
ହିଞ୍ଜିଳିକାଟୁ ୬।୪ : ହିଞ୍ଜିଳିକାଟୁ ବ୍ଳକ ଅନ୍ତର୍ଗତ କଚୁଂରୁ ସରକାରୀ ଉଚ୍ଚ ବିଦ୍ୟାଳୟରେ ଯୁକ୍ତ ଦୁଇ କଳା ଖୋଲିବା ନେଇ ସରକାରଙ୍କ ପକ୍ଷରୁ ସ୍ଵୀକୃତି ଲାଭ କରିଛି। ଏ ନେଇ ଗୁରୁବାର ସ୍କୁଲ ପରିସର ମଧ୍ୟରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ହାଇସ୍କୁଲରେ ଆରମ୍ଭ ହେବ ଯୁକ୍ତ ଦୁଇ ପାଠ୍ୟକ୍ରମ । ଛାତ୍ରଛାତ୍ରୀମାନେ ନବମରୁ ଦ୍ୱାଦଶ ଯାଏ ଗୋଟିଏ ସ୍କୁଲରେ ପଢ଼ିବେ ।ଏନେଇ ହିଞ୍ଜିଳିକାଟୁ ବ୍ଳକ କଞ୍ଚୁରୁ ସରକାରୀ ଉଚ୍ଚ ବିଦ୍ୟାଳୟରେ ଵିଦ୍ୟାଳୟର ପ୍ରଧାନଶିକ୍ଷୟତ୍ରୀ ଏଲ ଗୌରୀଆଚାରୀଙ୍କ ଅଧ୍ୟକ୍ଷତା ରେ ଆୟୋଜିତ କାର୍ଯ୍ୟକ୍ରମରେ ହିଞ୍ଜିଳିକାଟୁ ଗୋଷ୍ଟି ଶିକ୍ଷାଧିକାରୀ ଏସ ଗିରିଧର, ଵିଦ୍ୟାଳୟର ପରିଚାଳନା ସଭାପତି ଜୟସେନ ମହାନ୍ତି, କଞ୍ଚୁରୁ ପଞ୍ଚାୟତ ସରପଞ୍ଚ ମଦନ ମୋହନ ସେଠୀ, ମହନ୍ତ ହରିହର ଦାସ ଙ୍କ ସମେତ ଆଖ ପାଖ ଅଞ୍ଚଳର ସମସ୍ତ ଵିଦ୍ୟାଳୟର ପ୍ରଧାନ ଶିକ୍ଷକ, ଶିକ୍ଷୟତ୍ରୀ ଓ ଅଭିଭାବକ ମାନେ ଉପସ୍ଥିତ ରହି ଖୁସି ଵ୍ୟକ୍ତ କରିବା ସହ ସଚେତନତା ସୃଷ୍ଟି କରିବା ପାଇଁ ଗୁରୁତ୍ୱାରୋପ କରିଛନ୍ତି।