ମିଳିମିଶି ଦେଶକୁ ବିଜେପି କବଳରୁ ବଞ୍ଚାଇବୁ, ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଭେଟି ଏଭଳି କହିଲେ ତେଜସ୍ୱୀ…
ନୂଆଦିଲ୍ଲୀ: ବିହାର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମଙ୍ଗଳବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଭେଟିଛନ୍ତି। ଏହି ଭେଟାଭେଟି ସମୟର ଦୁଇଟି ଫଟୋ ଆଜି ତେଜସ୍ୱୀ ନିଜ ଟ୍ୱିଟର ଆକାଉଣ୍ଟରୁ ସେୟାର ମଧ୍ୟ କରିଛନ୍ତି | ଏହି ଟୁଇଟ୍ରେ ତେଜସ୍ୱୀ ସାକ୍ଷାତ ସମୟରେ କଣ ସବୁ ଆଲୋଚନା ହେଲା ସେବାବଦରେ ମଧ୍ୟ କହିଛନ୍ତି | ସେ ଲେଖିଛନ୍ତି ଯେ ଅରବିନ୍ଦ କେଜ୍ରିୱାଲଙ୍କ ସହ ସାକ୍ଷାତ ସମୟରେ ସାମ୍ପ୍ରତିକ ସାମାଜିକ, ରାଜନୈତିକ ଏବଂ ଅର୍ଥନୈତିକ ପ୍ରସଙ୍ଗରେ ବିସ୍ତୃତ ଆଲୋଚନା ହୋଇଛି। ତେଜସ୍ୱୀ କେନ୍ଦ୍ରରେ ବିଜେପି ସରକାର ଉପରେ ଆକ୍ରମଣ କରି ଏହା ମଧ୍ୟ ଲେଖିଛନ୍ତି ଯେ କେନ୍ଦ୍ର ବିଜେପି ସରକାର ସମ୍ବଳ, ଜାତୀୟ ସମ୍ପଦକୁ ପୁଞ୍ଜିପତିମାନଙ୍କ ପାଖରେ ବନ୍ଧକ ରଖିଦେଇଛନ୍ତି |
ଆମ ସମସ୍ତଙ୍କୁ ଏକାଠି ମିଶି ବିଜେପି କବଳରୁ ଦେଶକୁ ବଞ୍ଚାଇବାକୁ ପଡିବ। ତେଜସ୍ୱୀ ମଧ୍ୟ ବିରୋଧୀ ଦଳମାନଙ୍କୁ କେନ୍ଦ୍ର ବିରୋଧରେ ଏକଜୁଟ ହେବାକୁ ବାର୍ତ୍ତା ଦେଇଛନ୍ତି। ଉଲ୍ଲେଖ ଥାଉ କି ପୂର୍ବରୁ ନୀତୀଶ କୁମାର ବିରୋଧୀ ଦଳମାନଙ୍କୁ ଗୋଟିଏ ପ୍ଲାଟଫର୍ମକୁ ଆଣିବାକୁ ଉଦ୍ୟମ କରିଥିଲେ | ଗତ ବର୍ଷ ନୀତୀଶ ନିଜେ କେଜ୍ରିୱାଲଙ୍କ ସମେତ ଅନେକ ଦଳର ନେତାଙ୍କୁ ମଧ୍ୟ ଭେଟିଥିଲେ। ଏ ସମ୍ପର୍କରେ ବିହାରର ରାଜନୈତିକ କରିଡରରେ ଶୁଣିବାକୁ ମିଳିଥିଲା ଯେ ନୀତୀଶ କୁମାର ଆସନ୍ତା ସାଧାରଣ ନିର୍ବାଚନରେ ବିରୋଧୀ ଦଳର ଚେହେରା ହୋଇପାରନ୍ତି। ତେବେ ଏହା ପରେ ମୁଖ୍ୟମନ୍ତ୍ରୀ ନିଜେ କହିଥିଲେ ଯେ ତାଙ୍କର ଏପରି ଇଚ୍ଛା ନାହିଁ। ବିହାର ରାଜନୀତିରେ ଏହା ମଧ୍ୟ କୁହାଯାଇଥିଲା ଯେ ନୀତୀଶ ପୁଣିଥରେ ଆରଜେଡିରେ ଯୋଗ ଦେଇ ପ୍ରଧାନମନ୍ତ୍ରୀ ହୋଇପାରନ୍ତି ।