ବ୍ରହ୍ମପୁର,ତା.୨୯. ୩. ୨୦୨୫ରିଖ ଅଗ୍ରଣୀ ସାଂସ୍କୃତିକ ଅନୁଷ୍ଠାନ ପୂଜ୍ୟ ପୂଜା ସମିତି ଓ ଲକ୍ଷ୍ମଣ ନାୟକ ସ୍ମୃତି ପୌର ଉଚ୍ଚ ବିଦ୍ୟାଳୟର ମିଳିତ ଆନୁକୂଲ୍ୟରେ ଆଜି ବୀର ଶହୀଦ ଲକ୍ଷ୍ମଣ ନାୟକଙ୍କ ୮୨ତମ ଫାଶୀ ଦିବସ ସ୍ଥାନୀୟ ପୌର ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ପାଳନ ହୋଇଯାଇଛି l ଆଇନଜୀବୀ ଅବନୀ ଗୟା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମ ଆରମ୍ଭରେ ଲକ୍ଷ୍ମଣ ନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇ ସେଠାରେ ଏକ ସ୍ମରଣ ସଭା ଅନୁଷ୍ଠିତ ହୋଇଥିଲା l ୧୯୪୨ମସିହା ଗାନ୍ଧିଜୀଙ୍କ କର ବା ମର ଡାକରାରେ ଲକ୍ଷ୍ମଣ ନାୟକଙ୍କ ନେତୃତ୍ୱରେ ଶତାଧିକ ଆଦିବାସୀ ମାଲକାନଗିରି ଜିଲ୍ଲାର ମାତିଲି ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ ହୋଇଥିଲା l ପୋଲିସର ଗୁଳି ଚାଳନାରେ ବହୁ ଆଦିବାସୀଙ୍କ ସହ ଜଣେ ଫରେଷ୍ଟ ଗାର୍ଡ ମଧ୍ୟ ଟଳି ପଡିଲେ l ପୋଲିସ ପକ୍ଷରୁ ଓ ଡାକ୍ତରଙ୍କ ରିପୋର୍ଟରୁ ସାକ୍ଷ ଦିଆଗଲା ଯେ ଗାର୍ଡ ଜଣକ ଲକ୍ଷ୍ମଣ ନାୟକଙ୍କ ଠେଙ୍ଗା ମାଡ଼ରେ ମୃତ୍ୟୁ ହୋଇଛି l ଏହି ମିଥ୍ୟା କେସରେ ଲକ୍ଷ୍ମଣ ନାୟକଙ୍କୁ ବ୍ରହ୍ମପୁର ଜେଲରେ ୧୯୪୩ମସିହାରେ ବ୍ରିଟିଶ ସରକାର ଫାଶୀ ଦେଲା l ଆଜି ଲକ୍ଷ୍ମଣ ନାୟକ ନାହାନ୍ତି ସତ ହେଲେ ତାଙ୍କ ଆଦର୍ଶଗତ ଜୀବନ ଆଜି ଆମକୁ ସାମ୍ପ୍ରତିକ ସ୍ଥିତିରେ ଦେଶର ଜଙ୍ଗଲ, ଖଣି, ନଦୀ, ପାହାଡ଼ର ସୁରକ୍ଷା ଓ ଆଦିବାସୀ, ପାରମ୍ପରିକ ଅଧିବାସୀଙ୍କ ଅଧିକାର ପାଇଁ ଲଢେଇ କରିବା ପାଇଁ ଉତ୍ସlହ ପ୍ରଦାନ କରୁଛି l ଏଣୁ ବ୍ରିଟିଶ ସରକାର ପରେ ବର୍ତମାନର ପୁଞ୍ଜିବାଦୀ ଫାସିବାଦୀ ସାରକାରୀ ବ୍ୟବସ୍ଥା ବିରୁଦ୍ଧରେ ଲକ୍ଷ୍ମଣ ନାୟକଙ୍କ ଭଳି ବିପ୍ଲବୀ ଯୋଦ୍ଧା ମାନଙ୍କ ଆଦର୍ଶଗତ ଚର୍ଚ୍ଚା ନିହାତି ଆବଶ୍ୟକ ବୋଲି ଆଜିର ସଭାରେ ମତବ୍ୟକ୍ତ ପାଇଛି l ଆଜି ସଭାରେ ଶହୀଦ ଲକ୍ଷ୍ମଣ ନାୟକ ସ୍ମୃତି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସନାତନ ଜାଲ୍ଲୀ,ବିଶିଷ୍ଟ ସମାଜସେବୀ ସୁରେନ୍ଦ୍ର ନାଥ ପଣ୍ଡା, ଓଷ୍ଟା ର ପୂର୍ବତନ ସମ୍ପାଦକ ବିଜୟ କୁମାର ବେହେରା, ସଂସ୍କାର ମହିମା ର ସମ୍ପାଦକ ଶିବ ସୁନ୍ଦର ରଥ, କେଦାରନାଥ ଚୌଧୁରୀ,ପ୍ରମୋଦ କୁମାର ପଣ୍ଡା, ଜି. ଗୌରୀ ରେଡ୍ଡୀ, ଅନିତା ପ୍ରଧାନ, ସବିତା ଚୌଧୁରୀ, ସବିତା ପଣ୍ଡା, ସନ୍ଧ୍ୟାରାଣୀ ବେହେରା,ଆପ ର ନେତା ଆଦିତ୍ୟ ନାରାୟଣ ରଥ,ସମାଜସେବୀ ପି. ଧର୍ମା ରାଓ, ଭୀଷ୍ମlଚାର୍ଯ୍ୟ ଚୌଧୁରୀ,କବିରାଜ ସାହୁ, ଝୁନୁ ଦେଜ ପ୍ରମୁଖ ଅଂଶ ଗ୍ରହଣ କରିଥିଲେ l ଶେଷରେ ସମିତି ସମ୍ପାଦକ ଏସ. ସାମ୍ବଶିବା ରାଓ ଧନ୍ୟବାଦ ଜଣାଇଥିଲେ l