
ହିଞ୍ଜିଳିକାଟୁ : ହିଞ୍ଜିଳିକାଟୁରେ ଉତ୍କଳ ଦିବସ ବିଭିନ୍ନ ଅନୁଷ୍ଠାନ ପକ୍ଷରୁ ମଙ୍ଗଳବାର ପାଳିତ ହୋଇଯାଇଛି।ହିଞ୍ଜିଳିକାଟୁ ପୌର ପରିଷଦ କାର୍ଯ୍ୟାଳୟରେ ଅଧ୍ୟକ୍ଷ ସୁବାସ ପଲେଇ, ଉପାଧ୍ୟକ୍ଷା ସୁଚିତ୍ରା ପଣ୍ଡା,ଓ କାଉନସିଲର ଉପସ୍ଥିତି ରେ ଉତ୍କଳ ଦିବସ ପାଳନ ହୋଇଯାଇଛି। କାର୍ଯ୍ୟକ୍ରମକୁ କାର୍ଯ୍ୟ ନିର୍ବାହୀ ଅଧିକାରୀ ଜୁବୁଲି ଚରଣ ବେହେରାଙ୍କ ପୌରହିତ୍ୟରେ ପୌର ପରିଷଦର କର୍ମଚାରୀ ମାନେ ପରିଚାଳନା କରିଥିଲେ।
ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଭାବେ ସଂପ୍ରତି ରାଜ୍ୟରେ ଓଡ଼ିଶାର ବିଭାଜନ ଉଦ୍ୟମକୁ ବିଭିନ୍ନ ବକ୍ତା ନାପସନ୍ଦ କରିବା ସହ ସ୍ଵତନ୍ତ୍ର ଉତ୍କଳ ପ୍ରଦେଶ ଗଠନ ରେ ବଳିଷ୍ଠ ଯୋଗଦାନ ଦେଇଥିବା ପୂର୍ବସୂରୀ ମାନଙ୍କ ଉଦ୍ୟମକୁ ଏହି ଅବସରରେ ସ୍ମରଣ କରିଛନ୍ତି। ଉତ୍କଳୀୟ କଳା, ସଂସ୍କୃତି, ସାହିତ୍ୟ ସମଗ୍ର ବିଶ୍ଵରେ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଓଡ଼ିଶାର ବହୁ ବ୍ୟକ୍ତିତ୍ଵ ଙ୍କ ଦେଶର ପ୍ରମୁଖ ସ୍ଥାନରେ ଅବସ୍ଥାପିତ ଗୌରବ ଆଣିଛନ୍ତି ବୋଲି କହିଛନ୍ତି। ଓଡିଆ ଭାଷା ସମିତି ପକ୍ଷରୁ ମଙ୍ଗଳବାର ସଂଧ୍ୟାରେ ଆରଏମସି ପରିସରରେ ଆୟୋଜିତ ଉତ୍କଳ ଦିବସ ସମାରୋହରେ ମୁଖ୍ୟ ଅତିଥି ଭାବେ ପଦ୍ମଶ୍ରୀ ଗୋପୀନାଥ ସ୍ବାଇଁ, ମୁଖ୍ୟ ବକ୍ତା ଭାବେ ଡ଼ଃ ହୃଷୀକେଶ ପଣ୍ଡା, ସମ୍ମାନିତ ଅତିଥି ପୌର ଉପାଧ୍ୟକ୍ଷା ସୁଚିତ୍ରା ପଣ୍ଡା ଓ ବ୍ଲକ ଅଧ୍ୟକ୍ଷା ସରସ୍ଵତୀ ସେଠି ଯୋଗ ଦେଇଥିଲେ। ପୂର୍ବରୁ ଆୟୋଜିତ ଅନ୍ୟ ଏକ କାର୍ଯ୍ୟକ୍ରମ ରେ ଗଞ୍ଜାମ ଜିଲା ର ବିଭିନ୍ନ ଅଞ୍ଚଳରୁ ୧ ମ ଶ୍ରେଣୀରୁ ୧୦ମ ପର୍ଯ୍ୟନ୍ତ ୧୦ ଜଣ ଛାତ୍ରଛାତ୍ରୀ ଅତିଥି ଭାବେ ଯୋଗଦେଇ ମୋ ସ୍ବପ୍ନରେ ଓଡ଼ିଶା ଉପରେ ମତ ରଖିଥିଲେ। କାର୍ଯ୍ୟକ୍ରମକୁ ସମିତି ସଭାପତି ଆକାଶ ପଟ୍ଟନାୟକ, ସମ୍ପାଦକ ରଞ୍ଜନ କୁମାର ସାହୁ, ଚିନ୍ମୟ ପୋଲାଇ, ରୀତାଞ୍ଜଳୀ ମିଶ୍ର, ଲିଜାରାଣୀ ସାହୁ ଓ ଅନ୍ୟ ସମିତିର ସଦସ୍ୟ ପରିଚାଳନାରେ ସହଯୋଗ କରିଥିଲେ। ସେହିପରି ଚନ୍ଦ୍ରିକା ସାହିତ୍ୟ ଏକାଡେମୀ ପିତ୍ତଳ ପକ୍ଷରୁ ବିଜ୍ଞାନ ମହାବିଦ୍ୟାଳୟ ପରିସରରେ ଆୟୋଜିତ କାର୍ଯ୍ୟକ୍ରମ ରେ ପତ୍ରିକା ଉନ୍ମୋଚନ, ଆଲୋଚନା ଚକ୍ର, କବିତା ପାଠୋତ୍ସବ ଆୟୋଜିତ ହୋଇଯାଇଛି। ଇଂ ବିଚିତ୍ରାନନ୍ଦ ମୁନୀଙ୍କ ପୌରହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମ ରେ ଅରୁଣ କୁମାର ଖାଡଙ୍ଗା, ହରିହର ଚୌଧୁରୀ, ଡ଼ଃ ଲକ୍ଷ୍ମୀ ନାରାୟଣ ଦାସ, ବି ପ୍ରକାଶ ଚନ୍ଦ୍ର ପାତ୍ର, ଡ଼ଃ ସୁପ୍ରିୟା ସାହୁ, ଅରବିନ୍ଦ ପଣ୍ଡା, ସଞ୍ଜୟ ଷଡ଼ଙ୍ଗୀ, ଜଗନ୍ନାଥ ଗୌଡ, ହୃଷୀକେଶ ମହାନ୍ତି ପ୍ରମୁଖ ଅତିଥି ଭାବେ ଯୋଗଦେଇଥିଲେ। ଚିନ୍ମୟ ରଞ୍ଜନ ମିଶ୍ର ଓ ସୁପ୍ରଜିତ ସାହୁ ସଂଯୋଜନା କରିଥିଲେ।