ମାଲକାନଗିରି: ଘରେ ପଶି ମହିଳାଙ୍କୁ ମଦ ପିଆଇ ଦୁଷ୍କର୍ମ ପରେ ହତ୍ୟା ଅଭିଯୋଗ । ମାଲକାନଗିରି ଜିଲ୍ଲା କାଲିମେଳା ଥାନା ଅଞ୍ଚଳରେ ଏଭଳି ଏକ ଅଭାବନୀୟ ଘଟଣା ଘଟିଛି । ଏହି ଘଟଣାରେ ପୁଲିସ୍ ଅଭିଯୁକ୍ତ ପୁଲିମେଟଲା ଗ୍ରାମର ଭିମା ପଡ଼ିଆମିଙ୍କୁ ଅଟକ ରଖିଛି । ମହିଳାଜଣକ ଘରେ ଏକୁଟିଆ ଥିବାର ସୁଯୋଗ ନେଇ ବୁଧବାର ଦିନରେ ଭିମା ପଡ଼ିଆମି ତାଙ୍କ ଘରେ ପଶି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ତେବେ ଆଜି ଏହି ଘଟଣା ପଦାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ମିଳିଥିବା ସୂଚନା ଅନୁଯାୟୀ ପୁଲିମେଟଲା ଗ୍ରାମର ଭିମା ପଡ଼ିଆମି ଓ ଗୁମୂକା ଗ୍ରାମର ସିଙ୍ଗେ ମାଡକାମି (୨୭) ଉଭୟ ମିଶି ଗତ କାଲି ସକାଳେ ପୁଲିମେଟଲା ଗ୍ରାମକୁ ଯାଇଥିଲେ ସେଠାରୁ ଫେରିବା ପରେ ସିଙ୍ଗେ ମାଡକାମିଙ୍କ ଘରେ ଉଭୟ ବସି ପ୍ରଚୁର ମଦ୍ୟପାନ କରିଥିଲେ । ତେବେ କିଛି ସମୟ ପରେ ତାଙ୍କ ଘର ନିକଟରେ ଥିବା ଭଉଣୀ ସିଙ୍ଗେଙ୍କୁ ଉଲଗ୍ନ ଅବସ୍ଥାରେ ଘରେ ପଡିଥିବାର ଦେଖି ଗ୍ରାମବାସୀଙ୍କୁ ଖବର ଦେଇଥିଲେ । ପରେ ଗ୍ରାମବାସୀ ଆସି ଦେଖିବାରୁ ସିଙ୍ଗେଙ୍କ ମୃତ ଦେହ ଉଲଗ୍ନ ଅବସ୍ଥାରେ ପଡିଥିବାର ଦେଖି ପୋଲିସ୍ କୁ ଖବର ଦେବାସହ ,ଘର ଭିତରେ ନିଶା ଶକ୍ତ ଅବସ୍ଥାରେ ବସି ଥିବା ଭିମା ପଡ଼ିଆମିଙ୍କୁ ଗଛରେ ବାନ୍ଧି ନିସ୍ତୁକ ମାଡ ମାରିଥିଲେ । ଖବର ପାଇ ପୋଲିସ ପହଞ୍ଚି ଅଭିଯୁକ୍ତଙ୍କୁ ଉଦ୍ଧାର କରି କାଲିମେଳା ଥାନରେ ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି । ପ୍ରକାଶ ଥାଉ କି ଉକ୍ତ ମହିଳାଙ୍କର ଏକ ୧୦ବର୍ଷ ର ପୁଅ ଥିବା ବେଳେ ସ୍ବାମୀ ମାଳା ମାଡକାମି ଦାଦନ ଖଟିବାକୁ ଆନ୍ଦ୍ରକୁ ଯାଇଛି । ପୁଲିସ ତଦନ୍ତ ଆରମ୍ଭ କରିଥିଲେ ମଧ୍ୟ କୋରାପୁଟରୁ ସାଇଣ୍ଟିଫିକ ଟିମ ଆସିଲା ପରେ ପ୍ରକୃତ ଘଟଣା ଜଣାପଡିବ ବୋଲି ସୂଚନା ମିଳିଛି | ଏହି ଘଟଣାାର ପୁଙ୍ଖାନୁପୁଙ୍ଖ ତଦନ୍ତ କରିବା ପାଇଁ ଗ୍ରାବାସୀ ଦାବି କରିଛନ୍ତି ।