ବାବାସାହେବ ଆମ୍ବେଦକରଙ୍କ ଜୟନ୍ତୀ ପାଳନ

youtube

ସମ୍ବିଧାନର ସୁରକ୍ଷା ପାଇଁ ଏକ ହୁଅ – ପୂଜ୍ୟ ପୂଜା ସମିତି

ବ୍ରହ୍ମପୁର : ବିଶ୍ୱରତ୍ନ ବାବାସାହେବ ଆମ୍ବେଦକରଙ୍କ ୧୩୫ତମ ଜୟନ୍ତୀ ଅବସରରେ ଆଜି ପୂଜ୍ୟ ପୂଜା ସମିତି ପକ୍ଷରୁ ବ୍ରହ୍ମପୁର ଇଞ୍ଜିନିୟରିଂ ସ୍କୁଲ ଛକ ଠାରେ ବାବାସାହେବଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ଓ ସଭା ଅନୁଷ୍ଠିତ ହୋଇଯାଇଛି l ଆଇନଜୀବୀ ଅବନୀ ଗୟା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ l ବାବାସାହେବ ଆମ୍ବେଦକର ଜଣେ ମହାନ ଦେଶପ୍ରେମୀ ଓ ମାନବବାଦୀ ହେବାସହ ଦେଶରେ ସମାନତା, ସ୍ୱାଧୀନତା ଓ ମର୍ଯ୍ୟାଦାବନ୍ତ ଜୀବନ ଯାପନ ପାଇଁ ସାଧାରଣ ଜନତାଙ୍କ ପାଇଁ ଯଥେଷ୍ଟ ଅବଦାନ ଛାଡି ଯାଇଛନ୍ତି l ମହିଳା ଓ ଅନୁସୂଚିତ ଜାତି, ଜନଜାତିଙ୍କ ଭୋଟ ଦେବା ଅଧିକାରଠୁ ଆରମ୍ଭ କରି ନାରୀ ପୁରୁଷଙ୍କ ପାଇଁ ସମାନ ପାରିଶ୍ରମିକ,ଆଠ ଘଣ୍ଟା ଶ୍ରମ ନୀତି, ମହିଳା ଙ୍କୁ ଶିକ୍ଷିତ ଓ ମର୍ଯ୍ୟାଦାବନ୍ତ ଜୀବନ ଦେବାରେ ବାବାସାହେବଙ୍କ ବଳିଷ୍ଠ ଅବଦାନ ରହିଛି l ସମ୍ବିଧାନରେ ଉଲ୍ଲେଖ ଦେଶ ବାସୀଙ୍କ ମଧ୍ୟରେ ଥିବା ସାମାଜିକ ଐକ୍ୟ,ସଂସ୍କୃତି ଓ ଭାଇଚାରା ପ୍ରତି ସଙ୍କଟ ଘନେଇଛି l

ସମ୍ବିଧାନ ମୁଖପତ୍ରରେ ପ୍ରଦତ୍ତ ସମାଜବାଦ ଓ ଧର୍ମନିରପେକ୍ଷତା ଆଜି ବିପଦରେ l ଏଣୁ ସମ୍ବିଧାନର ସୁରକ୍ଷା ପାଇଁ ସମସ୍ତେ ଆଗେଇ ଆସିବା ଦରକାର l ଆଜିର ଏହି କାର୍ଯ୍ୟକ୍ରମରେ ପୂର୍ବତନ ସାଂସଦ ଚନ୍ଦ୍ର ଶେଖର ସାହୁ,ପୂର୍ବତନ ଅବକାରୀ ଅଧିକ୍ଷକ ନଳିନୀ କୁମାର ବେହେରା, ପୂର୍ବତନ ସମାଜ ମଙ୍ଗଳ ଅଧିକାରୀ ଜ୍ୟୋତି କୃଷ୍ଣ ବେହେରା,ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରବି ନାରାୟଣ ବେହେରା,ବରିଷ୍ଠ ସାମ୍ବାଦିକ ରବି ରଥ,ସ୍ଥାନୀୟ କର୍ପୋରେଟର ମଳୟ କୁମାର ବିଶୋଇ,ମାନବ ଅଧିକାର ସୁରକ୍ଷା ମଞ୍ଚ ସଭାପତି ଗଗନ ଚନ୍ଦ୍ର ମଲ୍ଲିକ,ଶିକ୍ଷକ ସଂଗଠନ ନେତା ବିଜୟ କୁମାର ବେହେରା, କିଶୋର ଚନ୍ଦ୍ର ପାତ୍ର,ଆର. ସତ୍ୟ ନାରାୟଣ ରାଓ,ସାଲ୍ଲା କେଶବ ଲିଙ୍ଗମ, ଉମା ଚରଣ ନାୟକ, ଗାଗାରିନ ନାୟକ, ଅଶୋକ ଦଳାଇ,ହୃଷିକେଶ ପାତ୍ର,ଆଦିତ୍ୟ ରଥ,ବିରେନ କୁମାର ବେହେରା,ମହମ୍ମଦ ମଲ୍ଲିକ, ପୂର୍ଣ୍ଣ ଚନ୍ଦ୍ର ମହାରଣା, ବିଜୟ କୁମାର ପାଢ଼ୀ,ରଜନୀ କାନ୍ତ ମଣ୍ଡଳ, ମହମ୍ମଦ ଆସଲାମ, ଅଶୋକ ନିମାଇଁ, ଏସ. ଶାମ୍ବାଶିବା ରାଓ,ସୁବାଷ ବେହେରା, ଗାଣ୍ଡୁ ସାହୁ, ଜି. ଶୁଭଙ୍କର ପ୍ରମୁଖ ଅଂଶ ଗ୍ରହଣ କରିଥିଲେ l

Leave A Reply

Your email address will not be published.