ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଜନ ଜୀବନ ଅସ୍ତବ୍ୟସ୍ତ ହୋଇ ପଡିଛି, ଆଜି ସକାଳୁ ଜାରି ରହିଥିବା ପ୍ରବଳ ବର୍ଷା ଯୋଗୁଁ ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସଦର ମହକୁମା ର ଟୁରି ନଦୀ ଫୁଲି ଉଠିଛି , ଟୁରି ନଦୀ ଉପରେ ପ୍ରବାହିତ ହେଉଛି ଦୁଇ ଫୁଟ ଉଚ୍ଚତା ର ପାଣି , ଯାହାଫଳରେ ନବରଙ୍ଗପୁର ଉମରକୋଟ ଏବଂ ନବରଙ୍ଗପୁର ଠାରୁ ରାୟପୁର କୁ ଯୋଗଯୋଗ ସମ୍ପୂର୍ଣ୍ଣ ଭାବେ ଠପ୍ ହେଇ ପଡିଛି, ନବରଙ୍ଗପୁର ଜିଲ୍ଲା ସହ ଉମରକୋଟ ଏବଂ ପୋଡ଼ସି ଛତିଶଗଡ଼ ରାଜ୍ୟ ର ରାୟପୁର କୁ ସଂଯୋଗ କରୁଥିବା ଇଏ ହଉଚି ମୁଖ୍ୟ ରାସ୍ତା , ରାସ୍ତା ଉପରେ ଦେଇ ପୁରି ନଦୀ ର ପାଣି ଚାଲୁଥିବାରୁ ଜାତାୟତ ଓ ଜାନ ବାହାନ ଚଳାଚଳ ରେ ବ୍ୟାଘାତ ଘୋଟି ରାସ୍ତା ର ଉଭୟ ପାର୍ଶ୍ଵ ରେ ଅଟକି ରହିଛି ଶହ ଶହ ଗାଡି । ଆସନ୍ତା କାଲି ଶ୍ରାବଣ ମାସ ର ଶେଷ ସୋମବାର ହେଇଥିବାରୁ,ବହୁ କାଉଡ଼ିଆ ମଧ୍ୟ ରାସ୍ତା ର ଉଭୟ ପାର୍ଶ୍ଵ ରେ ଅଟକି ରହିଛନ୍ତି ,ଲଘୁଚାପ ଯୋଗୁଁ ଆଗକୁ ବର୍ଷା ଅଧିକ ହେବାର ସମ୍ଭାବନା ରହିଥିବା ବେଳେ ଧୀରେ ଧୀରେ ଟୁରି ନଦୀ ର ଜଳସ୍ତର ମଧ୍ୟ ବଢିବାକୁ ଲାଗିଲାଣି।ଏମିତି ଲଗାଣ ବର୍ଷା ଜାରି ରହିଲେ ନଇ କୂଳରେ ବସତି କରିଥିବା ପରିବାରଙ୍କୁ ଅନେକ ସମସ୍ୟା ସମ୍ମୁଖୀନ ହେବା ଏଡାଇ ଦିଆ ଯାଇ ନପାରେ।