• ଓଡ଼ିଶାର ସୌର ଶକ୍ତି କ୍ଷେତ୍ରରେ ଅଗ୍ରଣୀ ଭାବେ ଉଭା ହେଲା ଗଞ୍ଜାମ
• ଆଠଟି ଜିଲ୍ଲାରେ ମୋଟ ୨୫,୨୭୭ଟି ସୌର ସ୍ଥାପନା
• ଦକ୍ଷିଣ ଓଡ଼ିଶାରେ ସ୍ୱଚ୍ଛ ଶକ୍ତି ରୂପାନ୍ତରଣକୁ ମିଳୁଛି ଅଧିକ ଗତି
• ଛାତ ଉପରେ ସୌର ଶକ୍ତି ବ୍ୟବହାର ପ୍ରତି ଲୋକଙ୍କ ଆଗ୍ରହରେ ଦ୍ରୁତ ବୃଦ୍ଧି
ବ୍ରହ୍ମପୁର, ଅଗଷ୍ଟ ୨୦୨୬: ଛାତ ଉପରେ ସୌର ଶକ୍ତି ସ୍ଥାପନା କ୍ଷେତ୍ରରେ ଗଞ୍ଜାମ ଜିଲ୍ଲା ଓଡ଼ିଶାର ଅଗ୍ରଣୀ ଜିଲ୍ଲା ଭାବେ ଉଭା ହୋଇଛି। ଜିଲ୍ଲାରେ ୧୬,୪୧୮ଟି ସୌର ସ୍ଥାପନା ହୋଇଥିବା ବେଳେ ଏହା ରାଜ୍ୟରେ ସର୍ବାଧିକ। ଏହି ସଫଳତା ଦକ୍ଷିଣ ଓଡ଼ିଶାର ଏହି ଜିଲ୍ଲାକୁ ସ୍ୱଚ୍ଛ ଓ ଅକ୍ଷୟ ଶକ୍ତି ଆଡ଼କୁ ଓଡ଼ିଶାର କ୍ରମବବର୍ଦ୍ଧିଷ୍ଣ ରୂପାନ୍ତରଣରେ ଅଗ୍ରଭାଗରେ ସ୍ଥାନିତ କରିଛି। ଏହି ସଫଳତା ଘରୋଇ ଉପଭୋକ୍ତାଙ୍କ ମଧ୍ୟରେ ସୌର ଶକ୍ତିର ବଢୁଥିବା ଗ୍ରହଣୀୟତା ଏବଂ ସ୍ଥାୟୀ ଶକ୍ତି ଉତ୍ପାଦନ ଦିଗରେ ବଢୁଥିବା ଆଗ୍ରହକୁ ପ୍ରତିଫଳିତ କରୁଛି।
ରାଜ୍ୟସ୍ତରୀୟ ତଥ୍ୟରୁ ଓଡ଼ିଶାରେ ଛାତ ଉପରେ ସୌର ଶକ୍ତି ସ୍ଥାପନା ପ୍ରତି ବଢୁଥିବା ଆଗ୍ରହର ଏକ ସ୍ପଷ୍ଟ ଚିତ୍ର ମିଳୁଛି। ସ୍ଥାପନା ସଂଖ୍ୟାରେ ବାଲେଶ୍ୱର ଦ୍ୱିତୀୟ ସ୍ଥାନରେ ଥିବାବେଳେ ଏହା ପରେ ଖୋର୍ଦ୍ଧା ଓ କଟକ ରହିଛନ୍ତି। ଏହି ଜିଲ୍ଲାଗୁଡ଼ିକର ସଫଳତା ଉଭୟ ସହରାଞ୍ଚଳ ଓ ଗ୍ରାମାଞ୍ଚଳରେ ଛାତ ଉପରେ ସୌର ଶକ୍ତିର ବିସ୍ତାରକୁ ପ୍ରତିଫଳିତ କରୁଥିବାବେଳେ, ସ୍ଥାପନା ସଂଖ୍ୟାରେ ଗଞ୍ଜାମ ରାଜ୍ୟରେ ଶୀର୍ଷସ୍ଥାନ ଅଧିକାର କରିଛି।
ଦକ୍ଷିଣ ଓଡ଼ିଶା ପାଇଁ ଗଞ୍ଜାମର ଏହି ସଫଳତା ବିଶେଷ ଗୁରୁତ୍ୱ ବହନ କରୁଛି। ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ (ଟିପିଏସ୍ଓଡିଏଲ୍) ଅଧୀନରେ ଥିବା ଆଠଟି ଜିଲ୍ଲା ମଧ୍ୟରେ ଗଞ୍ଜାମ ଅଗ୍ରଣୀ ହୋଇଛି। ଗଞ୍ଜାମ, ଗଜପତି, କନ୍ଧମାଳ, ରାୟଗଡ଼ା, ନବରଙ୍ଗପୁର, ମାଲକାନଗିରି, କୋରାପୁଟ ଓ ବୌଦ୍ଧ—ଏହି ଆଠଟି ଜିଲ୍ଲାରେ ମିଳିତ ଭାବେ ୨୫,୨୭୭ଟି ଛାତ ଉପରିସ୍ଥ ସୌର ସ୍ଥାପନା ହୋଇଛି।
ଏହି ଗ୍ରହଣୀୟତା ପଛରେ ପିଏମ୍ ସୂର୍ଯ୍ୟ ଘର: ମୁଫ୍ତ ବିଜଲି ଯୋଜନାର ପ୍ରମୁଖ ଭୂମିକା ରହିଛି। ସରକାରୀ ସହାୟତା ମାଧ୍ୟମରେ ଏହି ଯୋଜନା ଘରୋଇ ଉପଭୋକ୍ତାଙ୍କୁ ଛାତ ଉପରେ ସୌର ଶକ୍ତି ବ୍ୟବସ୍ଥା ସ୍ଥାପନ କରିବାରେ ସକ୍ଷମ କରୁଛି। ଟିପିଏସ୍ଓଡିଏଲ୍ ମଧ୍ୟ ଉପଭୋକ୍ତା ସଚେତନତା, ତୃଣମୂଳସ୍ତରୀୟ ପହଞ୍ଚିଛି ଏବଂ ୟୁଟିଲିଟି-ଲେଡ୍ ଏଗ୍ରିଗେସନ୍ (ୟୁଏଲଏ) ମଡେଲ୍ ମାଧ୍ୟମରେ ଏହି ପଦକ୍ଷେପକୁ ସମର୍ଥନ କରିବା ସହ ଏହାର କାର୍ଯ୍ୟକ୍ଷେତ୍ରଭୁକ୍ତ ଜିଲ୍ଲାଗୁଡ଼ିକରେ ଛାତ ଉପରେ ସୌର ଶକ୍ତିର ସୁବିଧାକୁ ଅଧିକ ସହଜ ଓ ବ୍ୟାପକ କରୁଛି।
ଘରଗୁଡ଼ିକର ଛାତ ଉପରେ ବଢ଼ୁଥିବା ସୌର ପ୍ୟାନେଲ୍ର ଉପସ୍ଥିତି ଧୀରେ ଧୀରେ ଲୋକଙ୍କ ବିଦ୍ୟୁତ ବ୍ୟବହାର ଓ ଦୃଷ୍ଟିଭଙ୍ଗୀରେ ପରିବର୍ତ୍ତନ ଆଣୁଛି। ଉପଭୋକ୍ତାମାନେ ଏବେ ସ୍ୱଚ୍ଛ ଶକ୍ତି ଉତ୍ପାଦନରେ ନିଜକୁ ମଧ୍ୟ ଅଂଶୀଦାର ଭାବେ ଦେଖୁଛନ୍ତି। ସୂର୍ଯ୍ୟକିରଣର ଉପଯୋଗ କରି ସେମାନେ ନିଜର ବିଦ୍ୟୁତ ଆବଶ୍ୟକତାର ଏକ ଅଂଶ ପୂରଣ କରିବା ସହ ଅଧିକ ସବୁଜ ଓ ପରିବେଶ ଅନୁକୂଳ ଶକ୍ତି ମିଶ୍ରଣରେ ମଧ୍ୟ ଅବଦାନ ରଖୁଛନ୍ତି।
ଏହି ସଫଳତା ସମ୍ପର୍କରେ ମତବ୍ୟକ୍ତ କରି ଟିପିଏସ୍ଓଡିଏଲ୍ ର ସିଇଓ ଶ୍ରୀ ଅମିତ କୁମାର ଗର୍ଗ କହିଛନ୍ତି, “ଛାତ ଉପରେ ସୌର ଶକ୍ତି ବ୍ୟବହାରରେ ଗଞ୍ଜାମ ଓଡ଼ିଶାର ଅଗ୍ରଣୀ ଜିଲ୍ଲା ଭାବେ ଉଭା ହେବା ରାଜ୍ୟର ସ୍ୱଚ୍ଛ ଶକ୍ତି ଯାତ୍ରାରେ ଏକ ଉଲ୍ଲେଖନୀୟ ମାଇଲଖୁଣ୍ଟ। ଏହି ସଫଳତା ସୌର ଶକ୍ତି ପ୍ରତି ଉପଭୋକ୍ତାଙ୍କ ବଢ଼ୁଥିବା ବିଶ୍ୱାସ ଏବଂ ପ୍ରଶାସନ, ସମୁଦାୟ ଓ ସମସ୍ତ ଅଂଶୀଦାରଙ୍କ ସମୂହ ପ୍ରୟାସକୁ ପ୍ରତିଫଳିତ କରୁଛି। ଛାତ ଉପରେ ସୌର ଶକ୍ତିର ସଚେତନତା ଓ ଗ୍ରହଣୀୟତା ବଢ଼ାଇବାରେ ଗଞ୍ଜାମ ଜିଲ୍ଲା ପ୍ରଶାସନ ସମେତ ଆମର ସମସ୍ତ କାର୍ଯ୍ୟକ୍ଷେତ୍ରଭୁକ୍ତ ଜିଲ୍ଲାର ପ୍ରଶାସନ ପକ୍ଷରୁ ମିଳିଥିବା ସକ୍ରିୟ ସହଯୋଗ ଓ ସମର୍ଥନ ପାଇଁ ଆମେ ଗଭୀର କୃତଜ୍ଞ। ଏହି ଗତିକୁ ଆହୁରି ଆଗକୁ ନେବା ସହ ଦକ୍ଷିଣ ଓଡ଼ିଶାରେ ଅଧିକରୁ ଅଧିକ ପରିବାରକୁ ସ୍ୱଚ୍ଛ, ସ୍ଥାୟୀ ଏବଂ ଶକ୍ତି ସୁରକ୍ଷିତ ସମାଧାନ ଆପଣାଇବା ପାଇଁ ସକ୍ଷମ କରିବା ଦିଗରେ ଟିପିଏସ୍ଓଡିଏଲ୍ ସମସ୍ତ ଅଂଶୀଦାରଙ୍କ ସହ ଘନିଷ୍ଠ ଭାବେ କାର୍ଯ୍ୟ କରିବାକୁ ପ୍ରତିବଦ୍ଧ।”
ଛାତ ଉପରେ ସୌର ଶକ୍ତି ଗ୍ରହଣକୁ ଉତ୍ସାହିତ କରିବା ପାଇଁ ଟିପିଏସ୍ଓଡିଏଲ୍ ପକ୍ଷରୁ ଘରକୁ ଘର ସଚେତନତା ଅଭିଯାନ, ଗ୍ରାମ ପଞ୍ଚାୟତ ସହ ଯୋଗାଯୋଗ, ଉପଭୋକ୍ତା ସଚେତନତା କାର୍ଯ୍ୟକ୍ରମ ଏବଂ ବିଭିନ୍ନ ଅଂଶୀଦାରଙ୍କ ସହ ଆଲୋଚନା ଭଳି ପଦକ୍ଷେପ ନିରନ୍ତର ଭାବେ ଗ୍ରହଣ କରାଯାଉଛି। ସରକାରଙ୍କ ସମର୍ଥିତ ସୌର ଯୋଜନାଗୁଡ଼ିକର ସୁଫଳ ପାଇବାରେ ଉପଭୋକ୍ତାଙ୍କୁ ସହଯୋଗ କରିବା ସହ ଦକ୍ଷିଣ ଓଡ଼ିଶାର ଅକ୍ଷୟ ଶକ୍ତି ଯାତ୍ରାରେ ଅବଦାନକୁ ଆହୁରି ତ୍ୱରାନ୍ୱିତ କରିବା ପାଇଁ ଟିପିଏସ୍ଓଡିଏଲ୍ ପ୍ରତିବଦ୍ଧ।
