ହିଞ୍ଜିଳିକାଟୁ : ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଆଶୁ ଆରୋଗ୍ୟ କାମନା କରି ଶନିବାର ହିଞ୍ଜିଳି ବିଜେଡି ପକ୍ଷରୁ ସମୁହ ଦୀପଦାନ କରିଛନ୍ତି । ମେଡିକାଲ ବିଶେଷଜ୍ଞମାନଙ୍କ ପରାମର୍ଶ ଅନୁଯାୟୀ ରବିବାର ୨୨ ତାରିଖରେ ମୁମ୍ବାଇର କୋକିଲାବେନ ଧୀରୁଭାଇ ଅମ୍ବାନୀ ହସ୍ପିଟାଲରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସର୍ଭିକାଲ୍ ଆଥ୍ରାଇଟିସ୍ ଚିକିତ୍ସା ହେବ। ନବୀନଙ୍କ ବ୍ୟକ୍ତିଗତ ଚିକିତ୍ସକ ଡାକ୍ତର ରମାକାନ୍ତ ପଣ୍ଡା ମୁମ୍ବାଇରେ ଏହି ଚିକିତ୍ସା ପାଇଁ ସମସ୍ତ ବ୍ୟବସ୍ଥା କରୁଛନ୍ତି । ଏ ନେଇ ହିଞ୍ଜିଳି ନିର୍ବାଚନ ମଣ୍ଡଳୀ ପକ୍ଷରୁ ସ୍ଥାନୀୟ ରାଜବାଟି ସ୍ଥିତ ଶ୍ରୀ ଲକ୍ଷ୍ମୀନୃସିଂହ ମନ୍ଦିର ପ୍ରାଙ୍ଗଣରେ ଏକତ୍ରିତ ହୋଇ ମାନ୍ୟବର ବିରୋଧୀଦଳ ନେତା ନବୀନ ପଟ୍ଟନାୟକଙ୍କ ଜିଲ୍ଲା ପ୍ରତିନିଧି ଦେବାନନ୍ଦ ମହାପାତ୍ର ଙ୍କ ନେତୃତ୍ୱରେ ପ୍ରଭୁଙ୍କ ନିକଟରେ ସମୁହ ଦୀପଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବରିଷ୍ଠ ବିଜେଡି ନେତା ସୁରେନ୍ଦ୍ରନାଥ ପ୍ରଧାନ, ହିଞ୍ଜିଳିକାଟୁ ପୌରପରିଷଦ ଅଧ୍ୟକ୍ଷ ସୁବାସ ଚନ୍ଦ୍ର ପୋଲେଇ, ହିଞ୍ଜିଳିକାଟୁ ବ୍ଲକ୍ ଅଧ୍ୟକ୍ଷ ସରସ୍ଵତୀ ସେଠୀ, ହିଞ୍ଜିଳିକାଟୁ ପୌରପରିଷଦ ର କାଉନସିଲର, ହିଞ୍ଜିଳିକାଟୁ ବ୍ଲକ୍ ର ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ସଭ୍ୟଙ୍କ ସହ ବ୍ଳକ ବିଜେଡି ସଭାପତି ଶ୍ରୀ ମହାନ୍ତି , ଶେରଗଡ଼ ର ବିଜେଡି ନେତୃମଣ୍ଡଳୀ ଙ୍କ ସହ ନବୀନ ପ୍ରେମୀ ପ୍ରମୁଖ ଯୋଗଦେଇଥିଲେ।ଏଥି ସହିତ ଜନସାଧାରଣଙ୍କୁ ନିଜ ଘର ଆଗରେ ଭଗବାନ ଙ୍କୁ ଦୀପ ଜାଳି ନବୀନ ପଟ୍ଟନାୟକଙ୍କ ଆଶୁ ଆରୋଗ୍ୟ କାମନା ପାଇଁ ପ୍ରାର୍ଥନା କରିବାକୁ ଅନୁରୋଧ କରିଥିଲେ।
ତା୨୨,୦୬,୨୫ରିଖରେ ଶ୍ରୀ ସପ୍ନେଶୂର ମନ୍ଧିର ହିଂଜିଳି ଗ୍ରାମରେ ବରିଷ୍ଠ ନେତୃବୃନ୍ଧସହ ସ୍ଥାନିୟ ନେତୃବୃନ୍ଧ ଯାତ୍ରାରେ ବାହାରି ସମୁହେ ପ୍ରାଥନା କରିବା ସହ
୧୦,୦୦୦ମହାମୃତୁଞୟ ମନ୍ତ୍ର ପାଠନ କରାଯିବ । ଆସନ୍ତା ତା୨୩,୦୬,୨୫ରିଖ ଅପରାହ୍ନ ୫ଘ ସମୟରେ ଗଞାମଜିଲ୍ଲାର ସମସ୍ତ ବରିଷ୍ଠ ନେତୃବୃନ୍ଧ ସହ ସମସ୍ତ ନେତୃମଣ୍ଡଳୀ
ସ୍ଥାନୀୟ ଵସଷ୍ଠାଣ୍ଡ ଠାରୁ ଆଶୁ ଆରୋଗ୍ୟ କାମନା ଯାତ୍ରା ବାହାରି ଶ୍ରୀ ଲକ୍ଷ୍ମୀ ନୃସିଂହ ମନ୍ଦିର ରଙ୍ଗୁଣୀସାହି ହିଂଜିଳିକାଟୁ ଠାରେ ଏକତ୍ରିତ ହୋଇ ସମୁହ ପ୍ରାଥନା କରିବା, ପାଇଁ ଯୋଗଦେବା ସହ ପ୍ରତ୍ୟେକ ଗ୍ରମରେ ପ୍ରତ୍ୟେକ ବ୍ୟକ୍ତି ଦୀପ ଲଗାଇବା ପାଇଁ ତାହାର ବ୍ୟବସ୍ଥା କରିବାକୁ ଅନୁରୋଧ କରିଛନ୍ତି ବିରୋଧୀ ଦଳ ନେତାଙ୍କ ଜିଲ୍ଲା ପ୍ରତିନିଧି ଦେବାନନ୍ଦ ମହାପାତ୍ର।