ମାଲକାନଗିରି : ମାଲକାନଗିରି ଜିଲ୍ଲାର ଜନସାଧାରଣଙ୍କ ପକ୍ଷରୁ, ଜିଲ୍ଲା ପ୍ରାଣୀ ମଙ୍ଗଳ ଅଧିକାରୀ ଓ ଟିମ୍ ଆଜି ଏକ ଦାବିପତ୍ର ଅତିରିକ୍ତ ଜିଲ୍ଲାପାଳଙ୍କ ଜରିଆରେ ରାଜ୍ୟପାଳ ଓ ମୁଖ୍ୟମନ୍ତ୍ରୀ, ଓଡିଶା ସରକାରଙ୍କୁ ପଠାଇଛନ୍ତି । ଗୋ-ବଂଶ ଏବଂ ହିନ୍ଦୁ ସଂସ୍କୃତି ପାରମ୍ପରିକ ଆମ ଓଡିଆଙ୍କ ଜୀବନଶୈଳୀର ଏକ ଅଂଗ ଅଟେ । ଓଡିଶା ଏକ କୃଷିପ୍ରଧାନ ରାଜ୍ୟ ଭାବରେ ଗୋପାଳନ କୃଷକମାନଙ୍କ ଜୀବନୋ ଜୀବିକାର ଏକ ଅଂଶ ଅଟେ। କିନ୍ତୁ, ଅତ୍ୟଧିକ ଗୋହତ୍ୟା ଏବଂ ସ୍ଥାନୀୟ ଗୋ ବଂଶର ସଂରକ୍ଷଣର ଅଭାବ ହେତୁ ଓଡିଶାର ଜାତୀୟ ପଶୁ ଲୁପ୍ତ ପ୍ରାୟ ହେଉଅଛି। ଯେପରି ମାଲକାନଗିରି ର “ମୋଟୁ” ପ୍ରଜାତୀର ଗାଇ l ଏହି ଚିନ୍ତାଜନକ ପରିସ୍ଥିତିକୁ ଦୃଷ୍ଟିରେ ରଖି, ଓଡିଶା ବିଧାନସଭାକୁ ଅତିଶୀଘ୍ର ଗୋହତ୍ୟା ନିଷେଧ ଏବଂ ପଶୁସଂରକ୍ଷଣ ବିଧେୟକ, ୨୦୨୪ ପାସ୍ କରିବା ପାଇଁ ଅନୁରୋଧ କରାଯାଇଛି | ଏହି ପରିପ୍ରେକ୍ଷୀରେ ୧. ସ୍ଥାନୀୟ ଗୋ ବଂଶର ସୁରକ୍ଷା, ୨. ଗୋସେବା ଆୟୋଗ ଗଠନ, ୩. ଗୋ ଆଧାରିତ ଅର୍ଥନୀତିର ପ୍ରସାର ଓ ୪. କୃଷିକୁ ଉତ୍ସାହିତ କରିବା ବିଷୟକୁ ପ୍ରାଧାନ୍ୟ ଦିଆଯାଇଛି | ଜିଲ୍ଲାବାସୀଙ୍କ ଦାବିଗୁଡ଼ିକ ଭିତରେ ରହିଛି “ଓଡିଶା ଗୋହତ୍ୟା ନିଷେଧ ଏବଂ ପ୍ରାଣୀ ସଂରକ୍ଷଣ ବିଧେୟକ-୨୦୨୪” ଅତିଶୀଘ୍ର ପ୍ରଣୟନ କରି ଲାଗୁ କରିବା, ଯାହା ରାଜ୍ୟରେ ଗୋହତ୍ୟା ଏବଂ ଅବୈଧ ପଶୁ ପରିବହନକୁ ନିଷିଦ୍ଧ କରିବା ।
ଓଡିଶାରେ “ଗାଇ” ଙ୍କୁ “ରାଜ୍ୟ ମାତା” ଘୋଷଣା କରିବା, (ମହାରାଷ୍ଟ୍ର ରାଜ୍ୟ ପରି ଅନୁସରଣ କରି “ରାଜ୍ୟ ମାତା” ଘୋଷଣା), ଗୋ ଆଶ୍ରୟସ୍ଥଳ ସ୍ଥାପନ କରି ଅସହାୟ, ଅନାଥ ଏବଂ ଅସୁରକ୍ଷିତ ଗୋବଂଶମାନଙ୍କୁ ରକ୍ଷା କରିବା | ଏହି ଦାବୀପତ୍ର ଅତିରିକ୍ତ ଜିଲ୍ଲାପାଳ ଶ୍ରୀ ବେଦବର ପ୍ରଧାନ ଜିଲ୍ଲା ପ୍ରାଣୀମଙ୍ଗଳ ଅଧିକାରୀଙ୍କ ଠାରୁ ଗ୍ରହଣକରି ଭୁବନେଶ୍ୱରକୁ ପ୍ରେରଣ କରିଛନ୍ତି l