ପାକିସ୍ତାନ : ପାକିସ୍ତାନରେ ବଢୁଥିବା ତୈଳ ସଙ୍କଟକୁ ଦୃଷ୍ଟିରେ ରଖି ସରକାର ୨ ଦିନିଆ ଲକ୍ ଡାଉନ୍ ଘୋଷଣା କରିଛନ୍ତି । ଶନିବାର ଏବଂ ରବିବାର ଲକଡାଉନ୍ ନିଷ୍ପତ୍ତି ନେଇଛନ୍ତି ସରକାର । ଏହି ଲକଡାଉନ ସମୟରେ ସମୟରେ ବଜାର, କାରଖାନା ଏବଂ ରାସ୍ତା ବନ୍ଦ ରଖିବାକୁ ନିଷ୍ପତ୍ତି ନିଆଯାଇଥିବାବେଳେ ହସ୍ପିଟାଲ ଏବଂ ଅନ୍ୟାନ୍ୟ ଆବଶ୍ୟକୀୟ ସେବା କେନ୍ଦ୍ରଗୁଡିକ କାର୍ଯ୍ୟକ୍ଷମ ରହିବ ।
ସୂଚନାନୁଯାୟୀ, ଲକଡାଉନ୍ ଶନିବାର ଦିନ ୧୨ଟାରୁ ରବିବାର ପର୍ଯ୍ୟନ୍ତ ଏହି କଟକଣା ଜାରି ରହିବ । ଏହି ସୂଚନା ପାକିସ୍ତାନ ମିଡିଆ ପକ୍ଷରୁ ମିଳିଛି । ଲକଡାଉନ୍ ସମୟରେ ସମସ୍ତ ଦୋକାନ, ବଜାର, କାରଖାନା ଏବଂ ଅନ୍ୟାନ୍ୟ ବ୍ୟବସାୟ ସମ୍ପୂର୍ଣ୍ଣ ବନ୍ଦ ରହିବ । ଏଥିସହ ବାଣିଜ୍ୟିକ ସ୍ଥାନରେ ବିବାହ କିମ୍ବା ଅନ୍ୟ କୌଣସି କାର୍ଯ୍ୟକ୍ରମକୁ ଅନୁମତି ଦିଆଯିବ ନାହିଁ । କିନ୍ତୁ ହସ୍ପିଟାଲ, ଔଷଧ ଦୋକାନ ଏବଂ ଅନ୍ୟାନ୍ୟ ଜରୁରୀ ସରକାରୀ ସେବା ଖୋଲା ରହିବ ।
ଏହା ବ୍ୟତୀତ ବିମାନବନ୍ଦର, ସମୁଦ୍ର ବନ୍ଦର ଏବଂ ରେଳ ଷ୍ଟେସନଗୁଡ଼ିକ ମଧ୍ୟ କାର୍ଯ୍ୟକ୍ଷମ ରହିବ । ଅତ୍ୟାବଶ୍ୟକୀୟ ଯାତ୍ରାକୁ ଅନୁମତି ଦେବା ପାଇଁ ସାର୍ବଜନୀନ ବସ୍ଗୁଡ଼ିକୁ ଛାଡ଼ ଦିଆଯାଇଛି । ନଚେତ୍ ଅତ୍ୟାବଶ୍ୟକୀୟ ଯାତ୍ରା ଏବଂ ସେବା ପ୍ରଭାବିତ ହୋଇପାରେ ।
ଅନ୍ୟପଟେ ପ୍ରାଦେଶିକ ସରକାରଙ୍କୁ ଦୁଇ ଏବଂ ତିନି ଚକିଆ ଯାନର ପଞ୍ଜୀକରଣ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦିଆଯାଇଛି । ଏହା ସରକାର ଆବଶ୍ୟକ କରୁଥିବା ଲୋକଙ୍କୁ ସିଧାସଳଖ ସବସିଡି ପ୍ରଦାନ କରିପାରିବେ । ସରକାର କହିଛନ୍ତି ଯେ ଏହି ପଦକ୍ଷେପଗୁଡ଼ିକ ଦେଶରେ ତୈଳ ଅଭାବକୁ ଦୂର କରିବା ଏବଂ ଗୁରୁତ୍ୱପୂର୍ଣ୍ଣ ସମ୍ପଦ ସଂରକ୍ଷଣ କରିବା ପାଇଁ ଉଦ୍ଦିଷ୍ଟ ।