ନିର୍ବାଚନ କୁ ଦୃଷ୍ଟି ରେ ରଖି ଗଞ୍ଜାମ ଜିଲ୍ଲା ରେ ବିଦେଶୀ ଓ ଦେଶୀ ମଦ ଗୁପ୍ତ ଗୋଦାମ ରେ ଗଚ୍ଛିତ …!

ବ୍ରହ୍ମପୁର: ଗଞ୍ଜାମ ଜିଲ୍ଲା ରେ ଏବେ ଠାରୁ ଗୁପ୍ତ ଗୋଦାମ ଗୁଡ଼ିକରେ ଦେଶୀ, ବିଦେଶୀ ମଦ ମହଜୁଦ କରି ରଖାଯାଉ ଥିବା ଚର୍ଚ୍ଚା ହେଲାଣି। ଆଉ ଅଳ୍ପ ଦିନ ମଧ୍ୟରେ ଗଞ୍ଜାମ ଜିଲ୍ଲାର ବିଭିନ୍ନ ନିର୍ବାଚନ ମଣ୍ଡଳୀ ରେ ନିର୍ବାଚନ ହେବାକୁ ଯାଉଛି। ହେଲେ ଧର୍ମକୁ ଆଖିଠାର ଭଳି ସବୁ ଦେଶୀ ବିଦେଶୀ ମଦ ଦୋକାନ ନାମକୁ ମାତ୍ର ସିଲ କରାଯିବ। ଆଗରୁ ବନ୍ଦ ପଛରୁ ମେଲା କରି ଦୋକାନୀ ଓ ଅବକାରୀ ବିଭାଗ ର ଇଙ୍ଗିତରେ ବ୍ୟବସାୟ ଯେପରି ଚାଲିବା କଥା ସେହି ପରି ଚାଲିବ। ହେଲେ ଲୋକ ଦେଖାଣିଆ ଭାବେ ମଦ ଦୋକାନ ଗୁଡ଼ିକୁ ପ୍ରଶାସନ ସିଲ କରିବ । ନିର୍ବାଚନ କୁ ଦୃଷ୍ଟିରେ ରଖି ଏବେ ଠାରୁ ପେଟି ପେଟି ବିଦେଶୀ ମଦ ଓ ଦେଶୀ ପାଉଚ ଡିପୋ ଓ ଭାଟିରୁ ଅନ୍ଧାଧୁମ ଉଠା ଯାଇ ଗୁପ୍ତ ଗୋଦାମ ରେ ମହଜୁଦ କରାଯାଉଥିବା ନେଇ ଆଲୋଚନା ହେଉଛି। ଭେଣ୍ଡର ମାନେ ବହୁଳ ପରିମାଣ ର ମଦ ଗୋଦାମ ରୁ ଉଠାଇ ଗଛିତ ରଖି ସରକାରୀ ଧାର୍ଯ୍ୟ ଦାମ ଠାରୁ ମଧ୍ୟ ଚଢା ଦରରେ ବିକ୍ରି କରି ଥାନ୍ତି l ସୂଚନା ଥାଉକି ଗଞ୍ଜାମ ଜିଲ୍ଲା ର ଅଧିକାଂଶ ବିଦେଶୀ ମଦ ଦୋକାନ ବିଭିନ୍ନ କାରଣରୁ ମାର୍ଚ୍ଚ ମାସରୁ ବନ୍ଦ ରହିଛି। ହେଲେ ଯେଉଁ ସବୁ ଅଞ୍ଚଳ ରେ ବିଦେଶୀ ମଦ ଦୋକାନ ବନ୍ଦ ରହିଛି, ସେ ସବୁ ଅଞ୍ଚଳ ରେ ପେଟି ପେଟି ମଦର ବନ୍ୟା ଦେଖିବାକୁ ମିଳୁଛି ତଥାପି ପ୍ରଶାସନ ଅନ୍ଧ ହୋଇ ଚୁପ ବସିଛି । ନିର୍ବାଚନ ପୂର୍ବରୁ ଯେମିତି ନୀତିନିୟମ ଅନୁଯାଇ ମଦ ଦୋକାନ ସିଲ ହେବ ବିକ୍ରି ବଟା ଜୋରଦାର ହେବ ଏବଂ ଚଢ଼ା ଦରରେ ବିକ୍ରି ବି ହେବ । ଏଥର ନିର୍ବାଚନ ରେ ମଦ ଓ ଟଙ୍କା ର ଖେଳ ବହୁଳ ମାତ୍ରରେ ଦେଖିବାକୁ ମିଳିବ ବୋଲି ଏବେ ଠାରୁ ଆଲୋଚନା ହେଲାଣି। ମୁଖ୍ୟତଃ ଆସିକା, ପୋଲସରା, ପୁରୁଷୋତ୍ତମପୁର, କୋଦଳା, ଖଲ୍ଲିକୋଟ, ଗୋପାଳପୁର, କନିସି, ଚିକିଟି, ଛତ୍ରପୁର, କବିସୂର୍ଯ୍ୟନଗର ଆଦି ଅଞ୍ଚଳ ରେ ମାଫିଆ ମାନେ ଏବେ ଠାରୁ ବିଭିନ୍ନ ଘରେ ମଦ ଗଛିତ ରଖି ସାରିଲେଣି ଅବକାରୀ ବିଭାଗ ସବୁ ଜାଣି ନିଜ ମାସିକିଆ ବଟି ନେଇ ଚୁପ l ତଳ ଦିନେ ଗଣ ମାଧ୍ୟମରେ ଖବର ପ୍ରକାଶ ପରେ ତତ୍କାଳୀନ ବ୍ରହ୍ମପୁର ଏସ ପି ଡାକ୍ତର ଶ୍ରାବଣା ବିବେକ ଏମ ବ୍ରହ୍ମପୁର ନିକଟସ୍ଥ କନିସି ଅଞ୍ଚଳ ରୁ ଏକ ଘରୁ ଗଛିତ ଥିବା ବହୁଳ ମାତ୍ରାରେ ମଦ ଜବତ କରିଥିଲେ l ଯାହାକି ମଦ ମାଫିଆ ଓ ଅବକାରୀ ବିଭାଗର ନିଦ ହଜି ଯାଇଥିଲା l ଏସ ପି ଙ୍କ ବଦଳି ପରେ ପୁଣି ମଦ ମାଫିଆ ଏବଂ କିଛି ରାଜ ନେତା ବର୍ତମାନ ଅନେକ ଗୁପ୍ତ ଜାଗାରେ ମଦ ଗଛିତ ରଖିଛନ୍ତି l ଗଞ୍ଜାମ ଜିଲ୍ଲା ରେ ମଦ ବିନା ନିର୍ବାଚନୀ ବୈତରଣୀ ପାର ହେବା ସହଜ ନୁହେଁ ଏହା ସମସ୍ତେ ଜାଣନ୍ତି l ନିର୍ବାଚନୀ ଋତୁ ଆସିଲେ ଅବକାରୀ ବିଭାଗ ର ପୁଷମାସ ହୋଇ ଥାଏ ଏପରିକି କିଛି ବିଭାଗୀୟ କର୍ମଚାରୀ ଙ୍କୁ ମାଫିଆ ମାନେ ଢାଲ କରି ସେମାନଙ୍କ ଘରେ ମଧ୍ୟ ମଦ ଗଛିତ ରଖୁଥିବା ଶୁଣିବାକୁ ମିଳୁଛି l ଗଞ୍ଜାମ ଜିଲ୍ଲାର ପ୍ରତ୍ୟେକ ଢ଼ାବା ହୋଟେଲ ଏବେ ଚଳ ଚଞ୍ଚଳ କାରଣ ଏହି ଢ଼ାବା ମାଲିକ ମାନେ ନେତା ମାନଙ୍କ ଇଙ୍ଗାତ ରେ ନାନା ପ୍ରକାର ମଦ ଗଛିତ ରଖି ନିଜ ବ୍ୟବସାୟ ଚଲାଇ ଥାନ୍ତି ଏହି ଢ଼ାବା ମାଲିକ ମାନଙ୍କ ଠାରୁ ପୋଲିସ ବି ପ୍ରବଳ ବଟି ନେଇ ପସରା ଖୋଲିବାକୁ ଅନୁମତି ଦେବା ପରି ମନେ ହୁଏ ତେଣୁ ଜିଲ୍ଲାର ଅବକାରୀ ଓ ପୋଲିସ ବର୍ତ୍ତମାନ ଗୋଟିଏ ମୁଦ୍ରା ର ୨ ପାର୍ଶ୍ଵ ସଦୃଶ୍ୟ l ବଟି ନେଇ ଉଭୟ ବିଭାଗ ଚୁପ ଏପଟେ ଜିଲ୍ଲାର ଆଇନ ଶୃଙ୍ଖଳା ପରିସ୍ଥିତି ଦିନକୁ ଦିନ ବିଗିଡ଼ିବାକୁ ବସିଲାଣି ତଥାପି ଚେତା ପସିନି ପୋଲିସ ବିଭାଗ କୁ ନିର୍ବାଚନ ଯେତେ ପାଖେଇ ଆସୁଛି ସେତେ ମୁଣ୍ଡ ଗଡ଼ିବାର ସମ୍ଭାବନା ବି ଅଧିକ ସୂଚନା ଥାଉକି ଗତ କିଛି ଦିନ ତଳେ ହିଞ୍ଜିଳି, କବିସୂର୍ଯ୍ୟନଗର, ଖଲ୍ଲିକୋଟ ରେ ଯେଉଁ ଭଳି ଘଟଣା ଘଟିଛି ଏବେ ସୁଦ୍ଧା ପୋଲିସ ଅପରାଧୀ ମାନଙ୍କୁ ଧରିବାର ଟେର ପାଇନି, ଶୀତ ତାପ ନିୟନ୍ତ୍ରିତ କୋଠରୀ ରେ ବସି କେବଳ ଯୋଜନା କରୁଛି ବୋଲି ସାଧାରଣ ଓ ବୁଦ୍ଧିଜୀବୀ ମହଲ ରେ ଚର୍ଚ୍ଚା l ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ନଦେଲେ ଆଗକୁ ପରିସ୍ଥିତି ଭୟଙ୍କର ଆଡକୁ ଗତି କରିବା ସହିତ ଅନେକ ମୁଣ୍ଡ ଗଡ଼ିବା ସମ୍ଭାବନା କୁ ଏଡାଇ ଦିଆ ନଯାଇପାରେ l