ଚିତ୍ରକୋଣ୍ଡା:-ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଯୋଡ଼ାମ୍ବ ପଞ୍ଚାୟତ ଦରଲାବେଢା ଠାରେ ଗତକାଲି ମାଲକାନଗିରି ଜିଲ୍ଲାପାଳ ଵିଶାଲ ସିଙ୍ଗ ଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଶିଶୁ ସୁରକ୍ଷା ବିଭାଗ ଆନୁକୂଲ୍ୟରେ ମାଲକାନଗିରି ଜିଲ୍ଲାର ଅତିରିକ୍ତ ଜିଲ୍ଲାପାଳ ବୀରସେନ ପ୍ରଧାନଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଯଥା ଉପ ଜିଲ୍ଲାପାଳ ଅକ୍ଷୟ ଖେମୁଡୁ, ପିଏ -ଆଇଟିଡିଏ ତ୍ରିନାଥ ମାଝୀ,ଜିଲ୍ଲା ଶିଶୁ ସୁରକ୍ଷା ଅଧିକାରୀ ନାରାୟଣ ଦାସ,ଜିଲ୍ଲା ମଙ୍ଗଳ ଅଧିକାରୀ କୃପାସିନ୍ଧୁ ବେହେରା,ଶିଶୁ ମଙ୍ଗଳ ସମିତିର ଅଧ୍ୟକ୍ଷ ଆଡ଼ଭୋକେଟ ଅଶୋକ କୁମାର ପଟ୍ଟନାୟକ ଏବଂ ସଭ୍ୟା ଚୁମକି ବେହେରା ଓ ସଭ୍ୟ ସୁନାଧର ପାଳ,ଚିତ୍ରକୋଣ୍ଡା ବ୍ଲକ ଅଧ୍ୟକ୍ଷା ରାଜେଶ୍ୱରୀ ଖିଲ,ଚିତ୍ରକୋଣ୍ଡା ତହସିଲଦାର ଟି. ପଦ୍ମନାଭ ଦୋରା, ଚିତ୍ରକୋଣ୍ଡା ବିଡ଼ିଓ ରଘୁନାଥ ମୁଣ୍ଡାରୀ,ଲିଗାଲ ଅଫିସର ସତ୍ୟଜିତ ପଣ୍ଡା, ସିଡିପିଓ ପବିତ୍ରା ହାଜରା ଏବଂ ପରିବର୍ତ୍ତନ ଅନୁଷ୍ଠାନର ସମ୍ପାଦକ ନିତ୍ୟାନନ୍ଦ ପ୍ରଧାନ ଙ୍କୁ ନେଇ ସ୍ୱାଭିମାନ ଅଞ୍ଚଳର ପାଞ୍ଚ ଗୋଟି ପଞ୍ଚାୟତ ଯଥା ଯୋଡ଼ାମ୍ବ, ପଣଷପୁଟ, ଯନ୍ତ୍ରୀ, ଗାଜୁଲୁମାମୁଡି ଓ ଅଣ୍ଡିରାପାଲି ପଞ୍ଚାୟତ ଅଧାରୁ ପାଠ ଛାଡିଥିବା ଅନାଥ ତଥା ଗରିବ ପିଲା ମାନଙ୍କୁ ବିଦ୍ୟାଳୟ ଥଇଥାନ କରିବାକୁ ଏକ ଶିବିର ଆୟୋଜନ କରାଯାଇଥିଲା l ଅଧାରୁ ପାଠ ଛାଡିଥିବା ଓ ଅନାଥ ପିଲାମାନେ କିପରି ପାଠ ପଢିପାରିବେ ତାହାକୁ ନେଇ ଶିବିର ଅନୁଷ୍ଠିତ ହୋଇଥିଲା।ଏହି ଶୀବିରରେ ସ୍ୱାଭିମାନ ଅଞ୍ଚଳର ଅନେକ ପିଲା ନିଜର ନାମ ପଞ୍ଜିକରଣ କରିଥିଲେ।ସେହି ପିଲାମାନଙ୍କୁ ଜିଲ୍ଲା ପ୍ରଶାସନ ତରଫରୁ ସ୍କୁଲରେ ପୁଣିଥରେ ନାମଲେଖାଇ ପାଠ ପଢ଼ାଇବା ବ୍ୟବସ୍ଥା ଜିଲ୍ଲା ପ୍ରଶାସନ କରିବ। ସେଥିପାଇଁ ବ୍ୟବସ୍ଥିତ ଭାବରେ ସ୍ୱାଭିମାନ ଅଞ୍ଚଳର ୧୩୬ ପିଲାଙ୍କୁ ବିଦ୍ୟାଳୟ ପାଠ ପଢ଼ାଇବା ପାଇଁ ଚିଠା ପ୍ରସ୍ତୁତ କରାଯାଇଥିଲା l ଏହାପରେ ପ୍ରଶାସନିକ ଅଧିକାରୀ ମାନେ ପଣସପୁଟ ପଞ୍ଚାୟତର ବିଭିନ୍ନ ଅଞ୍ଚଳକୁ ଯାଇ ସ୍ୱାଭିମାନ ଅଞ୍ଚଳରେ ଚାଲିଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଥିଲେ।ସ୍ୱାଭିମାନ ଅଞ୍ଚଳର ସ୍କୁଲ ଗୁଡ଼ିକୁ ଯାଇ ପିଲାମାନଙ୍କୁ ପାଠ ପଢ଼ା ଠିକ୍ ରେ ହଉଛି କି ନାହିଁ,ବିଦ୍ୟାଳୟ କୁ ଶିକ୍ଷକ ଆସୁଛନ୍ତି କି ନାହିଁ,ଖାଇବାକୁ ଠିକ୍ ସେ ଦିଆ ଯାଉଛି କି ନାହିଁ ପଚାରି ବୁଝିଥିଲେ।ଏହାସହ ନିର୍ମାଣଧୀନ ପ୍ରକଳ୍ପ ଗୁଡ଼ିକର କାର୍ଯ୍ୟ କିପରି ଭାବରେ ଚାଲିଛି ବୁଲି ଦେଖିଥିଲେ।