ଜାତୀୟ ଟାଇକୋଣ୍ଡୋ ପ୍ରତିଯୋଗିତାରେ ଚମକିଲେ ହିଞ୍ଜିଳିକାଟୁର ଅଂଶୁମାନ

youtube

ହିଞ୍ଜିଳିକାଟୁ : ଜାତୀୟ ସ୍ତରରେ ହିଞ୍ଜିଳିକାଟୁ ପାଇଁ ଗୌରବ ଆଣିଲେ ହିଞ୍ଜିଳିକାଟୁ ର ଅଂଶୁମାନ ପଣ୍ଡା। କଟକ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆୟୋଜିତ ହୋଇଥିବା ନବମ ଟାଏକୋଣ୍ଡୋ ଚମ୍ପିଆନସିପ୍‌ କ୍ୟୋରୋଗି, ରେ ଗୋଲ୍ଡ ମେଡାଲ ଆଣିଲେଅଂଶୁମାନ । ଏହି ନବମ ଜାତୀୟ ସ୍ତରର କ୍ୟୋରୋଗି ,ପୋମ୍ସେ ଓ ପାରା କାଟାଗୋରିରେ ଆୟୋଜିତ ଏହି ଚମ୍ପିଆନସିପ୍‌ରେ ପ୍ରାୟ ୬୦୦ ପ୍ରତିଯୋଗୀ ଅଂଶଗ୍ରହଣ କରିଥିଲେ । ମଇ ମାସ ୩୦ ତାରିଖରୁ ଜୁନ ୧ପର୍ଯ୍ୟନ୍ତ ଚାଲିଥିବା ନବମ ଜାତୀୟ ଟାଇକୋଣ୍ଡୋ ଚମ୍ପିୟାନସିପ ରେ ଜାଗୁଆର ଏକାଡେମୀ ଅଫ ମାର୍ଶାଲ ଆର୍ଟସ ଏଣ୍ଡ ସେଲ୍ଫ ଡିଫେନ୍ସ ର ବହୁ ଛାତ୍ର ଛାତ୍ରୀ ଏକାଡେମୀ ପାଇଁ ଗର୍ବ ଓ ଗୌରବ ଆଣିଛନ୍ତି ।

ଜାତୀୟ ସ୍ତରୀୟ ଟାଇକୋଣ୍ଡୋ ପ୍ରତିଯୋଗିତାରେ ଭାଗ ନେଇ ବେଶ ଉତ୍ସାହିତ ଅଛନ୍ତି ଖେଳାଳି ବୋଲି ଜାଗୁଆର ଏକାଡେମୀ ମାର୍ଶାଲ ଆର୍ଟସ ଏଣ୍ଡ ସେଲ୍ଫ ଡିଫେନ୍ସ ର ଅଧ୍ୟକ୍ଷ ଅମ୍ବିକା ପ୍ରସାଦ ଦାଶ ସୁଚନା ଦେଇଛନ୍ତି। ଖେଳିବା ଦ୍ବାରା ମାନସିକ ସହ ଶାରୀରିକ ସୁସ୍ଥତା ମିଳିଥାଏ, ତେଣୁ ସମସ୍ତେ ଖେଳିବା ଉଚିତ ବୋଲି ଜଣେ ଅଧ୍ୟକ୍ଷ କହିଛନ୍ତି। ଏହି ଗେମ୍‌ରେ ଆଗାମୀ ଦିନରେ ନିଜର ପରିଚୟ ଆନ୍ତର୍ଜାତିକସ୍ତରରେ ପଦର୍ଶନ କରିବା ନେଇ ଆଶାବାଦୀ ରହିଛନ୍ତି ସମସ୍ତ ଖେଳାଳି । ହିଞ୍ଜିଳିକାଟୁ ଓ ଆଖପାଖ ଅଞ୍ଚଳରୁ ଅଂଶୁମାନ ଙ୍କ ସଫଳତା ନେଇ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।

Leave A Reply

Your email address will not be published.