ପରୀକ୍ଷା ଦେବାକୁ ଯିବା ସମୟରେ ଦୁର୍ଘଟଣା ରେ ପରୀକ୍ଷାର୍ଥୀ ଙ୍କ ମୃତ୍ୟୁ…

youtube


ମାଲକାନଗିରି : ଶେଷ ପରୀକ୍ଷା ହେଲା ଜୀବନର ଶେଷ ଦିନ । ଏହିଭଳି ଏକ ହୃଦୟ ବିଦାରକ ଘଟଣା ଘଟିଛି ମାଲକାନଗିରି ନିକଟ ପଦ୍ମଗିରି ଅଞ୍ଚଳରେ । ଦଶମ ଶ୍ରେଣୀ ପରୀକ୍ଷା ଦେବାକୁ ଯିବା ବେଳେ ସଡକ ଦୁର୍ଘଟଣାରେ ଛାତ୍ରଙ୍କ ମୃତ୍ୟୁ। ଦଶମ ଶ୍ରେଣୀ ପରୀକ୍ଷା ର ଶେଷ ଦିନ ଥିବାରୁ ପଦ୍ମଗିରି ଠାରୁ ସେରପାଲି ପରୀକ୍ଷା କେନ୍ଦ୍ରକୁ ଯିବା ସମୟରେ ଚନ୍ଦନଗୁଡ଼ା ନିକଟରେ ଏକ ପିକ୍-ଅପ୍ ଭ୍ୟାନ୍ ସହ ବାଇକ ଧକ୍କା ହେବାରୁ ଜଣେ ଦଶମ ଶ୍ରେଣୀ ଛାତ୍ରଙ୍କ ମୃତ୍ୟୁ ଘଟିଥିଲା । ସାଙ୍ଗରେ ଥିବା ଅନ୍ୟ ଜଣେ ଛାତ୍ର ଗୁରୁତର ଆହତ ହୋଇଥିଲେ। ମୃତକଙ୍କ ନାମ ବିକ୍ରମ ସର୍ଦ୍ଦାର, ସେ ପଦ୍ମଗିରି ହାଇସ୍କୁଲର ଛାତ୍ର ବୋଲି ଜଣାପଡିଛି। ଛାତ୍ର ଦୁଇ ଜଣ ହାଇସ୍କୁଲ ସାର୍ଟିଫିକେଟ୍ (ଏଚ୍ଏସ୍
ସି) ପରୀକ୍ଷା ଦେବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା। ସେରପାଲି ପରୀକ୍ଷା କେନ୍ଦ୍ର ଅଭିମୁଖେ ଯାଉଥିବା ସମୟରେ ସେମାନଙ୍କ ବାଇକ୍‌କୁ ପିକ୍-ଅପ୍ ଭ୍ୟାନ୍ ଧକ୍କା ଦେଇଥିଲା। ବିକ୍ରମଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା ବେଳେ ଅନ୍ୟ ଜଣେ ଛାତ୍ର ତାପସ ସର୍ଦ୍ଦାର ଗୁରୁତର ଆହତ ହୋଇଥିଲେ। ଗୁରୁତର ଛାତ୍ରକୁ ମାଲକାନଗିରି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

Leave A Reply

Your email address will not be published.