ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ-ୟୁରୋପୀୟ ସଂଘ ସମ୍ପର୍କ ସମୀକ୍ଷା ଏବଂ ଆଗକୁ ବଢ଼ାଇବା ପାଇଁ ୟୁରୋପୀୟ ପରିଷଦର ଅଧ୍ୟକ୍ଷ ଆଣ୍ଟୋନିଓ କୋଷ୍ଟା ଏବଂ ୟୁରୋପୀୟ କମିଶନର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲେଏନଙ୍କ ସହ ଏକ ମିଳିତ ଟେଲିଫୋନ୍ କଲ୍ କରିଥିଲେ। ନେତାମାନେ ବାଣିଜ୍ୟ, ପ୍ରଯୁକ୍ତିବିଦ୍ୟା, ନିବେଶ, ନବସୃଜନ, ସ୍ଥାୟୀତ୍ୱ, ପ୍ରତିରକ୍ଷା, ସୁରକ୍ଷା ଏବଂ ଯୋଗାଣ ଶୃଙ୍ଖଳା ସ୍ଥିରତା ସମେତ ପ୍ରମୁଖ କ୍ଷେତ୍ରଗୁଡ଼ିକରେ ପ୍ରଗତିକୁ ସ୍ୱାଗତ କରିଥିଲେ। ସେମାନେ ଭାରତ-ୟୁରୋପୀୟ ସଂଘ ମୁକ୍ତ ବାଣିଜ୍ୟ ଚୁକ୍ତିନାମା (FTA) ର ଶୀଘ୍ର ସମାପ୍ତି ଏବଂ IMEEC କରିଡର କାର୍ଯ୍ୟକାରୀ କରିବା ପ୍ରତି ସେମାନଙ୍କର ପ୍ରତିବଦ୍ଧତାକୁ ପୁନଃଦୋହରାଇଛନ୍ତି।
ଏହି ଆଲୋଚନା ପରେ ଭନ୍ ଡେର୍ ଲେଏନ୍ ଗୁରୁତ୍ୱାରୋପ କରିଛନ୍ତି ଯେ ୟୁକ୍ରେନ୍ ଯୁଦ୍ଧ ବିଶ୍ୱ ସୁରକ୍ଷା ଏବଂ ଆର୍ଥିକ ସ୍ଥିରତା ପାଇଁ ସୁଦୂରପ୍ରସାରୀ ପରିଣାମ ଆଣିବ, ୟୁକ୍ରେନ୍ ରାଷ୍ଟ୍ରପତି ଭୋଲୋଡିମିର୍ ଜେଲେନ୍ସକିଙ୍କ ସହ ଭାରତର ଚାଲିଥିବା ସମ୍ପର୍କକୁ ସ୍ୱାଗତ କରିଛନ୍ତି। ଏନେଇ ଏକ୍ସରେ ଲେଖିଛନ୍ତି, ରୁଷକୁ ଏହାର ଆକ୍ରମଣାତ୍ମକ ଯୁଦ୍ଧ ସମାପ୍ତ କରିବାରେ ଏବଂ ଶାନ୍ତି ପାଇଁ ଏକ ପଥ ସୃଷ୍ଟି କରିବାରେ ଭାରତର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଏହି ଯୁଦ୍ଧ ବିଶ୍ୱ ସୁରକ୍ଷା ପରିଣାମ ବହନ କରେ ଏବଂ ଆର୍ଥିକ ସ୍ଥିରତାକୁ ଦୁର୍ବଳ କରେ। ତେଣୁ ଏହା ସମଗ୍ର ବିଶ୍ୱ ପାଇଁ ଏକ ବିପଦ।
ତେବେ ପ୍ରଧାନମନ୍ତ୍ରୀ ମୋଦୀ ଫୋନ୍ ଯୋଗେ ୟୁରୋପୀୟ ପରିଷଦ ଏବଂ ୟୁରୋପୀୟ କମିଶନଙ୍କ ସଭାପତିଙ୍କ ସହ ହୋଇଥିବା ଆଲୋଚନରେ ବାଣିଜ୍ୟ, ନିବେଶ ଏବଂ ପ୍ରତିରକ୍ଷା ସମେତ ଅନେକ ପ୍ରସଙ୍ଗ ଉପରେ ଆଲୋଚନା ହୋଇଥିଲା। ତିନି ନେତା ବାଣିଜ୍ୟ, ପ୍ରଯୁକ୍ତିବିଦ୍ୟା, ନିବେଶ, ନବସୃଜନ, ସ୍ଥିରତା, ପ୍ରତିରକ୍ଷା, ସୁରକ୍ଷା ଏବଂ ଯୋଗାଣ ଶୃଙ୍ଖଳା ସ୍ଥିରତା ଭଳି ପ୍ରମୁଖ କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କରେ ହୋଇଥିବା ପ୍ରଗତିକୁ ସ୍ୱାଗତ କରିଥିଲେ ଏବଂ ୟୁକ୍ରେନରେ ସଂଘର୍ଷ ସମାପ୍ତ କରିବା ପାଇଁ ପ୍ରୟାସ ଉପରେ ମତ ବିନିମୟ କରିଥିଲେ।
ଫେବୃଆରୀରେ EU କମିଶନର କଲେଜର ଐତିହାସିକ ଭାରତ ଗସ୍ତ ପରେ, ନେତାମାନେ ପାରସ୍ପରିକ ସୁବିଧା ଅନୁସାରେ ଭାରତରେ ପରବର୍ତ୍ତୀ ଭାରତ-ୟୁରୋପୀୟ ସଂଘ ଶିଖର ସମ୍ମିଳନୀ ଯଥାଶୀଘ୍ର ଆୟୋଜନ କରିବା ବିଷୟରେ ଆଲୋଚନା କରିଥିଲେ। ପ୍ରଧାନମନ୍ତ୍ରୀ ମୋଦି ଏଥିପାଇଁ ଉଭୟ ନେତାଙ୍କୁ ଭାରତକୁ ଆମନ୍ତ୍ରଣ କରିଥିଲେ। ନେତାମାନେ ୟୁକ୍ରେନରେ ସଂଘର୍ଷ ସମାପ୍ତ କରିବା ପାଇଁ ପ୍ରୟାସ ସମେତ ପାରସ୍ପରିକ ସ୍ୱାର୍ଥର ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଥିଲେ। ପ୍ରଧାନମନ୍ତ୍ରୀ ମୋଦି ସଂଘର୍ଷର ଶାନ୍ତିପୂର୍ଣ୍ଣ ସମାଧାନ ଏବଂ ଶାନ୍ତି ଏବଂ ସ୍ଥିରତାର ଶୀଘ୍ର ପୁନଃସ୍ଥାପନ ପାଇଁ ଭାରତର ନିରନ୍ତର ସମର୍ଥନକୁ ଦୋହରାଇଥିଲେ। ପ୍ରଧାନମନ୍ତ୍ରୀ ମୋଦି ଏବଂ ୟୁରୋପୀୟ ସଂଘର ନେତାମାନେ ଏହି ସମୟ ମଧ୍ୟରେ ଯୋଗାଯୋଗରେ ରହିବାକୁ ରାଜି ହୋଇଥିଲେ।