ନୂଆଦିଲ୍ଲୀ: ଟି-୨୦ ଅନ୍ତର୍ଜାତୀୟ କ୍ରିକେଟ ପରେ ବିରାଟ କୋହଲି ନିକଟରେ ଟେଷ୍ଟ କ୍ରିକେଟକୁ ମଧ୍ୟ ଅଲବିଦା କହିଛନ୍ତି। ଲଗାତାର କ୍ରିକେଟ ଖେଳିବା ପରେ ଏବେ ଅବସର ସମୟରେ ସେ ନିଜ ପରିବାରକୁ ସମୟ ଦେଉଥିବା ଦେଖାଯାଉଛନ୍ତି। ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ସେ ବିଭିନ୍ନ ମନ୍ଦିର ପରିଦର୍ଶନ କରୁଥିବା ଦେଖିବାକୁ ମିଳୁଛି। କିଛି ଦିନ ତଳେ ପ୍ରେମାନନ୍ଦ ମହାରାଜଙ୍କଠାରୁ ଆଶୀର୍ବାଦ ନେବା ପରେ, ସେ ଏବେ ଅଯୋଧ୍ୟାରେ ପହଞ୍ଚିଛନ୍ତି। ସେଠାରେ ସେ ପ୍ରାୟ ୧୦୦୦ ବର୍ଷ ପୁରୁଣା ମନ୍ଦିର ହନୁମାନ ଗଢ଼ିରେ ତାଙ୍କ ପତ୍ନୀ ଅନୁଷ୍କା ଶର୍ମାଙ୍କ ସହିତ ପୂଜା କରିଥିବା ଜଣାଯାଇଛି।
ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ବିରାଟ କୋହଲି ବିଭିନ୍ନ ମନ୍ଦିର ପରିଦର୍ଶନ କରୁଥିବା ଦେଖିବାକୁ ମିଳୁଛି। କିଛି ଦିନ ତଳେ ପ୍ରେମାନନ୍ଦ ମହାରାଜଙ୍କଠାରୁ ଆଶୀର୍ବାଦ ନେବା ପରେ, ସେ ଏବେ ଅଯୋଧ୍ୟାରେ ପହଞ୍ଚିଛନ୍ତି।
ଏହି ଘଟଣାର ଏକ ଭିଡିଓ ଏବେ ଭାଇରାଲ ହେଉଛି, ଯେଉଁଥିରେ ମନ୍ଦିରର ପୂଜାରୀ ସେମାନଙ୍କ ଦ୍ବାରା ରୀତିନୀତି ଅନୁଯାୟୀ ପୂଜା କାର୍ଯ୍ୟ କରାଉଛନ୍ତି। କୁହାଯାଉଛି ଯେ, ଷ୍ଟାର ବ୍ୟାଟସମ୍ୟାନ ମନ୍ଦିରରେ ପୂଜାର୍ଚ୍ଚନା କରି ଭଗବାନଙ୍କ ଆଶୀର୍ବାଦ ନେବା ପରେ ମନ୍ଦିର ପରିସରରେ ପତ୍ନୀ ଅନୁଷ୍କାଙ୍କ ସହିତ କିଛି ସମୟ ବିତାଇଥିଲେ।
ତେବେ ବିରାଟ କୋହଲି ବର୍ତ୍ତମାନ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ)ର ୧୮ତମ ସିଜିନରେ ବ୍ୟସ୍ତ ଅଛନ୍ତି, ଯେଉଁଠାରେ ସେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ପାଇଁ ଖେଳୁଛନ୍ତି। ଚଳିତ ସିଜିନରେ ତାଙ୍କ ଦଳର ପ୍ରଦର୍ଶନ ଏପର୍ଯ୍ୟନ୍ତ ପ୍ରଶଂସନୀୟ ରହିଛି। ଏପର୍ଯ୍ୟନ୍ତର ପ୍ରଦର୍ଶନରେ ବେଙ୍ଗାଲୁର ପଏଣ୍ଟ ଟେବୁଲରେ ତୃତୀୟ ସ୍ଥାନରେ ରହିଛି। ଆଇପିଏଲ୍ର ଚଳିତ ସଂସ୍କରଣରେ ବେଙ୍ଗାଲୁରୁ ୧୩ଟି ମ୍ୟାଚ୍ ମଧ୍ୟରୁ ୮ଟିରେ ବିଜୟ ହାସଲ କରିଥିବା ବେଳେ ୪ଟିରେ ହାରିଯାଇଛି। ଅନ୍ୟ ଏକ ମ୍ୟାଚ୍ ଅନିବାର୍ଯ୍ୟ କାରଣ ଯୋଗୁଁ ଖେଳାଯାଇ ପାରି ନଥିଲା।