“ସ୍ତ୍ରୀ ସରପଞ୍ଚ ସ୍ବାମୀ ଆତ୍ମଘୋଷିତ ପ୍ରକ୍ସି ସରପଞ୍ଚ” ପଞ୍ଚାୟତ କାର୍ଯ୍ୟ ବୁଝିଲେ ଅଭିଯୋଗ ନେଇ ହେଵ ଫୌଜଦାରୀ କେସ୍…

ରାଜନଗର : ରାଜ୍ୟରେ ସରକାରଙ୍କ ପଞ୍ଚାୟତ ରାଜ ବିଭାଗର ନିଷ୍ପତି ଅନୁଯାୟୀ ପଞ୍ଚାୟତ ନିର୍ବାଚନରେ ମହିଳାଙ୍କ ପାଇଁ ୫୦ ପ୍ରତିଶତ ସଂରକ୍ଷଣ ରହିଛି ।ତୃଣମୂଳ ସ୍ତରରେ ମହିଳାଙ୍କ ନେତୃତ୍ୱ ଓ ଭାଗିଦାରୀ ଵୃଦ୍ଧି କରିଵା ପାଇଁ ଏପରି ବ୍ୟବସ୍ଥା ହୋଇଛି। କିନ୍ତୁ ପ୍ରକ୍ସି ସରପଞ୍ଚ ପରମ୍ପରା ଏହି ଉଦ୍ଦେଶ୍ୟରେ ବାଧା ସୃଷ୍ଟି କରି ପଞ୍ଚାୟତର ଲୋକମାନଙ୍କର ଅବନ୍ନତି ଘଟୁଛି। ଏପରି ଏକ ଅଭିଯୋଗ ହୋଇଛି କେନ୍ଦ୍ରାପଡା ଜିଲ୍ଲା ରାଜନଗର ପଞ୍ଚାୟତ ସମିତି ଅଧିନସ୍ଥ କେତେକ ପଞ୍ଚାୟତର ନିର୍ବାଚିତ ମହିଳା ସରପଞ୍ଚଙ୍କ ସ୍ଵାମି ପ୍ରକ୍ସି ସରପଞ୍ଚ ହୋଇ ପଞ୍ଚାୟତର ସର୍ବେସର୍ବା ହୋଇ ସଵୁକିଛି ସମ୍ଭାଳି ଅଧୀକାରୀଙ୍କ ପ୍ରିୟପାତ୍ର ପାଲଟି ଥିବା ଵିଭିନ୍ନ ପଞ୍ଚାୟତ ବାସୀ ଅଭିଯୋଗ କରିଛନ୍ତି।ଏହି ବ୍ଲକ ଅଧିନରେ ଯେଉଁ ପଞ୍ଚାୟତରେ ସ୍ତ୍ରୀ ସରପଞ୍ଚ ଭାବେ ନିର୍ବାଚିତ ହୋଇଛନ୍ତି, ସେଠାରେ ସ୍ବାମି ପ୍ରକ୍ସି ସରପଞ୍ଚ ହୋଇ ପଞ୍ଚାୟତର ସର୍ବେସର୍ବା ପାଲଟିଛନ୍ତି। ତାଙ୍କ ବିନା ଇଶାରାରେ ପଞ୍ଚାୟତର କୌଣସି କାର୍ଯ୍ୟାନୁଷ୍ଟାନ ଗ୍ରହଣ କରାଯାଏ ନାହିଁ, ଏପରିକି ସ୍ତ୍ରୀ କେବଳ ଗ୍ରାମ ପଞ୍ଚାୟତ ମିଟିଂକୁ ଯାଇ ସଭାରେ ମୁକ ହୋଇ ବସିଥିଲେ ମଧ୍ୟ ଉପସ୍ଥିତ ଥିବା ସ୍ବାମି ପ୍ରକ୍ସି ସରପଞ୍ଚ ଭାଵେ ସେହି ସଭାର ସମସ୍ତ ନିଷ୍ପତି ନିଅନ୍ତି, ସେଥିପାଇଁ ପ୍ରକ୍ସି ସରପଞ୍ଚଙ୍କ ପାଇଁ ପଞ୍ଚାୟତ ଅଫିସରେ ଗୋଟେ ଚେୟାର ଉଦ୍ଦିଷ୍ଟ ହୋଇ ରହିଥାଏ, ସ୍ତ୍ରୀ ସରପଞ୍ଚଙ୍କ ବଦଳରେ ନିୟମିତ ସ୍ବାମି ଓ ପିଇଓ ଅଫିସ୍ କୁ ଆସି ସଵୁକିଛି ବୁଝିବା ସହ ନିଜେ ମଧ୍ୟ ପଞ୍ଚାୟତର ମିଛସତ ବିଲ ସାଙ୍ଗକୁ ରାସ୍ତା ଡ୍ରେନ ଆଦି ନିର୍ମାଣ କରିବାକୁ ପଛଘୁଞ୍ଚା ଦିଅନ୍ତି ନାହିଁ। ଏହି ପରି ଛାୟା ସରପଞ୍ଚଙ୍କୁ ଵିଡିଓ, ଜିପିଓ, ଜେଇ ଓ ଅନ୍ୟାନ୍ୟ ଅଧିକାରୀମାନେ ସରପଞ୍ଚଙ୍କ ପ୍ରତିନିଧି ବୋଲି ନୂଆ ପଦ ସୃଷ୍ଟି କରି ସମ୍ଵୋଧନ କରିବାକୁ ପଛାଉନଥିବା ବେଳେ ବିଭିନ୍ନ ସରକାରୀ ସଭାସମିତିରେ ମଧ୍ୟ ପ୍ରକ୍ସି ସରପଞ୍ଚ ଭାଵେ ଵସିଥିବା ଦେଖିବାକୁ ମିଳିଛି। ହେଲେ ଆଉ ସରପଞ୍ଚଙ୍କ ସ୍ବାମି ଛାୟା ସରପଞ୍ଚ ହୋଇ ପଞ୍ଚାୟତରେ ସ୍ତ୍ରୀ ଵଦଳରେ ସ୍ଵାମୀର ରାଜ ନକରିବାକୁ ମାନ୍ୟବର ଉଚ୍ଚ ନ୍ୟାୟାଳୟ କଡା ନିର୍ଦେଶ ଦେଇଛନ୍ତି ପଞ୍ଚାୟତ ରାଜ ବିଭାଗକୁ। ହାଇକୋର୍ଟଙ୍କ ନିର୍ଦ୍ଦେଶ ପ୍ରକାରେ ଯଦି ସରପଞ୍ଚଙ୍କ ସ୍ବାମି ପ୍ରକ୍ସି ସରପଞ୍ଚ ହୋଇ ପଞ୍ଚାୟତରେ କୌଣସି କାର୍ଯ୍ୟରେ ହସ୍ତକ୍ଷେପ କରେ ସେନେଇ ଲୋକମାନଙ୍କର ଅଭିଯୋଗ ହୁଏ ତୁରନ୍ତ ସରପଞ୍ଚଙ୍କ ସ୍ବାମିଙ୍କ ନାମରେ ଫୌଜଦାରୀ ମକଦ୍ଦମା କରିବାକୁ ଉଚ୍ଚନ୍ୟାୟାଳୟ ପଞ୍ଚାୟତ ରାଜକୁ ନିର୍ଦ୍ଦେଶ ଦେଇଛନ୍ତି। ଯଦି ଅଭିଯୋଗ ପ୍ରମାଣିତ ହୁଏ ତେଵେ ସ୍ତ୍ରୀ ସରପଞ୍ଚଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ରହିଛି। ଏପରିକି ଏହି ପ୍ରକ୍ସି ସରପଞ୍ଚ ମାନେ ପାଖରେ ସରପଞ୍ଚ ସିଲ ଧରି ବ୍ଲକ ଏବଂ ଅନ୍ୟାନ୍ୟ କାର୍ଯ୍ୟାଳୟରେ ପଞ୍ଚାୟତର ଵିଭିନ୍ନ କାର୍ଯ୍ୟ ନିଜେ ସିଲ ମାରି ଚଳାଇ ନିୟନ୍ତି। ଯଦି କିଛି ଆବଶ୍ୟକ ହୁଏ ତେଵେ ନିଜ ହସ୍ତାକ୍ଷରରେ ସ୍ତ୍ରୀ ନାମରେ ଦସ୍ତଖତ କରନ୍ତି। ଏହିପରି ଏକ ମାମଲାରେ ପ୍ରକ୍ସି ସରପଞ୍ଚଙ୍କ ଵିରୋଧରେ ଵିଚାର କରି କଡା ଆଭିମୁଖ୍ୟ ଦେଖାଇଛନ୍ତି ମାନ୍ୟଵର ହାଇକୋର୍ଟ। ଦେଖାଯାଉ ରାଜନଗର ବ୍ଲକରେ ସ୍ତ୍ରୀ ସରପଞ୍ଚଙ୍କ ଦେଖା ମିଳୁନଥିବା ବେଳେ ଛାୟା ସରପଞ୍ଚ ନିଜକୁ ଆତ୍ମଘୋଷିତ ସରପଞ୍ଚ କହି ଫଞ୍ଚାୟତ ସମ୍ଭାଳୁଥିଲେ ମଧ୍ୟ ଏବେ ପଞ୍ଚାୟତ ରାଜ ଵିଭାଗ ଏହି ବ୍ଲକରେ କି ପଦକ୍ଷେପ ଗ୍ରହଣ କରୁଛି ଚାତକ ପରି ବିଚାରକୁ ଚାହିଁବସିଛନ୍ତି ଅଞ୍ଚଳର ଜନସାଧାରଣ।