ସୋରଡ଼ାର ବନ୍ୟା ପ୍ରପୀଡ଼ିତ ନୂଆଗଡ଼ରେ ରିଲିଫ୍ ସାମଗ୍ରୀ ବଣ୍ଟନ: ସହାୟତାର ହାତ ବଢ଼ାଇଲେ Wonder World Water Parkର MD
ସୋରଡ଼ା: ସାମ୍ପ୍ରତିକ ବନ୍ୟାରେ ସମ୍ପୂର୍ଣ୍ଣ ରୂପେ ପ୍ରଭାବିତ ହୋଇଥିବା ସୋରଡ଼ା ଅଞ୍ଚଳର ବନ୍ୟା ବିପନ୍ନ ଗ୍ରାମ ନୂଆଗଡ଼ରେ ଏକ ମହତ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। “ୱାଣ୍ଡର ୱାର୍ଲ୍ଡ ୱାଟର ପାର୍କ” (Wonder World Water Park)ର ପରିଚାଳନା ନିର୍ଦ୍ଦେଶକ (ଏମ୍.ଡି.) ଶ୍ରୀ କେ. ନିରଞ୍ଜନ ପାତ୍ରଙ୍କ ସୌଜନ୍ୟରୁ ସମଗ୍ର ଗ୍ରାମର ପ୍ରତ୍ୟେକଟି ପରିବାରକୁ ଶୁଖିଲା ଖାଦ୍ୟ ସହିତ ମସିଣା ଓ ବେଡ୍ସିଟ୍ (ଶେଯ ଚାଦର) ବଣ୍ଟନ କରାଯାଇଛି। ବନ୍ୟା ବିପର୍ଯ୍ୟସ୍ତ ଗ୍ରାମବାସୀଙ୍କ ଦୁଃଖ ଦୂର କରିବା ଉଦ୍ଦେଶ୍ୟରେ ଘର ଘର ବୁଲି ଏହିସବୁ ନିତ୍ୟ ବ୍ୟବହାର୍ଯ୍ୟ ରିଲିଫ୍ ସାମଗ୍ରୀ ପ୍ରଦାନ କରାଯାଇଥିଲା।
ଏହି ସେବା ତଥା ସହାୟତା କାର୍ଯ୍ୟକ୍ରମରେ କଳିଙ୍ଗ ବୈଶ୍ୟ ଋଷିକୁଲ୍ୟା ଅଞ୍ଚଳର ସଭାପତି, ସମ୍ପାଦକ, ଉପସଭାପତି, ମହାସଂଘର ସଦସ୍ୟ ଦୀପକ ସେନାପତି, ଗୋପାଳ କୃଷ୍ଣ ସେନାପତି, ଅଶୋକ ପାତ୍ର, ରାଜଧାନୀ ଅଞ୍ଚଳର କର୍ମକର୍ତ୍ତା ଓ ଅନ୍ୟାନ୍ୟ କାର୍ଯ୍ୟକର୍ତ୍ତାମାନେ ସକ୍ରିୟ ଭାବେ ଉପସ୍ଥିତ ଥିଲେ। ଏହା ସହିତ ସ୍ଥାନୀୟ ପୃଷ୍ଟି ସମାଜ, ସମ୍ପାଦକ ଓ କର୍ମକର୍ତ୍ତା, ଯୁବକ ସେବା ସଂଘର କର୍ମକର୍ତ୍ତା ଓ ସଦସ୍ୟମାନଙ୍କ ସମେତ ସୋରଡ଼ା ପ୍ରଥମ ସଂଘର ସଭାପତି, ସମ୍ପାଦକ ତଥା ଇସି (EC) ସଦସ୍ୟମାନେ ଉପସ୍ଥିତ ରହି ସାମଗ୍ରୀ ବଣ୍ଟନ ପ୍ରକ୍ରିୟାରେ ସମ୍ପୂର୍ଣ୍ଣ ସହଯୋଗ କରିଥିଲେ। ଉକ୍ତ ଗ୍ରାମର ଉତ୍ସାହୀ ଯୁବକ ବାସୁଦେବ ପ୍ରଧାନ ଓ ତାଙ୍କର ସହଯୋଗୀ ସାଥୀମାନେ ମଧ୍ୟ ଏହି ମହତ କାର୍ଯ୍ୟରେ ପ୍ରମୁଖ ସହଯୋଗର ହାତ ବଢ଼ାଇଥିଲେ।
ଏହି ଜନହିତକର ଉଦ୍ୟମ ନିମନ୍ତେ କାର୍ଯ୍ୟକ୍ରମରେ ସହଯୋଗ କରିଥିବା ସମସ୍ତ ସଦସ୍ୟ ତଥା ସ୍ୱେଚ୍ଛାସେବୀମାନଙ୍କୁ ଅଶେଷ ଅଶେଷ ଧନ୍ୟବାଦ ଅର୍ପଣ କରାଯାଇଛି। ବିଶେଷ କରି ଏହିଭଳି ଏକ ଚରମ ବିପତ୍ତି ଓ ଦୁର୍ଦ୍ଦିନ ସମୟରେ ବନ୍ୟା ବିପନ୍ନଙ୍କ ପାଇଁ ଏତେ ବଡ଼ ସାହାଯ୍ୟର ହାତ ବଢ଼ାଇଥିବାରୁ ମହାସଂଘ ସଭାପତି ମାନ୍ୟବର ଶ୍ରୀ ଡକ୍ଟର କୋଟିନୀ ନାରାୟଣ ପାତ୍ରଙ୍କୁ ସମଗ୍ର ଋଷିକୁଲ୍ୟା ଅଞ୍ଚଳବାସୀଙ୍କ ତରଫରୁ ଗଭୀର କୃତଜ୍ଞତା ଜ୍ଞାପନ କରାଯାଇଛି। ଆଗାମୀ ଦିନରେ ମଧ୍ୟ ବିପନ୍ନଙ୍କ ସେବାରେ ଏହିପରି ସାମୂହିକ ସହଯୋଗ ବଜାୟ ରହିବ ବୋଲି ସଂଘ ପକ୍ଷରୁ ଆଶା ବ୍ୟକ୍ତ କରାଯାଇଛି।
