ବିହାର : ଭୋଜପୁରୀ ସୁପରଷ୍ଟାର ପୱନ ସିଂଙ୍କୁ କେନ୍ଦ୍ର ଗୃହ ମନ୍ତ୍ରଣାଳୟ Y କ୍ୟାଟେଗୋରୀ ସୁରକ୍ଷା ମିଳିଛି । ତାଙ୍କ ଜୀବନକୁ ବିପଦ ଥିବା ନେଇ ଆଇବିକୁ କିଛି ସୂଚନା ମିଳିବା ପରେ ଗୃହ ମନ୍ତ୍ରଣାଳୟ ସୁରକ୍ଷା ବଢାଇଦେଇଛି । ଏହି ସମୟରେ ସିଆରପିଏଫ କମାଣ୍ଡେ ପୱନ ସିଂହଙ୍କ ସୁରକ୍ଷା ପାଇଁ ନିୟୋଜିତ ରହିବେ ।
ଭାରତରେ ଭିଭିଆଇପିଙ୍କ ସୁରକ୍ଷା ଅଲଗା ଅଲଗା ରହିଥାଏ । ଏଥିରେ Z, Z+, Y, Y+ କ୍ୟାଟେଗୋରୀ ରହିଥାଏ । Y କ୍ୟାଟେଗୋରୀରେ ୮ ରୁ ୧୧ ଜଣ ସୁରକ୍ଷାକର୍ମୀ ନିୟୋଜିତ ରହିଥାନ୍ତି । ଏଥିରେ ସିଆରପିଏଫ କିମ୍ବା ସିଆଇଏସଏଫ ଟ୍ରେନିଂ କମାଣ୍ଡୋ ସାମିଲ ରହିଥାନ୍ତି । ଏହି କମାଣ୍ଡୋ ବ୍ୟକ୍ତିଗତ ସୁରକ୍ଷା, ଯାତ୍ରା, ଇଭେଣ୍ଟ ଏବଂ ପବ୍ଲିକ ଆପିଏରାନ୍ସ ସମୟରେ ରହିଥାନ୍ତି । ପୱନ ସିଂହ ଏହି ମାମଲାରେ ଗୃହ ମନ୍ତ୍ରଣାଳୟ ସିଆରପିଏଫର ସ୍ପେଶାଲ ୟୁନିଟ୍ ଦାୟିତ୍ବ ନେଇଛି । ଯାହା ସମଗ୍ର ଦେଶକୁ ସୁରକ୍ଷା ଯୋଗାଇଥାଏ ।
ସେପ୍ଟେମ୍ବରରେ ବାବା ଖାନଙ୍କ ଗ୍ୟାଙ୍ଗ ପୱନ ସିଂହଙ୍କୁ ଖୋଲାଖୋଲି ଭାବେ ଧମକ ଦେଇଥିଲେ । ଏହି ଧମକର ଭିଡିଓ ସୋସିଆଲ ମିଡିଆରେ ଭାଇରଲ ହୋଇଥିଲା । ଏଥିରେ ବାବା ଖାନ ଗ୍ୟାଙ୍ଗର ସଦସ୍ୟ କହିଥିଲେ କି, ଯଦି ଦମ୍ ଅଛି, ତେବେ ସାମ୍ନାକୁ ଆସି କିଛି କହିକି ଦେଖାଅ । ଭିଡିଓ ସାମ୍ନାକୁ ଆସିବା ପରେ ଇଣ୍ଟେଲିଜେନ୍ସୀ ବ୍ୟୁରୋ ଗମ୍ଭୀରତାର ସହିତ ନେଇ ସୁରକ୍ଷା ବଢାଇଛନ୍ତି । ଏହି ରିପୋର୍ଟ ଆଧାରରେ ପୱନ ସିଂହଙ୍କ ସୁରକ୍ଷାରେ Y କ୍ୟାଟେଗୋରୀ ସିକ୍ୟୁରିଟି ଦିଆଯାଇଛି ।
ପୱନ ସିଂ କେବଳ ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରୀ ପର୍ଯ୍ୟନ୍ତ ସୀମିତ ନାହାନ୍ତି । ସେ ରାଜନୀତିରେ ମଧ୍ୟ ସକ୍ରିୟ ରହିଛନ୍ତି । ଆଗାମୀ ବିହାର ବିଧାନସଭା ନିର୍ବାଚନରେ ବିଜେପି ତରଫରୁ ଟିକେଟ ପାଇଁ ମଇଦାନକୁ ଓହ୍ଲାଇବାକୁ ସମସ୍ତ ପ୍ରକାର ପ୍ରସ୍ତୁତି କରିଛନ୍ତି । ଏହାପୂର୍ବରୁ ଲୋକସଭା ନିର୍ବାଚନରେ କାରାକାଟ ସିଟରୁ ନିର୍ଦ୍ଦଳୀୟ ପ୍ରାର୍ଥୀ ଭାବେ ନିର୍ବାଚନ ଲଢିଥିଲେ । ଫଳରେ ବିଜେପି ପ୍ରାର୍ଥୀଙ୍କୁ କ୍ଷତି ସହିବାକୁ ପଡିଥିଲା ।