ଲକ୍ଷ୍ମୀପୁର:୨୦/୧୧ କୋରାପୁଟ ଜିଲ୍ଲା ଲକ୍ଷ୍ମୀପୁର ମହାବିଦ୍ୟାଳୟ ପରିସରରେ ସିୱାଇଏସଡି ସ୍ଵେଚ୍ଛାସେବୀ ସଂଗଠନ ତରଫରୁ ମହାନ ଆଦିବାସୀ ସ୍ୱାଧୀନତା ସଂଗ୍ରାମୀ ନେତା ବିର୍ସା ମୁଣ୍ଡାଙ୍କ ୧୫୦ ତମ ଜୟନ୍ତୀ ପାଳନ ଅବସରରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମକୁ ମୂଖ୍ଯ ଅତିଥି ଲକ୍ଷ୍ମୀପୁର ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ସୁଆଇ କୁଲେସିକା ଏବଂ ସମ୍ମାନିତ ଅତିଥି ଭାବେ ଯୁକ୍ତ ତିନି ଅଧ୍ୟକ୍ଷ ଶ୍ରୀ ବିଜୁ ମୁଦୁଲି ଉଦଘାଟନ କରିଥିଲେ। ଏହି ଅବସରରେ ସ୍ଵେଚ୍ଛାସେବୀ ସଂଗଠନ ସିୱାଇଏସଡି ଦକ୍ଷିଣାଞ୍ଚଳ ଏଣ୍ଟିଗେଟର ରମେଶ ଚନ୍ଦ୍ର ସ୍ଵାଇଁ ଯୋଗ ଦେଇ ବିର୍ସା ମୁଣ୍ଡାଙ୍କ ଅବଦାନ ବିଷୟରେ ଆଲୋକପାତ କରିଥିଲେ । ସେହିପରି ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ବିଜୁ ମୁଦୁଲି ବିର୍ସା ମୁଣ୍ଡାଙ୍କ ଜୀବନର କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଗୁଡିକ ଉପସ୍ଥାପନ କରିଥିଲେ । ଏହି ସଭାରେ ଲକ୍ଷ୍ମୀପୁର ବ୍ଲକ କୃଷି ଅଧିକାରୀ ଶ୍ରୀ ସୂର୍ଯ୍ୟକାନ୍ତ ନାହାକ, ସିୱାଇଏସଡି ବ୍ଲକ ଏଣ୍ଟିଗେଟର ଚିତ୍ତରଞ୍ଜନ ଗୌଡ ଓ କର୍ମଚାରୀ ଶାମଘନ ବିଷୋଇ, ଟିମା ମିଣିଆକା, ଗଗନ ବିହାରୀ ପାଲ, ଯୋଗେନ୍ଦ୍ର ମାଣ୍ଡିଙ୍ଗା, ନିରଞ୍ଜନ ମାଣ୍ଡିଙ୍ଗା ଏବଂ ଜାଗରଣ କୃଷି ଉତ୍ପାଦନ କମ୍ପାନୀର ବି.ଓ. ଡି ଶ୍ରୀମତୀ ସୋନାଲୀ ମିଣିଆକା ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ଏଥିରେ “ଶ୍ରୀଅନ୍ନ ଅଭିଯାନ କାର୍ଯ୍ୟକ୍ରମ ” ଅନ୍ତର୍ଗତ ଏକ “ଖାଦ୍ୟ ମହୋତ୍ସବର” ଆୟୋଜନ କରାଯାଇ ସମସ୍ତ ଛାତ୍ରଛାତ୍ରୀଙ୍କୁ ମାଣ୍ଡିଆରେ ପ୍ରସ୍ତୁତ କେକ୍, କାକରା, ଲଡୁ ତଥା କାଙ୍ଗୁ ଚାଉଳରେ ତିଆରି କ୍ଷିରୀ ଖାଇବାକୁ ଦିଆଯାଇ ଥିଲା।
ସେହିପରି ଅତିଥିମାନଙ୍କୁ ଉପଢୈାକନ ପ୍ରଦାନ କରି ସମ୍ମାନିତ କରାଯାଇଥିଲା।
ମହାବିଦ୍ୟାଳୟର ବରିଷ୍ଠ ଅଧ୍ୟାପକ ଡଃ ଜଗନ୍ନାଥ ରଥ, ଦୁର୍ଯ୍ଯୋଧନ ସାହୁ , ଯଶୋବନ୍ତ ଗରଡା, ଲକ୍ଷ୍ମୀକାନ୍ତ ଟାକ୍ରୀ, ପବିତ୍ର ମଣ୍ଡଳ ତଥା ଅଧ୍ୟାପିକା ଜାଜ୍ଞୋସେନି କନ୍ଧପାନ ଓ ଉଦୟ ଭାନୁ ପଣ୍ଡା ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରରେ କୁଇଜ୍, ରଚନା, ତର୍କ, ସଙ୍ଗୀତ, ନୃତ୍ୟ ଇତ୍ୟାଦି ଉପରେ ପ୍ରତିଯୋଗିତା ମଧ୍ୟ କରାଯାଇ ଥିଲା । ଏଥିରେ ଅଧ୍ୟାପିକା ମହିମା ରାଣୀ ରାଜୁ, ସନ୍ତୋଷିନୀ ଦାସ ଏବଂ ଜୟଶ୍ରୀ ପଟ୍ଟନାୟକ ପ୍ରତିଯୋଗିତାର ବିଚାରକ ଥିଲେ । ଏହି କାର୍ଯ୍ୟକ୍ରମକୁ ଶ୍ରୀ ରମେଶ ଚନ୍ଦ୍ର ସ୍ଵାଇଁ ପରିଚାଳନା କରିଥିଲେ ଏବଂ ଶେଷରେ ଚିତ୍ତରଞ୍ଜନ ଗୌଡ ଧନ୍ଯବାଦ ଅର୍ପଣ କରିଥିଲେ।