ରାଇକିଆ : ରାଜ୍ୟ ସରକାରଙ୍କ ଏକ ବର୍ଷ ପୂର୍ତ୍ତି ଅବସରରେ ‘ବିକାଶ ବାହନ’ କାର୍ଯ୍ୟକ୍ରମର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶୁଭାରମ୍ଭ କରିଛନ୍ତି । ସେହିପରି କନ୍ଧମାଳ ଜିଲ୍ଲା ରାଇକିଆ ବ୍ଲକରେ ରାଇକିଆ ଗୋଷ୍ଠୀ ଉନ୍ନୟନ ଅଧିକାରୀ ଡାଃ ସବ୍ୟସାଚୀ ସାହୁ , ରାଇକିଆ ବ୍ଲକ ସାଂସଦ ପ୍ରତିନିଧି ସନ୍ତୋଷ ଲେଙ୍କା ପତାକା ଦେଖାଇ ବ୍ଲକ ପରିସରରୁ ବିକାଶ ବାହନ ଗଡିବା ପାଇଁ ଅନୁମତି ପ୍ରଦାନ କରିଥିଲେ। ଅନ୍ୟ ଅତିଥିମାନଙ୍କ ମଧ୍ୟରେ ଅତିରିକ୍ତ ତହସିଲଦାର ଦିଲ୍ଲୀପ କୁମାର ବେହେରା, ଏବିଡିଓ ଦିବ୍ୟସିଂ କହଁର, ଏପିଓ ସମୀର ଦାସ, ଯୋଗାଣ ନୀରିକ୍ଷକ କିରଣ ବେହେରା, ବ୍ଲକ ମଙ୍ଗଲ ସଂପ୍ରସାରଣ ଅଧିକାରୀ ଉର୍ମିଳା ପ୍ରଧାନ, ବିପିଏମ୍ କମଲ ପ୍ରସାଦ ନାୟକ, ଜୟଦେବ ପ୍ରଧାନ, ସୁଦିପ୍ତା ପ୍ରଧାନ, ହରପ୍ରସାଦ ମୁନି,ଭାଜପା ବ୍ଲକ ସଭାପତି ସନ୍ତୋଷ ପାତ୍ର, ନାରାୟଣ ପାତ୍ର, ସନକ ଦିଗାଳ, ଅଭିମନ୍ୟୁ ପଣ୍ଡାଙ୍କ ସମେତ ବିଭିନ୍ନ ବିଭାଗର ଅଧିକାରୀ, କର୍ମଚାରୀ ଉପସ୍ଥିତ ଥିଲେ। ପ୍ରଥମ ଦିନରେ ବିକାଶ ବାହନ ଉକ୍ତ ବ୍ଲକ ରାଇକିଆ, ବେରେଡାକିଆ ଏବଂ ଡ଼ଡିଙ୍ଗିଆ ପଞ୍ଚାୟତର ରାଇକିଆ, ଗଞ୍ଜୁଗୁଡା, ଗମାଣ୍ଡି, ମୁସୁମାହା, ପିସେରାମା, ଡାଲବାଲି, ଡ଼ଡିଙ୍ଗିଆ, ବିଅରପାଙ୍ଗା, ବେରେଡାକିଆ, କାଣ୍ଡାବାଡା ଗ୍ରାମକୁ ଯାଇ ସେଠାରେ ଉଭୟ କେନ୍ଦ୍ର ସରକାରଙ୍କ ୧୧ ଓ ରାଜ୍ୟ ସରକାରଙ୍କ ୧ ବର୍ଷର ସଫଳ କାର୍ଯ୍ୟ ଓ ବିଭିନ୍ନ ଲୋକାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ସଚେତନ କରାଇବ। ଏଥିସହ ଯେଉଁସବୁ ପଞ୍ଚାୟତ ଅଞ୍ଚଳରେ ଏହି ବାହନ ପହଞ୍ଚିବ ସେହି ଅଞ୍ଚଳରେ କାର୍ଯ୍ୟରତ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ବିଭିନ୍ନ ବିଭାଗୀୟ ଅଧିକାରୀ ମାନେ ଉପସ୍ଥିତ ରହି ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଲୋକଙ୍କୁ ଅବଗତ କରାଇବା ସହ ଜମି ପଟ୍ଟା ବଣ୍ଟନ, ରାସନ କାର୍ଡ ବଣ୍ଟନ, ନୂତନ ଭତ୍ତା, ନୂତନ ଘର ପାଇଁ କାର୍ଯ୍ୟାଦେଶ ଓ ବିଭିନ୍ନ ଉପଭୋକ୍ତାଙ୍କ ମୌଳିକ ଅଧିକାର ଗୁଡିକ ଉପଲବ୍ଧ କରାଇବେ। ଉକ୍ତ ବିକାଶ ବାହନ ଆଜି ଠାରୁ ଆରମ୍ଭ ହୋଇ ୨୧/୦୬/୨୦୨୫ ପର୍ଯ୍ୟନ୍ତ ବ୍ଲକର ବିଭିନ୍ନ ପଞ୍ଚାୟତ ଅଞ୍ଚଳ ବୁଲି କେନ୍ଦ୍ର ଓ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ସଚେତନ କରାଇବା ସହ ଅପହଞ୍ଚ ଅଞ୍ଚଳରେ ରହୁଥିବା ଲୋକଙ୍କ ପାଖରେ ସରକାରୀ ଯୋଜନାର ସୁଫଳ ପହଞ୍ଚାଇବାରେ ମୁଖ୍ୟ ଭୂମିକା ଗ୍ରହଣ କରିବ।