ମାଲକାନଗିରି : ସାରା ଜିଲ୍ଲାରେ ସାର ଯୋଗାଣରେ ବ୍ୟାପକ ଅବ୍ୟବସ୍ଥା ଦେଖାଦେଇଛି । ସାର କଳାବଜାର, ଅପମିଶ୍ରଣ ଏବଂ ବଜାରରେ ୟୁରିଆ ମିଳୁ ନଥିବାରୁ ଚାଷୀକୁଳ ହନ୍ତସନ୍ତ ହେଉଛନ୍ତି । ବିଭିନ୍ନ ସ୍ଥାନରେ ବିଶେଷ କରି ଦୁର୍ଗମଗ୍ରାମାଞ୍ଚଳରେ ସାର ସମସ୍ୟା ଉତ୍କଟ ହୋଇଛି । ସେହିପରି ମାଲକାନଗିରି ଜିଲ୍ଲାର କାଲିମେଳା ବ୍ଲକରେ ପ୍ରାୟ ୭୦ ପ୍ରତିଶତ ଲୋକ ଚାଷ ଉପରେ ନିର୍ଭର ଶିଳ । ତେବେ ଏବେ ଏକ ମାସରୁ ଉର୍ଦ୍ଧ ହେବ ଚାଷ କାମ ସରିଥିବା ବେଳେ ଜମିରେ ଖାଲି ସାର ପକାଇବା ବାକି ରହିଛି । କିନ୍ତୁ ସାର ଯୋଗାଣରେ ସରକାର ବିଫଳ ହେଇଥିବା ବେଳେ ଏହାର ଫାଇଦା ନେଇ ଚାଷୀଙ୍କୁ ଲୁଟି ଚାଲିଛନ୍ତି ସାର ବେପାରୀ । ସୂଚନା ମୁତାବକ ୟୁରିଆ ସାର ବସ୍ତାର ସରକାରୀ ଦାମ ୨୬୮ ଟଙ୍କା ରହିଥିବା ବେଳେ ପୁସୁଗୁଡ଼ା ପଞ୍ଚାୟତର ଜ୍ୟୋତିର୍ମୟୀ ଆଣ୍ଡ ସୁଧର୍ଶନ ଟ୍ରେଡ଼ର୍ଶ , ଏମ୍. ଏସ୍. ମିରିକାଙ୍କ ମିସ୍ତ୍ରୀ ଡିଲର ସାର ପ୍ୟାକେଟ ପିଛା ୮୦୦ ରୁ ୧୦୦୦ ଟଙ୍କାରେ ବିକ୍ରି କରୁଛନ୍ତି । ଏଥିରେ ଚାଷୀ ହଇରାଣ ହେଉଥିବା ବେଳେ ମାଲେମାଲ୍ ହେଉଛନ୍ତି ସାର ବେପାରୀ । ଏହାକୁ ପ୍ରତିବାଦ କରି ପୁସୁଗୁଡ଼ା ପଞ୍ଚୟତର ଚାଷୀ ମାନେ ୩୨୬ ନମ୍ବର ଜାତୀୟ ରାଜପଥର ଅବରୋଧ କରି ସରକାରଙ୍କୁ ଚେତାବନୀ ଦେବା ସହ ସାର ବେପାରୀ ମାନଙ୍କୁ ନିର୍ଦ୍ଧାରିତ ଦରରେ ସାର ବିକ୍ରୀ କରିବା ପାଇଁ ଦାବି କରିଛନ୍ତି । ତେବେ ଖବର ପାଇ ମୋଟୁ ପୋଲିସ୍ ଘଟଣା ସ୍ଥଳରେ ପହଞ୍ଚି ଚାଷୀଙ୍କୁ ବୁଝାସୁଝା କରୁଥିବା ଦେଖିବାକୁ ମିଳିଛି ।