ନୂଆଦିଲ୍ଲୀ : ଭାରତୀୟ ମହାକାଶ ଗବେଷଣା ସଂଗଠନ – ଇସ୍ରୋ, ପ୍ରୋବା-୩ ମହାକାଶଯାନରେ ଦେଖାଦେଇଥିବା ଅନିୟମିତତା କାରଣରୁ ‘ପିଏସଏଲଭି-ସି୫୯’ର ଉତକ୍ଷେପଣକୁ ଗୁରୁବାର ପର୍ଯ୍ୟନ୍ତ ଘୁଞ୍ଚାଇ ଦେଇଛି। ବୁଧବାର ଅପରାହ୍ନ ୪ଟା ୮ ମିନିଟରେ ଏହାର ଉତକ୍ଷେପଣ ପାଇଁ ସ୍ଥିର କରାଯାଇଥିଲା।
ପ୍ରୋବା-୩ ମହାକାଶଯାନ ପିଏସଏଲଭି-ସି୫୯/ପ୍ରୋବା-୩ ଉତକ୍ଷେପଣରେ ଅନିୟମିତତା ଦେଖାଦେବାରୁ ଆସନ୍ତାକାଲି ଅପରାହ୍ନ ୪ଟା ୧୨ରେ ଉତକ୍ଷେପଣ କରାଯିବ ବୋଲି ଇସ୍ରୋ ପକ୍ଷରୁ କୁହାଯାଇଛି। ପିଏସଏଲଭି-ସି୫୯ ହେଉଛି ଇସ୍ରୋ ଏବଂ ନ୍ୟୁସ୍ପେସ ଇଣ୍ଡିଆ ଲିମିଟେଡର ମିଳିତ ଉଦ୍ୟମ।
ପ୍ରୋବା-୩ ହେଉଛି ୟୁରୋପୀୟ ମହାକାଶ ଏଜେନ୍ସିର ଟେକ୍ନୋଲୋଜି ପ୍ରଦର୍ଶନ ଅଭିଯାନ। ଇଏସ୍ଏ ଅନୁଯାୟୀ, ଏହି ମିଶନ ଏକ ବୃହତ ସ୍ତରର ବିଜ୍ଞାନ ପରୀକ୍ଷଣ ପରିପ୍ରେକ୍ଷୀରେ ଗଠନ ଉଡ଼ାଣ ପ୍ରଦର୍ଶନ କରିବ। ଏହି ଦୁଇଟି ଉପଗ୍ରହ ମିଳିତ ଭାବେ ପ୍ରାୟ ୧୫୦ ମିଟର ଲମ୍ବର ସୋଲାର କୋରୋନାଗ୍ରାଫ୍ ପ୍ରସ୍ତୁତ କରି ସୂର୍ଯ୍ୟର କ୍ଷୁଦ୍ର କରୋନାକୁ ସୌର ରିମ୍ ନିକଟରେ ଅଧ୍ୟୟନ କରିବ। ଏହି ପରୀକ୍ଷଣ ଦୁଇଟି ମହାକାଶଯାନର ସଠିକ ସ୍ଥିତିକୁ ମାପିବା ପାଇଁ ଏକ ଉପଯୁକ୍ତ ଉପକରଣ ହେବ। ବିଭିନ୍ନ ପ୍ରକାରନୂଆ ଜ୍ଞାନକୌଶଳ ବ୍ୟବହାର କରି ଏହାକୁ ସକ୍ଷମ କରାଯିବ।
