
ବୀରମିତ୍ରପୁର : ସୁନ୍ଦରଗଡ଼ ଜିଲ୍ଲାର ରାଏବଗା ଥାନା ଅନ୍ତର୍ଗତ ଝୁନମୁର ଯିବା ରାସ୍ତା ଉପରେ ଜଣେ ସ୍କୁଟି ଚାଳକ ରାଏବଗା ପଞ୍ଚାୟତ ଅନ୍ତର୍ଗତ ଗଟିଟାଙ୍ଗର ଅଞ୍ଚଳର ଏବ୍ରାନୁଶ କେରକେଟା ୪୦ ବର୍ଷ ନିଜର ସ୍କୁଟି ଯୋଗେ ଗୋପୁରରୁ ନିଜ ଘରକୁ ଫେରୁଥିବା ବେଳେ ଗୋଟିଏ ଛେଳି ରାସ୍ତା ଉପରେ ହୋଠାତ ଦୌଡ଼ି ଯାଇ ଥିବାରୁ ଏବ୍ରାନୁଶ ନିଜର ଭାରସାମ୍ୟ ହରାଇ ରାସ୍ତା ଉପରେ ଛିଟିକି ପଡ଼ି ଗୁରୁତର ଆହତ ହୋଇଥିଲେ । ରାଏବଗା ପୋଲିସ ଏସ ଆଇ ପ୍ରହଲ୍ଲାଦ କୁମାର ପ୍ରଧାନ କୌଣସି ସୂତ୍ରରୁ ସୂଚନା ପାଇ ଘଟଣା ସ୍ଥଳରେ ପହଞ୍ଚି ଏବ୍ରାନୁଶ କେରକେଟାଙ୍କୁ ସଙ୍ଗେ ସଙ୍ଗେ ରାଏବଗା ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ । ସେଠାରେ ଫାର୍ମାସିଷ୍ଟ ପ୍ରଦୀପ ମଙ୍ଗରାଜ ପ୍ରାଥମିକ ଚିକିତ୍ସା କରିବା ପରେ ଉତ୍ତମ ଚିକିତ୍ସା ପାଇଁ ଆମ୍ବୁଲାନ୍ସ ଯୋଗେ ବୀରମିତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । ଏବ୍ରାନୁଶ ଅଧିକ ଗୁରୁତର ହୋଇଥିବାରୁ ବୀରମିତ୍ରପୁର ଡାକ୍ତର ସଞ୍ଜୟ କୁମାର ପାଣ୍ଡେ ଚିକିତ୍ସା ପରୀକ୍ଷା କରିବା ପରେ ରାଉଲକେଲା ସରକାରୀ ଡାକ୍ତରଖାନାକୁ ସ୍ଥାନାନ୍ତରିତ କରିଥିବା ଜଣାପଡିଛି ।