ରାଉରକେଲା: ସହରରେ ନିଶା କାରବାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ରାଉରକେଲା ପୋଲିସକୁ ଏକ ବଡ଼ ସଫଳତା ମିଳିଛି। ପ୍ଲାଣ୍ଟସାଇଟ୍ ଥାନା ଅନ୍ତର୍ଗତ ବଡ଼ା ପାର୍କ ନିକଟରେ ବେଆଇନ ଭାବେ ହେରୋଇନ୍ କାରବାର ଏବଂ ଚାଲାଣ କରୁଥିବା ଅଭିଯୋଗରେ ପୋଲିସ ଜଣେ ୩୨ ବର୍ଷୀୟ ଯୁବକଙ୍କୁ ଗିରଫ କରିଛି।
ନିୟମିତ ପାଟ୍ରୋଲିଂ କରୁଥିବା ସମୟରେ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ପ୍ଲାଣ୍ଟସାଇଟ୍ ପୋଲିସ ଉକ୍ତ ସ୍ଥାନରେ ଚଢ଼ାଉ କରିଥିଲା।
ଚଢ଼ାଉ ସମୟରେ ଅଭିଯୁକ୍ତଙ୍କ ନିକଟରୁ ପୋଲିସ ନିମ୍ନଲିଖିତ ସାମଗ୍ରୀ ଜବତ କରିଛି, ୨୦ ଗ୍ରାମ ହେରୋଇନ୍, ଗୋଟିଏ ମୋବାଇଲ୍ ଫୋନ୍
ଗିରଫ ଯୁବକଙ୍କ ବିରୋଧରେ NDPS ଆଇନର ଧାରା 21(b) ଅନୁଯାୟୀ ଏକ ମାମଲା ରୁଜୁ କରାଯାଇଛି ଏବଂ ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରଖିଛି।
ଏକ ସୁରକ୍ଷିତ ତଥା ନିଶାମୁକ୍ତ ସମାଜ ଗଠନ ନିମନ୍ତେ ରାଉରକେଲା ପୋଲିସ ପ୍ରତିବଦ୍ଧ। ନିଶା ମାଫିଆ ଏବଂ ବେପାରୀଙ୍କ ବିରୋଧରେ ଆଗକୁ ମଧ୍ୟ ଏହିଭଳି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।
ରିପୋର୍ଟ: ଅବଦୁଲ ସୋହାବ, ବିରମିତ୍ରପୁର (ନିସର୍ତ୍ତ ନ୍ୟୁଜ୍)
