
ଫୁଲବାଣୀ : ରାଷ୍ଟ୍ରପତି ପ୍ରାର୍ଥୀ ଭାବେ ପ୍ରତିଦ୍ବନ୍ଦିତା କରୁଥିବା ଓଡିଶା ମାଟିର ଝିଅ ଦ୍ରୌପଦୀ ମୁର୍ମୁଙ୍କ ବିଜୟୀରେ କନ୍ଧମାଳ ବିଜେଡି ଖୁସି ବ୍ୟକ୍ତ କରିବାସହ ଅଭିନନ୍ଦନ ଜଣାଇଛନ୍ତି । ଏଥି ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।ଆଜି ସନ୍ଧ୍ୟାରେ ଜିଲା ବିଜେଡି ସଭାପତି ସରୋଜ କର୍ଣ୍ଣଙ୍କ ନେତୃତ୍ବରେ ମହିଳା ମୋର୍ଚା ସଭାନେତ୍ରୀ ପୁନମ କହଁର, ନଗର ସଭାପତି ପ୍ରାର୍ଥ ବିଶ୍ବାଳ, ବିଜେଡି ନେତା ଜଳନ୍ଧର ବେହେରା,ସୁଧୀର କଁହର, ଦାରୁଣ ବେହେରା, ମହିଳା ନେତ୍ରୀ ଗୀତାଞ୍ଜଳି ବେହେରା, କାଉନସିଲର ରାଜେନ୍ଦ୍ର ପାଢ଼ୀଙ୍କ ସମେତ ବହୁ ବିଜେଡି ନେତା ଓ କର୍ମୀ ଉପସ୍ଥିତ ଥିଲେ |ସେହିପରି ରାଷ୍ଟ୍ରପତି ଭାବେ ବିଜୟୀ ହୋଇଥବା ଦ୍ରୌପଦୀ ମୁର୍ମୁଙ୍କ ବିଜୟରେ ଜିଲ୍ଲା ବିଜେପି କର୍ମକର୍ତ୍ତାଙ୍କ ମଧ୍ଯରେ ଖୁସିର ଲହରୀ ଖେଳି ଯାଇଥିଲା । ବିଜେପି ଜିଲା ସଭାପତି ଜଗନାଥ ସାହୁ, ମହିଳା ମୋର୍ଚା ସଭାନେତ୍ରୀ ତଥା ପୌରାଧ୍ୟକ୍ଷା ସ୍ମିତାରାଣୀ ମହାନ୍ତି, ଜିଲ୍ଲା ଉପ ସଭାପତି ରମେଶ ଚନ୍ଦ୍ର ମହାନ୍ତି, ଭଗବାନ ମହାନ୍ତି, ବିଜେପି ନେତା କମଳା କାନ୍ତ ପାଣ୍ଡେ ପ୍ରମୁଖ ଅଭିନନ୍ଦନ ଜଣାଇଛନ୍ତି।