ବରଗଡ଼ : ବରଗଡ଼ ସହର ସ୍ଥିତ ଗୁରୁଦ୍ୱାରା ଛକ ଠାରେ ମର୍ମନ୍ତୁଦ ସଡକ ଦୁର୍ଘଟଣା । ଦୁଇ ଛୁଆଙ୍କ ଆଖି ସାମ୍ନାରେ ଚାଲିଗଲା ମାଁ-ବାପାଙ୍କ ଜୀବନ । ଏଭଳି ହୃଦୟ ବିଦାରକ ଦୃଶ୍ୟ ସାମ୍ନାକୁ ଆସିଛି ବରଗଡ଼ ସହର ସ୍ଥିତ ଗୁରୁଦ୍ୱାରା ଛକ ଠାରେ । ସ୍କୁଟି ଉପରେ ମାଡିଗଲା ହାଇୱା ଗାଡି । ଦୁର୍ଘଟଣା ସ୍ଥଳରେ ପତି – ପତ୍ନୀ ମୃତ । ୨ ଛୁଆ ଗୁରୁତର ।
ସୂଚନା ଅନୁସାରେ, ସ୍କୁଟିକୁ ପଛପଟୁ ହାଇୱା ଗାଡି ଚଢି ଯାଇଥିବା ପ୍ରତ୍ୟେକ୍ଷଦର୍ଶୀ କହିଛନ୍ତି । OD 17 A C 2894 ନମ୍ବରର ଏକ ହାଇୱା ଗୁରଦ୍ୱାରା ଛକ ଆଡୁ ଆସି OD 17 A F 1757 ର ଏକ ସ୍କୁଟିକୁ ପଛପଟୁ ଧକ୍କା ଦେଇ ଦଳି ଦେଇଥିଲା ଫଳରେ ଘଟଣା ସ୍ଥଳରେ ସ୍କୁଟିରେ ଥିବା ସ୍ୱାମୀ ସ୍ତ୍ରୀଙ୍କ ମୃତ୍ୟୁ ଘଟିଛି । ମୃତ ଦମ୍ପତି ହେଲେ ଅମ୍ବାଭୋନାର କୁନ୍ତଳା ଡୁଙ୍ଗୁରି ଓ ହରେକୃଷ୍ଣ ଡୁଙ୍ଗୁରି । ହାଇୱା ଡ୍ରାଇଭର ଗାଡି ଭିତରେ ରହିଥିବା ବେଳେ ପୋଲିସ ଉପସ୍ଥିତ ରହିଛି । ଦୁର୍ଘଟଣା ସ୍ଥଳରେ ଚାପା ଉତ୍ତେଜନା ଲାଗି ରହିଛି । ବରଗଡ଼ ପୋଲିସ ପହଞ୍ଚିଛି ଏହି ଅଘଟଣର ତଦନ୍ତ କରୁଛି ।