ଦାରିଙ୍ଗବାଡ଼ି ( ୧୯/୯) : ସ୍ବେଚ୍ଛାସେବୀ ଅନୁଷ୍ଠାନ ପ୍ରେମ୍ ଓ ଏଡୁକୋ ପକ୍ଷରୁ ଗାଁ ସ୍ତରରେ ବାଲ୍ୟ ବିବାହ ଓ ଶିଶୁ ଶ୍ରମିକ ପରି ସାମାଜିକ ବ୍ୟାଧି କୁ ବନ୍ଦ କରିବା ଉଦେଶ୍ୟରେ କିଶୋର କିଶୋରୀ ସଂଘ ଦ୍ୱାରା ପଥପ୍ରାନ୍ତ ନାଟକ ପରିବେଷଣ ହୋଇଅଛି। କାର୍ଯ୍ୟକ୍ରମ କୁ ଅନୁଷ୍ଠାନ କାର୍ଯ୍ୟ ସଂଯୋଜକ ସଞ୍ଜୟ କୁମାର ଦିଗାଳ , ଗ୍ରାମ ସ୍ତରୀୟ କର୍ମୀ ସୁମିତ୍ରା ମଲ୍ଲିକ , ବିକ୍ରମ ବଳିଆରସିଂ ଓ ଅନୁଷ୍ଠାନର ଅନ୍ୟ କର୍ମକର୍ତ୍ତା ମାନେ ସହଯୋଗ କରିଥିଲେ। ଏହି ଅନୁଷ୍ଠାନ ଗତ ମାର୍ଚ୍ଚ ମାସ ୨୦୨୧ ରୁ କିଶୋର କିଶୋରୀ ଙ୍କୁ ନେଇ ଏଭଳି ସଚେତନ କାର୍ଯ୍ୟକ୍ରମ କରିଆସୁଛି। ଦାରିଙ୍ଗବାଡ଼ି ବ୍ଲକର ୭ ଗୋଟି ଗ୍ରାମ ପଞ୍ଚାୟତରେ ଥିବା ୧୧୫ ଗାଁ ଗୁଡ଼ିକୁ ଯାଇ ପଥପ୍ରାନ୍ତ ନାଟକ ମାଧ୍ୟମରେ ସଚେତନତା ସୃଷ୍ଟି କରି ଆସୁଥିବା କହିବା ସହ ଶିଶୁ ଶ୍ରମିକ ପରି ସାମାଜିକ ବ୍ୟାଧିକୁ ବନ୍ଦ କରିବା ଏହାର ଉଦେଶ୍ୟ ବୋଲି ପ୍ରେମ୍ ଅନୁଷ୍ଠାନ ପ୍ରୋଗ୍ରାମ ମ୍ୟାନେଜର ସୁଧୀର ଦିଗାଲ୍ କହିଛନ୍ତି। ଏହି ସଚେତନତା ନାଟକ ଦ୍ୱାରା ଲୋକଙ୍କ ମଧ୍ୟରେ ବିଶେଷ କରି କିଶୋର କିଶୋରୀ ମାନଙ୍କ ମଧ୍ୟରେ ସଚେତନତା ସୃଷ୍ଟି କରିପାରିଥିବା ଗ୍ରାମ ମୁଖିଆ ସମାସନ ପ୍ରଧାନ , ଉର୍ମିଳା ପ୍ରଧାନ ଏବଂ ଲିଲିମା ପ୍ରଧାନ କହିଥିବା ବେଳେ କାର୍ଯ୍ୟକ୍ରମ ଦେଖିସାରିବା ପରେ ଭଲ ଭାବରେ ନିଜର ସମସ୍ୟା ଗୁଡ଼ିକ ହୃଦୟଗମ କରିପାରିଥିବା ଶିଖାରାଣୀ ପ୍ରଧାନ କିଶୋରୀ ଜଣଜ କହିଛନ୍ତି। ୱାଡ଼ ମେମ୍ବର ଶର୍ମାନନ୍ଦ ପ୍ରଧାନ, ଅଙ୍ଗନୱାଡି କର୍ମୀ ଅର୍ଚ୍ଚନା ପ୍ରଧାନ ଏବଂ ଆଶା ଦିଦି ସୁଲତା ପ୍ରଧାନ କିଶୋର କିଶୋରୀ ମାନଙ୍କର ଏହି କାର୍ଯ୍ୟକ୍ରମ କୁ ପ୍ରଶଂସା କରିଛନ୍ତି।