ନୂଆଦିଲ୍ଲୀ: ଭାରତକୁ ପ୍ରଂଶସା କଲେ ଟ୍ରମ୍ପ । ମୋଦିଙ୍କୁ ଭଲ ବନ୍ଧୁ କହିବା ସହ ଭାରତ ଏକ ମହାନ ଦେଶ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଇଜିପ୍ଟରେ ଅନୁଷ୍ଠିତ ଶର୍ମ-ଏଲ ଶେଖ ସମ୍ମିଳନୀରେ ସମ୍ବୋଧନ କରି ଏହା କହିଛନ୍ତି ଟ୍ରମ୍ପ । ସେ ଆହୁରି ମଧ୍ୟ କହିଛନ୍ତି ଯେ, ଭବିଷ୍ୟତରେ ପାକିସ୍ତାନ ଓ ଭାରତ ଭଲ ବନ୍ଧୁ ହୋଇ ରହିବେ । ଦୁଇ ପରମାଣୁ ସମ୍ପର୍ଣ୍ଣ ଦେଶର ଭଲ ସଂପର୍କ ନେଇ ସେ ଆଶାବାଦୀ ଥିବା କହିଛନ୍ତି ଟ୍ରମ୍ପ । ଏପଟେ ଗାଜା ଶାନ୍ତି ପରିକଳ୍ପନାର ସଫଳତା ପାଇଁ ରାଷ୍ଟ୍ରପତି ଟ୍ରମ୍ପଙ୍କୁ ଶୁଭେଚ୍ଛା ଜଣାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଏହା ଉଲ୍ଲେଖ କରିବା ଉଚିତ ଯେ ମେ ୧୦ ତାରିଖରେ ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆରେ ଘୋଷଣା କରିଥିଲେ ଯେ ଭାରତ ଏବଂ ପାକିସ୍ତାନ ଆମେରିକା ମଧ୍ୟସ୍ଥତାରେ ଏକ ‘ପୂର୍ଣ୍ଣ ଏବଂ ତୁରନ୍ତ’ ଅସ୍ତ୍ରବିରତି ପାଇଁ ରାଜି ହୋଇଛନ୍ତି । ଆମେରିକା ରାଷ୍ଟ୍ରପତି ବହୁତ ଥର ତାଙ୍କର ଦାବିକୁ ଦୋହରାଇଛନ୍ତି ଯେ ସେ ଭାରତ ଏବଂ ପାକିସ୍ତାନ ମଧ୍ୟରେ ବିବାଦର “ସମାଧାନ” କରିବାରେ ସାହାଯ୍ୟ କରିଥିଲେ । ଭାରତ ନିରନ୍ତର ଭାବରେ କହି ଆସୁଛି ଯେ ଦୁଇ ସେନାର ମହାନିର୍ଦ୍ଦେଶକଙ୍କ ମଧ୍ୟରେ ସିଧାସଳଖ ଆଲୋଚନା ପରେ ପାକିସ୍ତାନ ସହିତ ବିବାଦ ସମାପ୍ତ କରିବା ପାଇଁ ଚୁକ୍ତି ହୋଇଥିଲା ।