ଛତ୍ରପୁର : ଆଜିର ନାରୀ । ସାହସ, ଶକ୍ତି ଓ ବୁଦ୍ଧିମତାର ଆଧାର । ସ୍ବାଭିମାନୀ ଆଉ ସ୍ବାବଲମ୍ବୀ । ସୃଷ୍ଟି ସମ୍ଭାବନାର ଉଜ୍ଜ୍ବଳ ତାରକା । ନାରୀ ଶକ୍ତିକୁ ସମ୍ମାନ ଜଣାଇବା ଉଦ୍ଦେଶ୍ୟରଖି ପ୍ରତିବର୍ଷ ଭଳି ଚଳିତ ବର୍ଷ ମାର୍ଚ୍ଚ ୮ ତାରିଖକୁ ଅନ୍ତର୍ଜାତୀୟ ମହିଳା ଦିବସ ଭାବେ ଯଶୋଦା ଫାଉଣ୍ଡେସନ ପକ୍ଷରୁ ଛତ୍ରପୁର ବ୍ଲକ ଅନ୍ତର୍ଗତ ଗୋଲାପଲ୍ଲୀ ବୃଦ୍ଧାଶ୍ରମ ପରିସର ରେ ଟ୍ରଷ୍ଟି ସାଗରିକା ପଣ୍ଡା ଙ୍କ ଅଧ୍ୟକ୍ଷତାରେ ମହାଆଡ଼ମ୍ବର ସହକାରେ ପାଳନ କରାଯାଇଛି । ଏଥିରେ ୪/୫ଗ୍ରାମ ପଂଚାୟତର ଶତାଧିକ ମହିଳା ମାନେ ଯୋଗଦେଇଥିଲେ, ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଛତ୍ରପୁର ରିକାପଲ୍ଲୀ ସ୍ଥିତ କସ୍ତୁରବା ଆବାସିକ ବାଳିକା ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ରିତା ରଥ ଯୋଗଦେଇ ସବୁ କ୍ଷେତ୍ରରେ ପୁରୁଷଙ୍କ ସମକକ୍ଷ ନାରୀ । ମହିଳାଙ୍କ ପାଇଁ ଅଧିକାର ଓ ସୁଯୋଗର ସମାନତା ନେଇ ଅଧିକରୁ ଅଧିକରୁ ସଚେତନତା ସୃଷ୍ଟି ପାଇଁ ମଧ୍ୟ ଏହି ଦିନ ପାଳନ ହୋଇଥାଏ ବୋଲି ସେ କହିଥିଲେ । ମୁଖ୍ୟବକ୍ତା ଭାବେ ଆଇନଜୀବୀଡ଼ଃ ପ୍ରଶାନ୍ତ କୁମାର ଶତପଥି, ସମ୍ମାନିତ ଅତିଥି ଭାବେ ରାଧେଶ୍ୟାମ ଫାଉଣ୍ଡେସନ ଏଣ୍ଡ ଚାରିଟେବୁଲ ଟ୍ରଷ୍ଟ ର ସଭାପତି ତଥା କାଉନସିଲର ଦେବାଶିଷ ମିଶ୍ର, ସ୍ୱାଭିମାନ ସ୍ବେଛାସେବୀ ସଂଗଠନ ର ସଭାପତି ପ୍ରଶାନ୍ତ କୁମାର ମହାରଣା ଓ ପୂର୍ବତନ ବିଧାୟକ ଅଶୋକ କୁମାର ଚୌଧୁରୀ ଯୋଗଦେଇ ମହିଳାମାନେ ଆଜିର ଯୁଗରେ ସବୁ କ୍ଷେତ୍ରରେ ଆଗକୁ ବଢ଼ିଲେଣି ଏବଂ ଆହୁରି ବଢିବା ଦରକାର । ନାରୀ ଶିକ୍ଷିତ ହେଲେ ଦେଶ ଶିକ୍ଷିତ ହେବ, ନାରୀ ଏକ ଶକ୍ତି, ଏକ ସ୍ନେହମୟୀ ହୃଦୟ, ଏକ ସ୍ଵପ୍ନ ସାକାର କରିବାର ଅତୁଟ ସାମର୍ଥ୍ୟ । ସେ ଜୀବନର ନିର୍ମାତ୍ରୀ, ପରିବାରର ଆଧାରସ୍ଥମ୍ଭ, ଏବଂ ସମାଜର ଅଙ୍ଗସ୍ଵରୂପ । ନାରୀ ମାତ୍ର ଏକ ସଂଜ୍ଞା ନୁହେଁ, ସେ ହେଉଛି ଆଦର୍ଶ, ଭଲପାଇବା ଏବଂ ସଂଘର୍ଷର ଚିହ୍ନ ବୋଲି ସେମାନେ କହିଥିଲେ । ଯଶୋଦା ଫାଉଣ୍ଡେସନ ପକ୍ଷରୁ ଆୟୋଜିତ ଏଭଳି କାର୍ଯ୍ୟକ୍ରମକୁ ସମସ୍ତେ ପ୍ରଂଶସା କରିଥିଲେ, ଏହି ଅବସର କିଛି ମହିଳା ସେମାନଙ୍କ ଅଧିକାର ଓ ଆବଶ୍ୟକତା ଉପରେ ଆଲୋକପାତ କରିଥିଲେ, ଟ୍ରଷ୍ଟି ଶ୍ରୀମତୀ ପଣ୍ଡା ଫାଉଣ୍ଡେସନ ପକ୍ଷରୁ କରାଯାଉଥିବା ବିଭିନ୍ନ ଜନହିତକର କାର୍ଯ୍ୟ ସମ୍ବନ୍ଧରେ ବିବରଣୀ ପାଠ କରିଥିଲେ, ଯୋଗଦେଇ ଥିବା ମହିଳା ମାନଂକୁ ଗିଫ୍ଟ ପ୍ରଦାନ କରାଯାଇଥିଲା, ଆଜିର ଦିବସ ରେ ଗୋଟିଏ ଅସହାୟ ବୃଦ୍ଧ ଦମ୍ପତିଙ୍କୁ ପୁଷ୍ପଗୁଚ୍ଛ ସହ ମାନପତ୍ର ଦେଇ ସମ୍ନାନ ଜଣାଇ ବୃଦ୍ଧାଶ୍ରମରେ ରଖାଯାଇଥିଲା, ସମସ୍ତକାର୍ଯ୍ୟକ୍ରମ କୁ ସୁଦେଷ୍ଠା ସାହୁ ଓ ପୁଷ୍ପାଞ୍ଜଳି ସାହୁ ପରିଚାଳନା ରେ ସହଯୋଗ କରିଥିଲେ ।