ସରିଲା ଛତ୍ରପୁର ଓକିଲ ସଂଘର ନିର୍ବାଚନ : ଷଷ୍ଠଥର ଭାବେ ସଭାପତି ନିର୍ବାଚିତ ହେଲେ ପ୍ରଦୀପ

youtube

ଛତ୍ରପୁର : ଛତ୍ରପୁର ଓକିଲସଂଘର ବିଭିନ୍ନ କର୍ମକର୍ତ୍ତା ନିମନ୍ତେ ନିର୍ବାଚନ ଶନିବାର ଅନୁଷ୍ଠିତ ହୋଇଯାଇଛି । ସଂଘର ବିଭିନ୍ନ ପଦ ପଦବୀ ନିମନ୍ତେ ନିର୍ବାଚନ ନିମନ୍ତେ ମତଦାନ ହେବା ସହିତ ଫଳାଫଳ ଘୋଷାଣ ହୋଇଯାଇଛି । ଓକିଲ ସଂଘର ସଭାପତି ପଦବୀ ନିମନ୍ତେ ପ୍ରଦୀପ କୁମାର ପାଢୀ ଓ ସଞ୍ଜୟ କୁମାର ବେହେରା ମଧ୍ୟରେ ମୁକାବିଲା ହୋଇଥିବା ବେଳେ ପ୍ରଦୀପ କୁମାର ପାଢୀ ଷଷ୍ଠ ଥର ପାଇଁ ସଭାପତି ଭାବେ ନିର୍ବାଚିତ ହୋଇଛନ୍ତି । ସେହିପରି ସମ୍ପାଦକ ପଦବୀ ପାଇଁ ଏସ. ଶ୍ୟାମ କୁମାର ଓ ସୁରେଶ କୁମାର ପଟ୍ଟନାୟକ ମଧ୍ୟରେ ମୁକାବିଲା ହୋଇଥିବା ବେଳେ ଏସ ଶ୍ୟାମ କୁମାର ରାଓ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି । ସେହିପରି ଉପସଭାପତି ପଦବୀ ନିମନ୍ତେ ଚୈତନ୍ୟ ପ୍ରଧାନ, ଭୈରବୀ କୁମାର ପଟ୍ଟନାୟକ ଓ ସମୀର କୁମାର ପାଣିଗ୍ରାହୀ ଙ୍କ ମଧ୍ୟ ରେ ମୁକାବିଲା ହୋଇଥିଲା ସେଥିରେ ଚୈତନ୍ୟ ପ୍ରଧାନ ନିର୍ବାଚିତ ହୋଇଛନ୍ତି, ପୂର୍ବରୁ ଯୁଗ୍ମ ସମ୍ପାଦକ ଭାବେ ଅନାମ ଚନ୍ଦ୍ର ପ୍ରଧାନ, ଲାଇବ୍ରେରୀ ସେକ୍ରେଟାରୀ ଭାବେ ବିଶ୍ୱ ଭୂଷଣ ପାଢୀ, ସହ -ସମ୍ପାଦକ ଭାବେ ଜି କେଶବ ଶେଖର ରେଡ୍ଡୀ , କୋଷାଧ୍ୟକ୍ଷ ଭାବେ ସଂଜୟ କୁମାର ବେହେରା ଓ କାର୍ଯ୍ୟକାରୀ ସଦସ୍ୟ ଶିବ ପ୍ରସାଦ ସାହୁ ନିଦ୍ୱନ୍ଦ ଭାବେ ବିଜୟୀ ହୋଇଥିଲେ । ନିର୍ବାଚନ ଅଧିକାରୀ ଭାବେ ସିଏଚ. ସୂର୍ଯ୍ୟ ନାରାୟଣ ରେଡ୍ଡୀ ଦାୟିତ୍ୱ ତୁଲାଇ ଥିବା ବେଳେ ସହକାରୀ ନିର୍ବାଚନ ଅଧିକାରୀ ଭାବେ ସନ୍ତୋଷ କୁମାର ସାହୁ ଓ ଦେବେନ୍ଦ୍ର ମିଶ୍ର ଦାୟିତ୍ୱ ତୁଲାଇଥିଲେ । ଛତ୍ରପୁର ଓକିଲ ସଂଘ ର ୧୮୯ଜଣ ସକ୍ରିୟ ସଦସ୍ୟ ରହିଥିବା ବେଳେ ଆଜି ୧୬୯ଜଣ ସଦସ୍ୟ ମତଦାନ କରିଥିଲେ

Leave A Reply

Your email address will not be published.