ଭୁବନେଶ୍ୱର : ଭଙ୍ଗା ଯିବନି ବର୍ତ୍ତମାନର ବିଧାନସଭା । ସନ୍ତକ ହିସାବରେ ବିଧାନସଭାକୁ ରଖାଯିବ । ମ୍ୟୁଜିୟମ ଭାବେ ବ୍ୟବହାର କରାଯିବ । ଭବିଷ୍ୟତରେ ଯଦି ବିଧାନ ପରିଷଦ ଗଠନ ହୁଏ ଏହାକୁ ବ୍ୟବହାର କରାଯିବ । ଲୋକସେବା ଭବନ ଓ ବିଧାନସଭା ମଝିରେ ଥିବା ଖାଲି ସ୍ଥାନରେ ନିର୍ମାଣ ହେବ ୩୦୦ ଆସନ ବିଶିଷ୍ଟ ନୂତନ ବିଧାନସଭା ।
ସେପଟେ ନ’ତାଲା, ସେଚ ସଦନ ଓ ରାଜୀବ ଭବନ ଭଙ୍ଗାଯିବ । ଏସବୁ କୋଠାଗୁଡିକ ବିପଦ ସଂକୁଳ ବୋଲି ଘୋଷଣା ହୋଇସାରିଛି । ଏହା ସହ ତିନୋଟି ପର୍ଯ୍ଯାୟରେ ନୂତନ ଲୋକସେବା ଭବନ ନିର୍ମାଣ ହେବ । ପ୍ରଥମ ପର୍ଯ୍ଯାୟରେ ଲୋକସେବା ଭବନର ମୁଖ୍ୟ ଅଫିସ ତିଆରି ହେବ । ପାୱାର ହାଉସ ଛକ ନିକଟରେ ADM ଅଫିସ ଓ OSEPA ଅଫିସ ପାଖରେ ନୂତନ ଲୋକସେବା ଭବନ ହେବ ବୋଲି କହିଛନ୍ତି ପୂର୍ତ୍ତମନ୍ତ୍ରୀ ପୃଥ୍ବୀରାଜ ହରିଚନ୍ଦନ ।