
ରାଇଘର(୨୬/୦୪) : ନବରଙ୍ଗପୁର ଜିଲ୍ଲା ରାଇଘର ବ୍ଲକ ପାରୁଆ ପଂଚାୟତ ଅଧିନସ୍ଥ ଛତାବେଡା ଗ୍ରାମର କଲସୁ ମାଝୀଙ୍କ ଝିଅ କୁମାରୀ ତୁଲେଶ୍ରୀ ମାଝୀ (୧୬)ଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି | ତୁଲେଶ୍ରୀ ଦଶମ ଶ୍ରେଣୀର ଛାତ୍ରୀ ଓ ଚଳିତ ବର୍ଷର ପରୀକ୍ଷାର୍ଥୀ l ପରିବାରର ସମସ୍ତେ ଗତ ରବିବାର ସକାଳ ନିଜସ୍ୱ ଗ୍ରାମର ଆର ମୁଣ୍ଡରେ ଥିବା ଏକ ବିବାହ ଅନୁଷ୍ଠାନରେ ଯୋଗ ଦେବାକୁ ଯାଇଥିଲେ l କିନ୍ତୁ ତାଙ୍କର ଝିଅ ତୁଲେଶ୍ରୀ କୌଣସି କାରଣ ଦେଖାଇ ବିବାହ ଅନୁଷ୍ଠାନରେ ନ ଯାଇ ଘରେ ଏକାକୀ ରହିଥିଲେ l ସନ୍ଧ୍ୟା ସମୟରେ କଲସୁ ମାଝୀ ଓ ପରିବାରର ସମସ୍ତେ ଘରକୁ ଫେରି ଦେଖିବାକୁ ପାଇଲେ ଯେ ତାଙ୍କ ଝିଅ ତୁଲେଶ୍ରୀ ନିଜ ଓଢଣୀ ଦ୍ୱାରା ଘର ଭିତର ଦୁଲମରେ ଫାଶୀ ହୋଇ ଝୁଲୁଛି, ଏହାଦେଖି ପରିବାର ସମସ୍ତେ ଗାଁ ଲୋକଙ୍କୁ ଡାକି ଏହି ଘଟଣା ଜଣାଇବା ସହ ରାଇଘର ଥାନାରେ ଏକ ଲିଖିତ ରିପୋର୍ଟ ଦେବ ପରେ ରାଇଘର ଥାନା ଅଧିକାରୀ ଶ୍ରୀ ପ୍ରମୋଦ କୁମାର ନାୟକ ଘଟଣା ସ୍ଥଳରେ ପହଂଚି ଶବଟିକୁ ଜବତ କରି କେସ ନଂ 24/23ରେ ଏକ ମାମଲା ୠଜୁକରି ପୋଷ୍ଟମାର୍ଟମ କରି ପରିବାରକୁ ଶବଟି ହସ୍ତାନ୍ତର କରିଥିଲେ l ତେବେ ତୁଲେଶ୍ରୀଙ୍କ ମୃତ୍ୟୁକୁ ନେଇ ଗାଁ ଲୋକ ଏବଂ ଅଂଚଳ ବାସୀ ପ୍ରଶ୍ନବାଚୀ ସୃଷ୍ଟି କରୁଛନ୍ତି ଯେ, କୌଣସି କାରଣ ନ ଥାଇ ଆତ୍ମହତ୍ୟା କାହିଁକି କଲା ? କିମ୍ବା ତୁଲେଶ୍ରୀଙ୍କର କାହା ସହିତ ପ୍ରେମ ସମ୍ପର୍କ ଥିଲାକି ? ନା କୌଣସି ମାନସିକ ଦୁଶ୍ଚିନ୍ତା ଥିଲା ? ଏହିପରି ଅନେକ ପ୍ରଶ୍ନବାଚୀ ଲୋକଚନା ଦ୍ୱାରା ଶୁଣିବାକୁ ମିଳୁଛି l ଏପଯ୍ୟନ୍ତ ପୋଷ୍ଟମାର୍ଟମ ରିପୋର୍ଟ ନ ଆସିଥିବା ଯୋଗୁଁ ମୃତ୍ୟୁର କୌଣସି କାରଣ ଜଣାପଡ଼ିନାହିଁ l ପୋଷ୍ଟମାର୍ଟମ ରିପୋର୍ଟ ଆସିଲା ପରେ ପ୍ରକୃତ ସତ୍ୟତା ପଦାକୁ ବାହାରିବ |