ରାଇକିଆ : ଆଜି ସିବିଏସଇ ଦଶମ ଏବଂ ଦ୍ଵାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶିତ ହୋଇଛି । କନ୍ଧମାଳ ଜିଲ୍ଲା ରାଇକିଆ ବ୍ଲକରେ ଦୁଇଟି ବିଦ୍ୟାଳୟର ଛାତ୍ରଛାତ୍ରୀ ସିବିଏସଇ ଦ୍ଵାରା ପରିଚାଳିତ ଦଶମ ଏବଂ ଦ୍ଵାଦଶ ପରୀକ୍ଷା ଦେଇଥିଲେ । ଓଡିଶା ଆଦର୍ଶ ବିଦ୍ୟାଳୟ ରାଇକିଆରୁ ଦ୍ଵାଦଶ ପରୀକ୍ଷାରେ ମୋଟ ୬୭ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ସେଥିମଧ୍ୟରୁ ୪୭ ଜଣ ପାସ ହେବା ସହ ବିଦ୍ୟାଳୟର ପାସହାର ୭୦.୧୪ ପ୍ରତିଶତ ରହିଅଛି । ଦ୍ଵାଦଶରେ ପି. ସମୀକ୍ଷା ୭୭.୦୪ ପ୍ରତିଶତ ରଖି ବିଦ୍ୟାଳୟ ସହ ରାଇକିଆ ବ୍ଲକ ଟପର ହୋଇଛନ୍ତି । ସେହିପରି ଦଶମ ପରୀକ୍ଷାରେ ମୋଟ ୭୩ଜଣଙ୍କ ମଧ୍ୟରୁ ୬୭ ଜଣ ପାଇ ହେବା ସହ ପାସ୍ ହାର ୯୧.୭୩ ପ୍ରତିଶତ ରହିଛି । ଦଶମ ପରୀକ୍ଷାରେ ଉଷାରାଣୀ ଶତପଥୀ ମୋଟ ୯୬.୨୦ ପ୍ରତିଶତ ରଖି ବିଦ୍ୟାଳୟ ସହ ରାଇକିଆ ବ୍ଲକ ଟପର ହୋଇଛନ୍ତି । ସେହିପରି କଳିଙ୍ଗ ଆଦର୍ଶ ଆବାସିକ ବିଦ୍ୟାଳୟ ରାଇକିଆରୁ ମୋଟ ୫୧ ଜଣ ପରୀକ୍ଷା ଦେଇଥିଲେ ସେଥିମଧ୍ୟରୁ ୫୧ ଜଣ ପାସ ହୋଇଥିଲେ ଏହା ସହ ବିଦ୍ୟାଳୟର ପାସହାର ୧୦୦ ପ୍ରତିଶତ ରହିଅଛି । ବିଦ୍ୟାଳୟରୁ ଦିବ୍ୟରଞ୍ଜନ ପ୍ରଧାନ ୮୬.୦୨ ପ୍ରତିଶତ ରଖି ବିଦ୍ୟାଳୟ ଟପର ହୋଇଛନ୍ତି । ନିଜର ସଫଳତା ପାଇଁ ଛାତ୍ରଛାତ୍ରୀମାନେ ପିତାମାତାଙ୍କ ସହ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଶ୍ରେୟ ଦେଇଛନ୍ତି । ରାଇକିଆ ଅଞ୍ଚଳର ବୁଦ୍ଦିଜୀବୀ ତଥା ବିଭିନ୍ନ ସଂଗଠନ ପାସ ହୋଇଥିବା ଛାତ୍ରଛାତ୍ରୀ ଏବଂ ଟପର ମାନଙ୍କୁ ଶୁଭେଚ୍ଛା ଦେବା ସହ ଉଚ୍ଚ ପ୍ରଶଂସା କରିଛନ୍ତି ।