ଭଦ୍ରକ : ନାତୁଣୀକୁ ବିକିଦେଲେ ପୁଅ ବୋହୂ । ଏଭଳି ସାଙ୍ଘାତିକ ଅଭିଯୋଗ ଆଣିଛନ୍ତି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ବୟାବନାପୁର ଗାଁର ସାବିତ୍ରୀ ଦାସ । ତାଙ୍କର ଏକ ମାସର ନାତୁଣୀକୁ ପୁଅ ସିପୁ ଦାସ ଓ ବୋହୂ ମିଳିମିଶି ଗତକାଲି କାଳେ କେଉଁ ଆଡକୁ ନେଇ ଯାଇଥିଲେ । ନାତୁଣୀକୁ ନ ନେଇ ଫେରିବାରୁ ସନ୍ଦେହ କରିଥିଲେ ସାବିତ୍ରୀ । ନାତୁଣୀକୁ କୁଆଡ଼ା ଗଲା ନେଇ ପଚାରିବାରୁ ପୁଅ ବୋହୂ ଝଗଡ଼ା କରିଥିଲେ । ତେବେ ନାତୁଣୀକୁ ନେଇ କେଉଁ ଆଡେ ବିକ୍ରି କରିଛନ୍ତି ନହେଲେ ହତ୍ୟା କରିଥିବା ସନ୍ଦେହ କରି ଥାନାରେ ଅଭିଯୋଗ କରିଛନ୍ତି ଜେଜେମାଆ ସାବିତ୍ରୀ ଦାସ । ଅଭିଯୋଗ ପରେ ପୁଅ ଓ ବୋହୂକୁ ଅଟକ ରଖି ପଚରା ଉଚରା କରୁଛି ଭଣ୍ଡାରିପୋଖରୀ ପୋଲିସ ।