କରଞ୍ଜିଆ : ମଦ୍ୟପ ସ୍ୱାମୀର ଉନ୍ମତ କାଣ୍ଡ । ସ୍ତ୍ରୀକୁ ପ୍ଲାଷ୍ଟିକ ପାଇପ ଓ ଲୁହା ରଡ଼ ସାହାଯ୍ୟରେ ପିଟି ପିଟି ହତ୍ୟା କରିବା ପରେ ରାତି ସାରା ସ୍ତ୍ରୀ ସହ ଶୋଇ ରହିଲା ମଦ୍ୟପ ସ୍ୱାମୀ । ଏଭଳି ଏକ ଲୋମ ଟାଙ୍କୁରା ଦୃଶ୍ୟ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଚମ୍ପାଝର ଗାଁରେ । ପରକ୍ରିୟା ପ୍ରୀତି ସନ୍ଦେହରେ ଗତକାଲି ରାତିରେ ପିଟିପିଟି ସ୍ତ୍ରୀକୁ ହତ୍ୟା କରିବା ପରେ ମୃତ ସ୍ତ୍ରୀ ସହ ରାତି ସାରା ଶୋଇ ରହିଥିଲା ମଦ୍ୟପ ସ୍ୱାମୀ । ମୃତ ସ୍ତ୍ରୀ ଜଣକ ହେଉଛନ୍ତି ସଳିତା ହୋ । ଖବର ପାଇ ମହୁଲଡିହା ଥାନା ପୋଲିସ ଘଟଣା ସ୍ଥଳରେ ପହଂଚି ସ୍ୱାମୀ ଉଦୟ ହୋ କୁ ଅଟକ ରଖି ଅଧିକ ପଚରାଉଚରା ଆରମ୍ଭ କରିଛି । ହତ୍ୟା ହେଇଥିବା ଘରକୁ ସିଲ କରିଛି ମହୁଳଡିହା ପୋଲିସ । ଅଧିକ ତଦନ୍ତ କରିବା ପାଇଁ ସାଇଣ୍ଟିଫିକ ଟିମକୁ ଡକାଯାଇଛି ।