଳେ ଆଜି ପ୍ରଯ୍ୟନ୍ତ କୋୖଣସି ଚୋରକୁ ପୋଲିସ ଧରି ପାରିନଥିବା ମଧ୍ୟ ପ୍ରକାଶ ପାଉଛି l ଦିନକୁ ଦିନ ଏହି ଅଞ୍ଚଳରେ ଚୋର ମାନେ ନିଜର କା୍ୟା ବିସ୍ତାର କରିଚାଲିଥିବା ବେଳେ ପୋଲିସ ନିରବ ଦ୍ରଷ୍ଟା ସାଜିଥିବା ମଧ୍ୟ ଦେଖିବାକୁ ମିଳୁଛି l ଏଠି ଜନଜୀବନକୁ ସୁରକ୍ଷା ଦେବା ବିଭାଗ ଏଭଳି ଶିଥିଳତା ପାଲଟିଲେ ସାଧାରଣ ଜନତା କିଭଳି ସୁରକ୍ଷିତ ରହିବେ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି l