ମାଲକାନଗିରି//ଚିତ୍ରକୋଣ୍ଡା : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ପିୟୁପିଏସ ର ନୂତନ ଭାବେ ନିର୍ମାଣ ହେଉଥିବା ଗୃହରେ ବ୍ୟବହାର ହେଉଛି କାଦୁଅ ବାଲି । ସରକାର ସେତୁ ଯୋଜନା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ସୁଦ୍ଧା ଠିକାଦାର ଓ ବିଭାଗୀୟ ଅଧିକାରୀମାନ ଙ୍କ ମଧୁଚନ୍ଦ୍ରିକା ଭାବେ ଚାଲିଛି ନିମ୍ନମାନର ଶ୍ରେଣୀ ଗୃହକାମ । ଏହି ଶ୍ରେଣୀ ଗୃହ ପାଇଁ ୪୦ ଲକ୍ଷ ଟଙ୍କା ରୁ ଉର୍ଦ୍ଧ୍ବ ବ୍ୟୟବରାଦ ହୋଇଥିବା ବେଳେ ପରିତାପର ବିଷୟ ନିମ୍ନ ମାନର କାମ ଚାଲୁ ରହିଛି । ଦୁଇ ମହଲା ବିଶିଷ୍ଠ ଏହି ସ୍କୁଲ ଘରଟି ରେ ଫାଉଣ୍ଡେସନ ଓ ପିଲାର ଗୁଡ଼ିକ ର କାମ ବହୁତ ନିମ୍ନ ମାନର ହେଉଥିବା ନେଇ ସାଧାରଣରେ ଅଭିଯୋଗ ହେଉଛି । ସ୍କୁଲ କମିଟି ଅସନ୍ତୋଷ ପ୍ରକାଶ କରିବା ସହିତ କାମ ବନ୍ଦ କରିବା ପାଇଁ କହିବା ସତ୍ତ୍ୱେ କାମ ଚାଲୁ ରହିଛି । ଯଦି ମୂଳଦୁଆ ଅତି ନିମ୍ନ ମାନର କାମ ହେବ ତାହା ହେଲେ ଦ୍ୱତୀୟ ମହଲା ଟି କିପରି ରହିବ ତାହା ଏବେ ଠାରୁ ସ୍ପଷ୍ଟ ହୋଇ ଗଲାଣି । କାମଚାଲିଥିବା ଶେଣୀଗୃହ ଅତିଶୀଘ୍ର ପ୍ରଶାସନ ତଦାରଖ କଲେ କାମଟି ଭଲ ରୂପେ ହୋଇ ପାରିବ ଏବଂ ୩୦୦ ପିଲାଙ୍କ ଭବିଷ୍ୟତ ଅନ୍ଧକାର ହେବାରୁ ରକ୍ଷା ପାଇ ପାରିବ ।