ଦିଲ୍ଲୀ: ଦୀପାବଳିରେ ଗ୍ୟାସ୍ ଚାମ୍ବର ବନିଲା ରାଜଧାନୀ ଦିଲ୍ଲୀ । ପ୍ରବଳ ବାଣ ଫୁଟାଇବା ଯୋଗୁଁ ସାରା ଦିଲ୍ଲୀ ଧୂଆଁ ଧୂଆଁ ହୋଇଯାଇଛି । ଦିଲ୍ଲୀ-NCRରେ ଅତି ସାଂଘାତିକ ପରିସ୍ଥିତି ସୃଷ୍ଟି ହୋଇଛି । ଦିଲ୍ଲୀର ଏୟାର କ୍ବାଲିଟି ଇଣ୍ଡେକ୍ସ ୫୩୧କୁ ଖସି ଥିବା ବେଳେ, ଗାଜିଆବାଦ- ନରେଲା ଅଞ୍ଚଳରେ ଏକ୍ୟୁଆଇ ୫୫୧ରେ ପହଞ୍ଚିଛି । ସ୍ଥିତି ଏମିତି ହୋଇଛି କି ରାସ୍ତାକୁ ବାହାରିଲେ ଅଖି ପୋଡୁଛି । ଏପରକି ନିଶ୍ବାସ-ପ୍ରଶ୍ବାସ ନେବାରେ ବି ଲୋକଙ୍କ ସମସ୍ୟା ହେଉଛି ।
ଅଶୋକ ବିହାରରେ ବି AQI ୪୯୩, ଆନନ୍ଦ ବିହାରରେ ୩୯୪, ନୋଏଡାରେ ୩୬୯, ଗାଜିଆବାଦରେ ୪୦୨ ଏକ୍ୟୁଆଇ ରହିଛି । ଦିଲ୍ଲୀର ୩୬ ଷ୍ଟେସନରେ ରେଡ୍ ୱାର୍ଣ୍ଣିଂ ଜାରି ହୋଇଛି । ଗତ ୧୫ ଅକ୍ଟୋବରରେ ଦିଲ୍ଲୀ-ଏନସିଆର ଅଞ୍ଚଳରେ ସୁପ୍ରିମକୋର୍ଟ ସବୁଜ ବାଣ ବିକିବାକୁ ଅନୁମତି ଦେଇଥିଲେ ।
ସକାଳ ୬ରୁ ୭ ଏବଂ ରାତି ୮ଟାରୁ ୧୦ ଯାଏ ବାଣ ଫୁଟାଇବାକୁ ଅନୁମତି ଥିଲା । ମାତ୍ର ନିୟମର ଉଲଂଘନ କରି ବିଳମ୍ବିତ ରାତି ଯାଏ ବାଣ ଫୁଟାଉଥିବା ଦେଖିବାକୁ ମିଳିଛି । ସାଧାରଣର ୦ରୁ ୫୦ ଯାଏ ଏକ୍ୟୁଆଇ କୁ ଭଲ କୁହାଯାଇଥାଏ । ୫୧ରୁ ୧୦୦ ଯାଏ ସ୍ତରକୁ ସନ୍ତୋଷ ଜନକ କୁହାଯାଏ । ୧୦୧ରୁ ୨୦୦କୁ ମଧ୍ୟମ, ୨୦୧-୩୦୦କୁ ଖରାପ ଏବଂ ୩୦୦ରୁ ଅଧିକକୁ ବହୁତ ଖରାପ ବୋଲି କୁହାଯାଇଥାଏ ।