ଦୈନିକ ୬ ଶହ ଟଙ୍କା ସ୍ଵତନ୍ତ୍ର କେବିନ, ଏସି ଦ୍ଵିତୀୟ ପ୍ରାୟରିଟି, ଚିକିତ୍ସା ପ୍ରଥମ ପ୍ରାୟରିଟି: ମ୍ୟାନେଜର ଲକ୍ଷ୍ମୀପ୍ରିୟା
ଏ ସି ଅଚଳ ରହିଥିବା କ୍ୟାବିନ ପାଇଁ ଯଦି ଡିସକାଉଣ୍ଟ ଚାହିଁବେ ମ୍ୟାନେଜର ମହାଶୟାଙ୍କ ସହଯୋଗରେ ସି ଡି ଏମ ଓ ଙ୍କ ସହ ଆଲୋଚନା ପରେ ପାଇବେ ଡିସକାଉଣ୍ଟ !
ରାୟଗଡା : ରାୟଗଡା ଜିଲ୍ଲା ଏକ ଆଦିବାସୀ ଅଧ୍ୟୁଷିତ ସହ ଗରିବ ଜିଲ୍ଲା। ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟ ଉପରେ ପ୍ରାୟ ଅଧିକାଂଶ ଗରିବ କିମ୍ବା ମଧ୍ୟବିତ୍ତ ବର୍ଗର ଲୋକ ନିର୍ଭର କରଥାନ୍ତି। ରାୟଗଡ଼ା ଜିଲ୍ଲାମୁଖ୍ୟ ଚିକିତ୍ସାଳୟ ରେ କିଭଳି ରୋଗୀ ସେବା ମିଳେ ତାହା ସମସ୍ତଙ୍କୁ ଅଳ୍ପ ବହୁତ ଜଣା କାହାକୁ ଅଛପା ନୁହେଁ।ଅନେକ ସମୟରେ ଶଯ୍ୟା ଅଭାବରୁ ରୋଗୀ ଚଟାଣରେ ପଡିରହୁଥିବା ନଜିର ରହି ଆସିଛି। ଏଭଳି ସ୍ଥଳରେ ରୋଗୀ କିଛି ମାତ୍ରାରେ ଉପକୃତ ହେବା ପାଇଁ ମେଡ଼ିସିନ ୱାର୍ଡରେ ୫ଟି, ଡେଲିଭେରୀ ୱାର୍ଡରେ ୮ଟି,ପେଡିଏଟିକ ୱାର୍ଡରେ ୩ଟି, ମୋଟ ୧୬ ଟି ସ୍ୱତନ୍ତ୍ର କ୍ୟାବିନ ବ୍ୟବସ୍ଥା ରହିଛି।
ଯାହାର ମୂଲ୍ୟ ୨୪ ଘଣ୍ଟାକୁ ୬ ଶହ ଟଙ୍କା ଧାର୍ଯ୍ୟ ହୋଇଛି। କିନ୍ତୁ ଦୁର୍ଭାଗ୍ୟର ବିଷୟ ୧୬ କ୍ୟାବିନ ମଧ୍ୟରୁ ଦୀର୍ଘ ମାସ ହେବ ମେଡ଼ିସିନ ୱାର୍ଡରେ ୫ଟି ରୁ ୪ଟି, ଡେଲିଭେରୀ ୱାର୍ଡରେ ୮ଟି ରୁ ଗୋଟିଏ,ପେଡିଏଟିକ ୱାର୍ଡରେ ୩ଟି ରୁ ୨ଟି ମୋଟ ୭ଟି କେବିନର ଏ ସି ସମ୍ପୂର୍ଣ ଅଚଳ। ଜଣେ ରୋଗୀଙ୍କ ସମ୍ପର୍କୀୟ ଲଗାତାର ୪ମାସ ଭିତରେ ୪ରୁ ୫ଥର କେବିନ ବୁକ କରିଥିଲେ।ପ୍ରତ୍ୟକ ଥର ଏ ସି କାମ କରୁନି ଆପଣଙ୍କ ଆପତ୍ତି ନଥିଲେ କେବିନ ପ୍ରଦାନ କାରାଯିବ ବୋଲି କ୍ୟାବିନ ଦାୟିତ୍ୱରେ ରହିଥିବା କର୍ମଚାରୀ କହିବା ପରେ ରୋଗୀଙ୍କ ସମ୍ପର୍କୀୟ ସେଥିରେ ରାଜି ହେଲେ କେବିନ ପ୍ରଦାନ କରନ୍ତି। ଏଠି ପ୍ରଶ୍ନ ଉଠୁଛି ସାଧାରଣ ଶଯ୍ୟାରେ ଗହଳ ପୂର୍ଣ୍ଣ ସହ ପ୍ରବଳ ଗରମ ଏବଂ ଇଂଫକ୍ସନରୁ ମୁକ୍ତି ପାଇବା ପାଇଁ ସ୍ଵତନ୍ତ୍ର କେବିନ ଉପରେ ଭରସା କରି ରୋଗୀ ଦିନକୁ ୬ ଶହ ଟଙ୍କା ଦେଇ ଥାଆନ୍ତି ଯାହାକି ମାସିକ ହିସାବ କଲେ ୧୮ ହଜାର ଟଙ୍କା । କିନ୍ତୁ ଦୁର୍ଭାଗ୍ୟର କଥା ସରକାରୀ ଚିକିତ୍ସାଳୟରେ ସ୍ୱତନ୍ତ୍ର ବ୍ୟବସ୍ଥା ପାଇବା ପାଇଁ ମାସ ମାସ ଧରି ସାତ ସ୍ୱପ୍ନ ପାଲଟିଛି। ଦୀର୍ଘ ମାସ ହେବ ଏ ସି ଅଚଳ ରହିଥିବା ନେଇ ଦାୟିତ୍ୱରେ ରହିଥିବା ମେଡିକାଲ ମ୍ୟାନେଜର ଲଷ୍ମୀପ୍ରିୟା ମହାଶୟଙ୍କୁ ଅଭିଯୋଗ କରିବାରୁ ସ୍ଵତନ୍ତ୍ର ସେବା ପଇବା ତ ଦୂରର କଥା ଅଜବ ଉତ୍ତର ରଖୀଥିଲେ। ସ୍ୱତନ୍ତ୍ର କ୍ୟାବିନ ନେଲେ ବି ଆମର ପ୍ରଥମ ପ୍ରାୟରିଟି ଚିକିତ୍ସା। AC ଆମର ପର ପ୍ରାୟରିଟି ବୋଲି କହିଛନ୍ତି। ଅପର ପକ୍ଷେ ରୋଗୀଙ୍କ ସମ୍ପର୍କୀୟ ଏ ସି କାମ କରୁନି ଯଦି କିଛି ଡିସକାଉଣ୍ଟ କରିବାକୁ କହିବାରୁ ଜିଲ୍ଲା ମୁଖ୍ୟ ଚିକିତ୍ସକଙ୍କ ପାଖକୁ ଆସନ୍ତୁ ତାଙ୍କ ସହ ଆଲୋଚନା ପରେ ଡିସକାଉଣ୍ଟ ଦିଆଯିବ ବୋଲି କହିଛନ୍ତି ମେନେଜର ଲକ୍ଷ୍ମୀପ୍ରିୟା । ଏଣୁ କ୍ୟାବିନ ନେଉଥିବା ସମସ୍ତ ରୋଗୀଙ୍କ ସମ୍ପର୍କୀୟଙ୍କୁ ଅନୁରୋଧ (ଭଗବାନ ନ କରନ୍ତୁ କେବେ ଚିକିତ୍ସା ଜନିତ ସମସ୍ୟା କାହାକୁ ନ ଆସୁ) ଯଦି ଆପଣ କେବିନ ବୁକ କରିବା ପରେ ଏ ସି ଅଚଳ ଅଛି ତେବେ ଆପଣ ମାନେ ରାୟଗଡ ଜିଲ୍ଲା ମୁଖ୍ୟ ଚିକିତ୍ସାଳୟର ମ୍ୟାନେଜର ମହାଶୟା ଲକ୍ଷ୍ମୀ ପ୍ରିୟାଙ୍କ ନମ୍ବର +918637236727 ରେ ଯୋଗାଯୋଗ କଲେ ସେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ ସହ ଆଲୋଚନାର ବ୍ୟବସ୍ଥା କରିବେ। କେବଳ ଆଲୋଚନା ପରେ ଡିସକାଉଣ୍ଟ ପାଇବେ ଆପଣ। ଟଙ୍କା ଖର୍ଚ୍ଚ କରି ଉଚିତ ସେବା ପାଇବାରୁ ବଞ୍ଚିତ ହୋଇ ମ୍ୟାନେଜର ମହାଶୟାଙ୍କୁ ଅଭିଯୋଗ କଲେ ଅଭିଯୋଗର ସମାଧାନ ଦିଗରେ ତପ୍ତରତା ନ ଦେଖାଇ ଏ ସି ୧୦ ଟଙ୍କା ନୁହଁ, ସରକାରଙ୍କ ବିଭିନ୍ନ ନିୟମ ଦେଇ ଯିବାକୁ ହେବ ,ଭୁବନେଶ୍ୱରରୁ ଆସିବେ,ଟେଣ୍ଡର ହେବ ଭଳି ଅବାନ୍ତର ମନ୍ତବ୍ୟ ଦେଇଥିଲେ। ତେବେ ଏଠି ପ୍ରଶ୍ନ ଉଠୁଛି ଜଣେ ଗରିବ ଅସହାୟ ରୋଗୀ ସୁଵିଧା ଟିକକ ପାଇବା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ଯାଇ ଖର୍ଚାନ୍ତ ହୋଇ ସୁବିଧା ନ ପାଇ ଅଭିଯୋଗ କଲେ ଅବାନ୍ତର ମନ୍ତବ୍ୟ ଶୁଣିବାକୁ ମିଳୁଛି। ଯାହାକୁ ନେଇ ସାଧାରଣରେ ତୀବ୍ର ନିନ୍ଦା କରିବା ସହ ଅଭିଯୋଗ ପାଇଲେ ଶାଳୀନତା ରକ୍ଷା କରିବା ସହ ସମସ୍ୟାର ସମାଧାନ ତୁରନ୍ତ କରିବାକୁ ଚେତାବନୀ ଦେଇଛନ୍ତି ରାୟଗଡ ଜିଲ୍ଲା ଯୁବ କଂଗ୍ରେସ ଉପ ସଭାପତି ଅସଲାମ ଖାଁ।