ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାଗପୁର ଗସ୍ତ ଉପରେ ଶିବସେନା (ୟୁବିଟି) ନେତା ସଞ୍ଜୟ ରାଉତଙ୍କ ବୟାନକୁ ନେଇ ଚର୍ଚ୍ଚା ଆରମ୍ଭ ହୋଇଛି। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ରବିବାର ନାଗପୁର ଯାଇ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ମୁଖ୍ୟ ମୋହନ ଭାଗବତଙ୍କୁ ଏହି ବାର୍ତ୍ତା ଦେଇଥିଲେ ଯେ ସେ ଅବସର ନେଉଛନ୍ତି ଏବଂ ତାଙ୍କ ଉତ୍ତରାଧିକାରୀ ମହାରାଷ୍ଟ୍ରରୁ ଆସିବେ।
ତାଙ୍କର ଏହି ଦାବିଗୁଡ଼ିକୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ସମ୍ପୂର୍ଣ୍ଣ ଭାବରେ ଖାରଜ କରିଦେଇଛନ୍ତି। ସେ କହିଛନ୍ତି, “ମୋଦୀ ଆଗାମୀ ଅନେକ ବର୍ଷ ପର୍ଯ୍ୟନ୍ତ ଦେଶକୁ ନେତୃତ୍ୱ ଦେଇ ଚାଲିବେ।”
ଦେବେନ୍ଦ୍ର ଫଡନାଭିସ୍ ଆହୁରି କହିଛନ୍ତି, “ପରବର୍ତ୍ତୀ ନିର୍ବାଚନରେ (୨୦୨୯) ଆମେ ମୋଦୀଙ୍କୁ ପୁଣି ଥରେ ପ୍ରଧାନମନ୍ତ୍ରୀ ଭାବରେ ଦେଖିବୁ। ତାଙ୍କ ଉତ୍ତରାଧିକାରୀଙ୍କୁ ଖୋଜିବାର କୌଣସି ଆବଶ୍ୟକତା ନାହିଁ। ସେ (ମୋଦୀ) ଆମର ନେତା ଏବଂ ଏହି ପଦବୀରେ ରହିବେ।”
ଫଡନାଭିସ୍ କହିଛନ୍ତି, “ନେତା ସକ୍ରିୟ ଥିବା ସମୟରେ ଉତ୍ତରାଧିକାର ବିଷୟରେ ଆଲୋଚନା କରିବା ଭାରତୀୟ ସଂସ୍କୃତିରେ ନାହିଁ।” ତାହା ହେଉଛି ମୋଗଲ ସଂସ୍କୃତି। ଏହା ବିଷୟରେ ଆଲୋଚନା କରିବାର ସମୟ ଏପର୍ଯ୍ୟନ୍ତ ଆସିନାହିଁ।”
