ନୂଆଦିଲ୍ଲୀ ୨୩/୦୭: ବିହାର ବିଧାନସଭାରେ ହଙ୍ଗାମା । ‘ବାପା’ ଶବ୍ଦକୁ ନେଇ ଜୋରଦାର ହଟ୍ଟଗୋଳ । ସ୍ଥିତି ଏମିତି ହେଲା ଯେ, ରାଗିଯାଇଥିଲେ ବାଚସ୍ପତି ନନ୍ଦ କିଶୋର ଯାଦବ । ଏମିତିକି ଶାସକ ଓ ବିରୋଧୀଙ୍କ ଭଡକିଥିଲେ । ଛାଡି ଚାଲିଯାଇଥିଲେ ଗୃହ । କହିବାକୁ ଗଲେ ଗୃହରେ ମୁଖ୍ୟମନ୍ତ୍ରୀ ନୀତିଶ କୁମାର ଓ ବିରୋଧୀ ଦଳ ନେତା ତେଜସ୍ୱୀ ଯାଦବଙ୍କ ମଧ୍ୟରେ କଥା କଟାକଟି ଚାଲିଥିଲା । ଉଭୟ ପରସ୍ପରକୁ ପ୍ରଶ୍ନ କରିବାରେ ଲାଗିଥିଲେ । ଏହି ସମୟରେ ଭାଇ ବୀରେନ୍ଦ୍ର ଏମିତି ମନ୍ତବ୍ୟ ଦେଇଥିଲେ । ଯାହାକୁ ନେଇ ହୋଇଥିଲା ହଙ୍ଗାମା ।
ଏହି ସମୟରେ, ବାଚସ୍ପତି ଆରଜେଡି ବିଧାୟକ ଭାଇ ବୀରେନ୍ଦ୍ରଙ୍କୁ ଭର୍ତ୍ସନା କରିଥିଲେ । ଭାଇ ବୀରେନ୍ଦ୍ର ଆସନରେ ବସି କାହା ପାଇଁ ‘ବାପା’ ଶବ୍ଦ ବ୍ୟବହାର କରିଥିଲେ। ବାଚସ୍ପତି ତାଙ୍କୁ କ୍ଷମା ମାଗିବାକୁ କହିଥିଲେ । ଶାସକ ଦଳର ବିଧାୟକ ଓ ମନ୍ତ୍ରୀମାନେ ଠିଆ ହୋଇଥିଲେ। ପରେ ଶାସକ ଦଳ ଓ ବିରୋଧୀ ମୁହାଁମୁହିଁ ହୋଇଥିଲେ। ବାଚସ୍ପତି ତେଜସ୍ୱୀଙ୍କୁ ପ୍ରଥମେ ଭାଇ ବୀରେନ୍ଦ୍ରଙ୍କୁ କ୍ଷମା ମାଗିବାକୁ କହିବାକୁ କହିଥିଲେ। ଏହା ପରେ ତେଜସ୍ୱୀ ବି ଛିଡା ହୋଇଥିଲେ।
ତେଜସ୍ୱୀ କହିଥିଲେ ଯେ ବିହାରରେ ବର୍ଷା ଋତୁ ଚାଲିଛି। ଲୋକମାନେ ଫର୍ମ (ଭୋଟର ଯାଞ୍ଚ) କିପରି ପୂରଣ କରିବେ। ସେମାନେ ଆଧାର ଲିଙ୍କ୍ କାହିଁକି କରୁନାହାଁନ୍ତି? ସେମାନେ ରାସନ କାର୍ଡ କାହିଁକି ଲିଙ୍କ୍ କରୁନାହାଁନ୍ତି? ବିହାରର ଉପମୁଖ୍ୟମନ୍ତ୍ରୀ କହିଛନ୍ତି… ଏହି ଲୋକମାନେ କହୁଛନ୍ତି… ବାଂଲାଦେଶୀ, ନେପାଳୀ ଏବଂ ମିଆଁମାର ଲୋକ ବିହାରକୁ ଆସିଛନ୍ତି । ଏହି ସମୟରେ ଉପମୁଖ୍ୟମନ୍ତ୍ରୀ ବିଜୟ କୁମାର ସିହ୍ନା ତେଜସ୍ୱୀଙ୍କୁ ପାଲଟା ଆକ୍ରମଣ କରିଥିଲେ। ସିହ୍ନା ତେଜସ୍ୱୀଙ୍କୁ ଜନସାଧାରଣଙ୍କୁ ଭ୍ରମିତ କରିବାର ଅଭିଯୋଗ କରିଥିଲେ।
କଣ କହିଥିଲେ CM ନୀତିଶ କୁମାର ?
ଯେତେବେଳେ ତୁମେ ଛୋଟ ଥିଲ, ତୁମର ବାପାମାଆ ମୁଖ୍ୟମନ୍ତ୍ରୀ ଥିଲେ। ତୁମେ ସେତେବେଳେ ପରିସ୍ଥିତି ଜାଣିଛ କି? ତୁମେ ଭଲ କାମ କରୁ ନଥିଲ ତେଣୁ ଆମେ ତୁମକୁ (ମହା ଗଠବନ୍ଧନ) ଛାଡି ଦେଇଥିଲୁ। ଏହି ବର୍ଷ ନିର୍ବାଚନ ହେବାକୁ ଯାଉଛି। ଆମର ସରକାର ବହୁତ କାମ କରିଛି। ଏହି ଲୋକମାନେ ନିର୍ବାଚନ ପାଇଁ ସବୁ ପ୍ରକାରର କଥା କୁହନ୍ତି। ଆମେ ମହିଳାଙ୍କ ପାଇଁ ବହୁତ କାମ କରିଛୁ। RJD ମୁସଲମାନମାନଙ୍କ ପାଇଁ କିଛି କରିନାହିଁ। ଆମେ ମୁସଲମାନମାନଙ୍କ ପାଇଁ କାମ କରିଛୁ। ତୁମେ ପିଲା। ତୁମେ କଣ ଜାଣ?
କ’ଣ କହିଥିଲେ ତେଜସ୍ୱୀ ଯାଦବ ?
ସ୍ପେଶାଲ୍ ସଘନ ସଂଶୋଧନ ଉପରେ ସମସ୍ତ ଦଳକୁ ସେମାନଙ୍କର ମତାମତ ଉପସ୍ଥାପନ କରିବାର ସୁଯୋଗ ମିଳିବା ଉଚିତ। ଲାଲୁ ଜୀ କୁହନ୍ତି- ଭୋଟର ପ୍ରଭାବ ଗଣତନ୍ତ୍ରର ଅଧିକାର। ନିର୍ବାଚନ କମିଶନ ନିରପେକ୍ଷ ଭାବରେ କାମ କରିବା ଉଚିତ। ନିର୍ବାଚନ କମିଶନ ଏପର୍ଯ୍ୟନ୍ତ ଏକ ସାମ୍ବାଦିକ ସମ୍ମିଳନୀ କରିନାହାଁନ୍ତି। ଗତ ବିହାର ନିର୍ବାଚନରେ ଭୋଟ ଦେଇଥିବା ଭୋଟରମାନେ କ’ଣ ନକଲି? ଏହାର ଅର୍ଥ କ’ଣ ନୀତିଶ କୁମାର ଜାଲିଆତି କରି ନିର୍ବାଚିତ ହୋଇ ମୁଖ୍ୟମନ୍ତ୍ରୀ ହୋଇଥିଲେ? ପ୍ରାୟ ୩ କୋଟି ବିହାରୀ ଶ୍ରମିକ ବାହାରେ ରୁହନ୍ତି। ସାଢ଼େ ଚାରି କୋଟି ପ୍ରବାସୀ ଅଛନ୍ତି।