ଭୁବନେଶ୍ୱର : ଧୁଳିସାତ ହେଲା ସାଲିଆସାହି ବସ୍ତି । ମାଟିରେ ମିଶିଲା ବସ୍ତିର ଅନେକ ଘର। ତୃତୀୟ ଦିନରେ ଶେଷ ହୋଇଛି ସାଲିଆ ସାହି ଉଛେଦ ଅଭିଯାନ । ଭିଟାମାଟି ଛାଡ଼ି ଯାଇଛନ୍ତି ବସ୍ତି ବାସିନ୍ଦା । ଲୋକଙ୍କୁ ସ୍ଥାନାନ୍ତର ପାଇଁ ସହଯୋଗ କରୁଛି ବିଏମସି। ଉଛେଦରେ ସାମିଲ ଥିଲା ୧୩ଟି ଜେସିବି । ଏକାମ୍ର କାନନରୁ ଅନ୍ଧାରୁଆ ଯାଏଁ ଜବରଦଖଲ ଉଚ୍ଛେଦ କରାଯାଇଛି ।
ରାସ୍ତା ନିର୍ମାଣ ପାଇଁ ୧୩ କିମି ପର୍ଯ୍ୟନ୍ତ ଉଚ୍ଛେଦ କରାଯାଇଛି। ପରିସ୍ଥିତି ନିୟନ୍ତ୍ରଣ ପାଇଁ ୧୦ପ୍ଲାଟୁନ ପୋଲିସ ଉପସ୍ଥିତ ଥିଲେ । ଅନ୍ୟପଟେ ଉଛେଦ ପରେ ସମାନ୍ତରାଳ ରାସ୍ତା ପାଇଁ ଫିଟିଛି ସୁଯୋଗ । ବସ୍ତିର ଘରକୁ ମାଟିରେ ମିଶାଇ ତିଆରି ହେବ ୨୦୦ଫୁଟିଆ ରାସ୍ତା । ରାସ୍ତା ଫିଟିଲେ ସହଜ ହେବ ଯାତୟତ ଏବଂ କମିବ ଟ୍ରାଫିକ ସମସ୍ୟା । ଏକାମ୍ରରୁ ସିଧାସଳଖ ଯୋଡ଼ି ହେବ ହାତିଆଶୁଣିକୁ ରାସ୍ତା । ନୟାପଲ୍ଲୀରୁ ମୈତ୍ରୀ ବିହାର ପହଁଚିବାକୁ ଲାଗିବ ମାତ୍ର ୨ମିନିଟ ସମୟ ।