ଖଣି ମନ୍ତ୍ରୀଙ୍କ ଫର୍ମାନ… ଖଣି, ବାଲି ମାଫିଆ ଙ୍କ ଉପରେ ହେବ ଦୃଢ଼ କାର୍ଯ୍ୟାନୁଷ୍ଠାନ : କିନ୍ତୁ ମନ୍ତ୍ରୀ ଙ୍କ ନିଜ ଜିଲ୍ଲାରେ ଫେଲ…!

ଜିଲ୍ଲା ରେ ଚୋରା ବାଲି ଚାଲାଣ ଓ ଲଘୁ ଖଣିଜ ଖୁଲାମ ଖୁଲା ଚୋରି …..!

ଖଣି ବିଭାଗ ର ବିଚିତ୍ର ନୀତି, ଚୋରା ବାଲି ଗାଡି ଯାଞ୍ଚ ବେଳେ କାଗଜ ପତ୍ର ଠିକ ନାହିଁ ଫି୍କ୍ସଙ୍ଗ ପରେ ସକାଳୁ ସବୁ ଠିକ
ବ୍ରହ୍ମପୁର: ଖଣି ମନ୍ତ୍ରୀବିଭୁତି ଜେନା ଙ୍କ ଫର୍ମାନ ଗଞ୍ଜାମ ଜିଲ୍ଲାର ବାଲି ମାଫିଆ ମାନେ ମାନୁନାହାନ୍ତି। ଜିଲ୍ଲାର ପୁରୁଷୋତ୍ତମପୁର, ଆସିକା, ଶେରଗଡ଼, ହିଞ୍ଜିଳି ଓ ଚିକିଟି ଅଞ୍ଚଳରେ ବାଲି ଚାଲାଣ ଜୋର ଦାର ଚାଲିଛି। ରାଜସ୍ୱ ବିଭାଗ, ଖଣି ବିଭାଗ ଓ ପୋଲିସ ପକ୍ଷରୁ ଟ୍ରାକ୍ଟର ରେ ବାଲି ଚାଲାଣ ହେଉଥିବା ସ୍ଥାନ ମାନଙ୍କ ଉପରେ କେବଳ ଚଢ଼ାଉ ରେ ସୀମିତ ରହିଛି। ହାଇୱା ଗୁଡିକରେ ଓଭର ଲୋର୍ଡ କରାଯାଇ ବିନା ୱାଇ ଫର୍ମ ରେ ବାଲି ଚାଲାଣ ହେଉଛି। ଖଣିଜ ଦ୍ରବ୍ୟ ଲୁଟୁଥିବା ମାଫିଆ ମାନଙ୍କୁ ଛଡ଼ାଯିବ ନାହିଁ। ବେଆଇନ ବାଲି ଚାଲାଣ ଉପରେ କଡ୍ଡା କଡ଼ି ଭାବେ ଧରପଗଡ଼ ହେବ ବୋଲି ବିଭାଗୀୟ ମନ୍ତ୍ରୀ ବିଭୁତି ଜେନା ଭାଷଣ ବାଜୀ କରିଥିଲେ। ମନ୍ତ୍ରୀଙ୍କ ବାଣୀ ଉପରିସ୍ଥ ସମସ୍ତ ଅଞ୍ଚଳ ରେ ଖୁଲାମ ଖୁଲା ବାଲି ଚାଲାଣ ହେଉଛି। ଖଣି- ରାଜସ୍ୱ- ପୋଲିସ ବିଭାଗୀୟ ବାବୁ ମାନେ ଏସକୋର୍ଟ କରି ବାଲି ଗାଡିକୁ ଚାଲାଣ କରୁଥିବା ଚର୍ଚ୍ଚା ହେଉଛି। ଡବଲ ଇଞ୍ଜିନ ସମୟରେ ଖଣିଜ ଦ୍ରବ୍ୟ ଲୁଟ ବହୁ ମାତ୍ରା ରେ ବଢ଼ିଯାଇଛି। ବାଲି ମାଫିଆ ଓ ଚୋରା ବାଲି ସମ୍ରାଟ ଏବେ ମନ୍ତ୍ରୀଙ୍କ ଗେଲ୍ହା ପୁଅ ସାଜିଥିବା ଆଲୋଚନା ହେଉଛି। ମନ୍ତ୍ରୀ ଓଡିଶା ରେ ଚାଲିଥିବା ବାଲି. ପଥର ଓ ଖଣିଜ ପଦାର୍ଥ ଚୋରଙ୍କୁ ଛଡା ଜୀବନାହିଁ କଠୋର ରୁ ଅତି କୋଠର ଦଣ୍ଡ ଦିଆ ଯିବ ବୋଲି ମିଡ଼ିଆ ଆଗରେ କହିଥିବା ବିବୃତି ଏବେ ଧୂଆଁ ବାଣ ପରି ମନେ ହେଲାଣି କାରଣ ଓଡିଶା କଥା ଛାଡ଼ ନିଜ ଜିଲ୍ଲା ରେ ଦୀପ ତଳ ଅନ୍ଧାର ପରି ଶୁଣିବାକୁ ମିଳୁଛି l ଖଣି ବିଭାଗ ଅଫିସର ମାନେ ମନ୍ତ୍ରୀଙ୍କ ଏଜେଣ୍ଟ ରୂପେ କାମ କରୁଛନ୍ତି ବୋଲି ଏବେ ଚର୍ଚ୍ଚା, ଯଦି ଅଭିଯୋଗ ଆସିଲେ ଖଣିବିଭାଗ ଚଢ଼ାଉ କରୁଛି ଏବଂ କାଗଜ ପତ୍ର ଯାଞ୍ଚ କରୁଛି କିନ୍ତୁ ଅଳ୍ପ ସମୟ ଭିତରେ କାଗଜ ପତ୍ର ଠିକ ଥିବା ପ୍ରମାଣ ପତ୍ର ଦେଇ ଥାନାରୁ ଜବତ ଗାଡି ନେବା ପାଇଁ ଅନୁମତି ପ୍ରଦାନ ହେଉଛି ଯାହାକୁ ନେଇ ପୋଲିସ ମଧ୍ୟ ଦ୍ଵନ୍ଦ ରେ ଜଳକା ହେଉଛି l ମନ୍ତ୍ରୀ ଓ ବିଧାୟକ ଙ୍କ ପାଖରେ ସବୁ କିଛି ଫିକ୍ସଙ୍ଗ ହେଲା ପରେ ହିଁ ସବୁ କିଛି ଠିକ l ତେଣୁ ବର୍ତ୍ତମାନ ଲଘୁ ଖଣିଜ ପଦାର୍ଥ ମାଫିଆ ମାନେ ମନ୍ତ୍ରୀ ଙ୍କ ଶରଣରେ ତେଣୁ ମନ୍ତ୍ରୀଙ୍କ ଫର୍ମାନ ଏକ ଧୂଆଁ ବାଣ ସଦୃଶ୍ୟ ବୋଲି ସାଧାରଣ ରେ ଚର୍ଚ୍ଚା l