ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆରେ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି ଯେ, ତାଙ୍କ ନିର୍ଦ୍ଦେଶରେ ଆମେରିକୀୟ ସେନା ଇରାନର ସବୁଠାରୁ ଗୁରୁତ୍ୱପୂର୍ଣ୍ଣ ଖାର୍ଗ ଦ୍ୱୀପ (Kharg Island) ଉପରେ ଏକ ଭୟଙ୍କର ବୋମା ମାଡ଼ କରିଛି। ଏହି ଆକ୍ରମଣରେ ସେଠାରେ ଥିବା ସମସ୍ତ ସାମରିକ ଘାଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି।
ଟ୍ରମ୍ପଙ୍କ ଚେତାବନୀ:
ସମୁଦ୍ର ପଥରେ ବାଧା ଦେଲେ ପରିଣାମ ଭୟଙ୍କର: ଟ୍ରମ୍ପ କହିଛନ୍ତି ଯଦି ଇରାନ କିମ୍ବା ଅନ୍ୟ କେହି ‘ହର୍ମୁଜ ପ୍ରଣାଳୀ’ (Strait of Hormuz) ଦେଇ ଯାଉଥିବା ଜାହାଜଗୁଡ଼ିକୁ ଅଟକାନ୍ତି, ତେବେ ଆମେରିକା ପୁଣି ଥରେ କଠୋର ପଦକ୍ଷେପ ନେବ।
ପରମାଣୁ ଅସ୍ତ୍ର ନିଷେଧ: ଇରାନ ପାଖରେ କେବେ ବି ପରମାଣୁ ଅସ୍ତ୍ର ରହିବ ନାହିଁ କିମ୍ବା ସେ ବିଶ୍ୱ ପାଇଁ ବିପଦ ସାଜିପାରିବ ନାହିଁ।
ଆତ୍ମସମର୍ପଣ ପାଇଁ ପରାମର୍ଶ: ଟ୍ରମ୍ପ ଇରାନ ସେନାକୁ କହିଛନ୍ତି ଯେ, ସେମାନେ ନିଜର ଅସ୍ତ୍ରଶସ୍ତ୍ର ଛାଡ଼ି ଦିଅନ୍ତୁ ଏବଂ ନିଜ ଦେଶକୁ ବଞ୍ଚାନ୍ତୁ, କାରଣ ଏବେ ଇରାନ ପାଖରେ ବଞ୍ଚାଇବାକୁ ଆଉ କିଛି ବାକି ନାହିଁ।